Okkar á milli - 01.12.1987, Blaðsíða 2
Bók mánaðarins
UU MÁNAÐARINS Fulltverð: 1.788 kr.
Ar Okkarverð: 1.475 kr.
Vinsæl skemmtisaga og
sígilt bókmenntaverk
Bók mánaöarins í desember er hin sígilda
íslenska skáldsaga, Mannamunur eftir Jón
Mýrdal. Þetta er spáný útgáfa af sögunni,
sem Skjaldborg gefur út, og hún er boðin
félagsmönnum Veraldar, áður en hún
verður sett á almennan markað.
Ein af þeim fyrstu
Mannamunur eftir Jón Mýrdal er ein af
fyrstu íslensku skáldsögunum og því
merkilegt verk í bókmenntum okkar. En
jafnframt er bókin vinsæl skemmtisaga,
sem hver kynslóö á fætur annarri les sér til
ánægju og þykir fróðleg heimild um horfna
tíð.
Vann viö trésmíðar
Jón Jónsson (1825 - 1899) var fæddur í
Hvammi í Mýrdal, Vestur-Skaftafellssýslu,
og kenndi sig við heimabyggð sína. Hann
lauk trésmíðanámi í Reykjavík 1852 og
vann síðan við smíðar á ýmsum stöðum
norðanlands og vestan til ársins 1890. Þá
fluttist hann til Akraness og stundaði þar
iðn sína til æviloka.
Skáldsagnahöfundur
Jón Mýrdal fékkst aðallega við skáld-
sagnagerð, en einnig eru til eftir hann
nokkur Ijóð á prenti og fáein leikrit í hand-
riti, sem aldrei hafa verið tekin til sýningar.
Hann sendi frá sér þrjár skáldsögur:
Mannamun (1872), Vinina (1873) og Skin
eftir skúr (1887). Löngu síðar voru gefnar út
eftir hann þrjár skáldsögur, sem voru til í
handriti á Landsbókasafni: Kvennamunur
(1957), Niðursetningurinn (1958) ogTýndi
sonurinn (1963).
Vinsælasta sagan
Mannamunur er lang vinsælasta saga
Jóns Mýrdals og hefur verið prentuð aftur
og aftur. Hún er nú gefin út í fimmta sinn
meö skemmtilegum teikningum eftir Hall-
dór Pétursson listmálara, og vonandi
munu félagsmenn Veraldar hafa ánægju
af að eignast hana og lesa.
Flestir vildu Mannamun sem mánaðarbók Veröld lét gera skoðanakönnun meöal félagsmanna sinna, þegar ákvörðun var tekin um mánaðarbókina nú í des- ember. Hringt var til um tvöhundruð fé- lagsmanna og þeir beðnir að velja eina af fjórum hugsanlegum mánaðarbók- um. Bókunum var lýst í stuttu máli, sagt frá höfundum þeirra og reynt aö gefa sem besta hugmynd um efni þeirra og gerð. Ein þessara bóka var Manna- munur eftir Jón Mýrdal, og langflestir félagsmanna, eða 45%, vildu hana sem mánaðarbók.
2