Ljósmæðrablaðið - 01.01.1941, Qupperneq 10

8
LJÓSMÆÐRABLAÐIÐ
því, að það var slitið frá leggöngunum, þvert yfir að fram-
an. Sárrendurnar luktust utan um háls fóstursins. Legið
var tekið burtu. Fóstrið var 3260 gr. að þyngd, og um-
mál höfuðsins var 35 cm.
Við rannsókn kom í ljós, að þar sem legið hafði brostið,
voru í því miklar bólgubreytingar og vefjabilanir. Ekki
var gott að ákveða, hversu gamlar þessar breytingar væru;
þó virtust þær ekki vera nógu gamlar til þess að stafa frá
graftarsýkingunni fyrir tveimur árum. Fyrst eftir upp-
skurðinn leið konunni eftir atvikum sæmilega, en síðar
veiktist hún af lífhimnubólgu, sem dró hana til dauða.
Ástæðan fyrir því, að legið rifnaði frá leggöngunum, er
auðsæ. Vegna bólgunnar voru veilur í vef jum legveggsins,
sem þoldi ekki, af þeim ástæðum, átök legsins í hríðunum.
Fóstrið var mun minna en við fyrri fæðingarnar og engin
hindrun fannst, sem hægt væri að skella skuldinni á.
Einkennilegast er, að konan var hress, og kenndi einskis
sjúkdóms, er skýrt gæti bólgubreytingarnar í leghálsinum.
Aðdragandi fæðingarinnar var mjög stuttur, — ekki fjór-
ar klukkustundir — og ekkert óvanalegt bar við, fyrr en
legið brast.
1 hitt skiptið kom 33 ára kona inn á fæðingarstofnun-
ina B. B., þann 7. apríl 19_ Konan hafði fullgengið með
og jóðsóttin var byrjuð. Áður fæðing fyrir tveimur árum,
þá fætt dautt barn í sitjandastöðu. Barnið var 3150 gr. að
þyngd. Þegar konan kom, var höfuðið fast í grindinni.
Fornistið sprakk klukkan 12,30, sex tímum eftir að kon-
an kom, og var þá fullkomin útvíkkun á legopinu. Allan
daginn voru talsverðar hríðir með fimm mínútna millibili.
Fósturhljóð góð. Klukkan 18,20 byrjaði sjúklingurinn að
kvarta um uppþembu og vindspenning. Við áþreifingu var
kviðurinn all-harður, en linaðist brátt aftur. Fósturhljóð-
in þá fremur hæg, en náðu brátt eðlilegum fjölda.
Ekkert athugavert við æðaslátt sjúklingsins. Hríðir komu
nú með tveggja mínútna hvíldum. Kl. 18,45 byrjaði lítils-