Ljósmæðrablaðið - 01.01.1941, Qupperneq 14

12
LJÓSMÆÐRABLAÐIÐ
að fólkið þorði ekki að fylgja ættingjum sínum til grafar,
og oft og einatt voru allir nánustu vandamenn dánir eða
lágu fyrir dauðanum. Kunningjarnir viku úr vegi hver
fyrir öðrum af ótta við smitun. Sumir tóku það til bragðs
að flýja bæina, og varð það auðvitað til þess, að þeir, sem
eftir voru og sýktust, fengu litla eða enga aðhlynningu.
Fjárhagstjón ríkjanna af þessum faröldrum nam iðulega
hundruðum milljóna dollara.
Frh.
Áminning til ljósmæðra.
Samkvæmt lögum Ljósmæðrafélags Islands geta þær
ljósmæður, sem ekki greiða árgjöld sín í 3 ár samfleytt,
ekki lengur talizt félagar. Telur stjórn félagsins það mjög
leiðinlegt að þurfa að strika árlega út nöfn fleiri
eða færri félaga vegna vanskila, af ekki stærri hóp. Er
það ósk stjórnarinnar að ljósmæður gæfu gaum að því,
hvort þær stéttarsystur þeirra, er þær eiga tal við, eru
í félaginu, og ef svo er ekki, þá reyna að fá þær inn í
félagið.
Stjórnin.
Happdrætti Háskóla íslands.
Vinningar eru nú 6030.
Samtais 1 milljón 400 þús. kr.
Verð: 8 kr., 4 kr. og 2 kr. í flokki
Athugið ákvæðin um skattfrelsi vinninganna.