Eining - 01.11.1968, Qupperneq 9

EINING
9
Sexlugur
Hallgrímur Th. Björnsson
yfirkennari
Þar sem fullvíst er að undirritaður
verður ekki til taks, þegar Hallgrímur
stígur upp á næsta merkis-aldursþrepið
og verður sjötugur, gríp ég tækifærið
til að birta mynd af honum í Einingu
og láta blaðið færa honum hlýjar og
góðar heillaóskir frá okkur bindindis-
mönnum, þótt ekki sé hann enn nema
sextugur. Gaman væri nú að vera jafn-
aldri hans. Það munar um hver 18 árin.
Það liggur við að ég yngist upp hvert
sinn er ég hitti Hallgrím Th. Björns-
son, því að, eins og myndin sýnir, er
hann ávallt glaður og hress, eins og
reiðubúinn að leggja upp í einhverja
sigurför, knár og karlmannlegur, og
Hallgrimur Th. Bjömsson.
þykir áreiðanlega gaman og gott að lifa
og starfa.
Hér verður hvorki rakin ætt, ævisaga,
menntabraut né afrek Hallgríms. Það
gerir einhver í röðum okkar bindindis-
manna, mér fróðari, yngri og hæfari,
þegar hann á sitt næsta áratugarafmæli.
Kennarastarfið kaus hann sér, göfugt
starf, sem veitir góð tækifæri. Hall-
grímur er maður orðsins, hann kennir,
yrkir og skrifar, hefur verið ritstjóri
blaðsins Faxa á þriðja áratug, og ýms-
um góðum málefnum hefur hann rétt
styrka hönd. Hann er einn af okkar
bindindismanna traustu og góðu liðs-
mönnum og á beztu þakkir okkar skilið.
Hreystimaðurinn, heill sé þér
Haltu svo fram sem stefnir.
Markmiðið háa ávallt er
augljóst hverjum, sem gildi þess sér.
Heitin þín öll þú efnir. —
Njóttu þess vel að vera til,
vermdur heimilisbirtu og yl.
Þar veitast á öllum vanda skil,
sem veröldin torfæru nefnir.
Allt þar til auðnu stefnir.
Með beztu kveðjum og blessunaróskum.
Pétur Sigurösson.

Málverkasýning Freymóðs Jóhannssonar
Sennilega erum við Islendingar allir
sammálu um það, að í landi okkar sé
mjög víða unaðsleg náttúrufegurð, sem
margir sækjast eftir að geta notið og
kosta oft til þess töluverðu.
Miklar þakkir eiga þá skilið þeir
snillingar, sem geta borið þessa fegurð
inn í hús manna. Það gerir Freymóður.
Á sýningu hans sá ég enga mynd, sem
ekki var mér augnayndi. Þar voru
sannarlega engin „keisarans nýju föt.“
Eins og beztu ljóðskáldin okkar hafa
haldið tryggð við hið fagra og elskaða
ljóðaform, sem þjóðin hefur unnað og
unað við um aldaraðir, svo heldur Frey-
móður tryggð við hina óspilltu og yndis-
legu málaralist.
Eins og þegar er sagt, þótti mér öll
málverkin fögur, en þau sem mér varð
mest starsýnt á, voru þessi: Lóndrang-
ar. Yfirsýn yfir Norðurfjörö á Strönd-
um. Land fæðist (Surtsey). Þórsmörk
(Valahnjúkur.). Sumarkvöld í Borgar-
firði. Meðalfellsvatn í Kjós. Við Þing-
vallavatn (eftir sólarlag).
Allt frá æskuárum hefur Freymóður
Jóhannsson stundað list sína, haft mál-
verkasýningar víða á Islandi, einnig á
Norðurlöndum, sérstaklega í Danmörku,
en þar stundaði hann listnám og starf
um margra ára skeið, og enn er hann
mikilvirkur. Endist honum aldur sem
lengst við listiðju sína og framleiðslu
fegurðarinnar.
Pétur Sigurðsson.
Lóndrangar.
Yfxrsýn xjfir Norðurfjörð á ströndum.