Akranes - 01.11.1949, Side 20

eru um 900 skráðir meðlimir. Ef sú þjón-
usta, sem hér hefur verið lýýst, er sæmi-
lega rækt, telur hann að þetta sé ærið
starf einum manni, og hann megi hafa
sig allan við að koma því sómasamlega
af.
Hvernig fer messugerðin fram?
Þá skulum við ,,ganga“ í kirkju hjá
metodistapresti, og sjá hvernig messu-
gerðin fer þar fram í höfuðdráttum:
1. Guðsþjónustan hefst með orgelspiii.
2. Sálmur sunginn. (Söfnuðurinn syng-
ur með, ætið standandi. Standa þá og
þeir kirkjugestir upp, sem ekki
syngja).
3. Presturinn les bæn. (En söfnuðurinn
fylgist með henni, því að hana hefur
hann hjá sér á prentuðu spjaldi).
4. Einsöngur, eða sörigur af söngflokki.
5. Auglýsingar, eða ýmiss konar til-
kynningar til safnaðarins. Þær eru
líka fjölritaðar og hefur áður verið
úthýtt i bekkina.
6. Samskot — fórn. — Sérstakir, þar til
kjörnir menn ganga milli kirkju-
gesta með disk, þar sem hver lætur
sina fórn eða umslag með gjöf sinni
í, (sbr. það, sem áður er sagt.) A
meðan þetta fer fram, er leikið á
orgel, eða einsöngvari syngur. A eftir
afhenda þessir menn svo prestinum
diskana, sem aftur leggja þá á altari
kirkjunnar, sem fórn fólksins.
7. Biblíulestur, þar sem presturinn les
eina ritningargrein, en söfnuðurinn
að vörmu spori aðra, (samlestur allra
kirkjugesta).
8. Nú les presturinn einn úr biblíunni
og flytur þar eftir bæn frá eigin
brjósti, og er það aðal bæn Guðs-
þjónustunnar. Þar biður hann fyrir
söfnuðinum, starfinu, landi og þjóð
og heimsfriðnum o. s. frv. Á eftir
les hann svo Faðir vor, sem fólkið
tekur undir.
9. Einsöngur eða kórsöngur.
10. Sálmur.
11. Ræðan. Flestir prestar prédika 25—30
mínútur. Sumir allt að 45 mínútur.
Yfirleitt blaðalaust, þótt þeir hafi
undirbúnið sig vel og mjög margir
skrifað ræðu sína, þá fara þeir ekki
með þær í kirkjumar. Sumir hafa
og aðeins skrifað niður punkta til að
styðjast við.
12. Sálmur.
13. Prestur blessar yfir söfnuðinn.
Yfirleitt stendur Guðsþjónustan 1—1*4
úr klukkustund, eftir þvi hve ræða prests-
ins er löng.
Metodistakirkjan veitir sakramennti á
svipaðan hátt og Lútherska kirkjan. f
minningu likama Krists og blóðs.
Ýmislegt
Kirkjusókn er yfirleitt góð. Þykir 30—
33% góð sókn, en 18—20% lakleg. f
söfnuði sr. Sveinbjarnar eru skráðir um
900 meðlimir eins og áður segir.
Metodistar gera miklar kröfur til presta
sinna um starf. Þeir telja, að þeir eigi
að vera virkir og verulegir tengiliðir milli
kirkju og safnaðar. Því leggja þeir svo
rika áherzlu á heimsóknarskyldu prest-
anna á heimilin, eins og drepið hefur verið
á. f þessum heimsóknum á heimilin —
eða húsvitjunum, eins og það hefur tiðast
verið nefnt hér á landi, — á presturinn
oft helgar stundir með allri fjölskyldunni
eða hluta hennar. Þannig var það t. d.
um sr. Sveinbjörn, að mánuðinn áður en
hann fór að heiman, heimsótti hann um
40 heimili í söfnuðinum. Á a. m. k. 30
af þessum heimilum flutti hann bæn.
Þetta atriði er næsta eftirtektarvert og til
athugunar fyrir presta í okkar kirkju, þar
sem þeim prestum mun stöðugt fara fækk-
andi hér á landi, sem rækja húsvitjanir.
Þá leggja þeir ríka áherzlu á fúsleik
mannanna að gefa til starfsins. Þeir segja:
„Þeir, sem ekki gefa til kirkju sinnar
fúslega eitthvað, — og eftir efnum og
ástæðum, — hafa ekki gefið sig Guði.“
M. a. þess vegna er lögð svo rik áherzla
á að fólkið gefi. Þeir telja og hafa þráfald-
lega orðið þess varir, að hinn glaði gef-
andi telji það hafa orðið sér og símrm til
margvíslegrar blessunar að gefa til hins
kirkjulega starfs, sem eigi aðeins er notað
til kirkjustarfsins í þrengri merkingu,
heldur til mannúðar- og menningarmála
í hinni víðustu merkingu, eins og sjá má
af því, sem hér hefur verið drepið á um
þetta mikla kirkjulega starf Metodista.
Þá er það enn eitt mannúðar- og menn-
ingarstarf, sem Metodistakirkjan leggur
mikla rækt við og leggur mikla áherzlu
á. Það er boðun bindindis. Það má segja,
að kirkjan sé bindindis-kirkja, þótt eigi
séu allir meðlimir kirkjunnar bindindis-
menn. Þetta er deld í þeirra kirkjulega
starfi og viðurkennt í höfuðstöðvum kirkj-
unnar. Þannig á Metodistakirkjan t. d.
stórhýsi i Washington, sem notuð er í
þágu bindindisstarfsins.
Metodistar hafa fyrr og síðar átt innan
sinnar prestastéttar marga hálærða, heims-
fræga menn. Einn þeirra er nú nýlega
látinn, Dr. Ernest Fremont Tittle, stór-
merkur prédikari og andans maður, sem
sérstaklega barðist fyrir friði. Ákafur og
harðskeyttur bardagamaður.
Enn má nefna Ralaph Sockmon. Hann
er miklu mildari en dr. Ernest var. Ágæt-
ur mannasættir og flokka- og getur haft
samvinnu við menn með hin ólíkustu
sjónarmið. Hann hefur útvarpsmessur
hvern sunnudag klukkan 9.30 að morgni,
og er messunni útvarpað um allt að hundr-
að útvarpsstöðvum í Bandaríkjunum.
Hér hefur nú nokkuð verið skýrt frá
hinu mikla og merkilega starfi hinnar
voldugu kirkju Metodista, sérstaklega í
Bandaríkjunum. Kirkjudeildir og trúfélög
í Bandaríkjunum eru mörg, en þrátt fyrir
það mikla starf, sem þannig er unnið af
hinum ýmsu trúfélögum, eru þar æði
margir, sem láta sig engu skipta kirkju-
eða kristindóm í hvaða formi sem er.
Þannig sagði sr. Sveinbjörn, að aðeins
51% af hinni bandarísku þjóð væri í
einhverri kirkjudeild. Þó fer þeim fremur
fjölgandi, því að ekki er langt síðan að
þeir voru aðeins 49%, sem tilheyrðu ein-
hverri kirkjudeild. Ber mest á þessu i
hinum stóru borgum, en langt um minna
í smærri bæjum og sveitum.
Ö. B. B.
r------------------------------------------^
LÆKNISRÁÐ:
(Sbr. bls. 130).
Krabbamein er Jæknanlegt, sé það greint á
byrjunarstigi og strax tekið til meðferðar.
Hér skulu nefnd nokkur einkenni, sem bent
geta á, að um byrjandi krabbamein sé að ræða:
1. Þykkildi eða herzli undir húð eða nálægt
yfirborði likamans. Sérstakur gaumur skal
þessu gefin, af það finnst í brjósti, á vör-
um eða tungu.
2. Skeina eða sár, sem gengur illa að gróa
eða grær ekki á 2—3 vikum.
3. Ef gömul varta eða fæðingarblettur fer
að breyta lögun, stærð eða lit, getur sú
breyting boðað illkynjun.
4. Óeðlileg i'itferð og blæðing frá líkams-
opunum, einkum geirvörtum, kynfærum
og endaþarmi.
5. Þrélát hæsi og særindi í hálsi, langvinnur,
þurr hósti og erfiðleikar ó að kyngja mat
eða drykk.
6. Óvænt lystarleysi og leiði eftir máltiðir
einkum hjá þeim, sem komnir eru yfir
fertugt. >
7. Óeðlilegar breytingar á hægðum, t. d.
harðar og þunnar á víxl. Góð regla er að
athuga saurinn öðru hvoru, einkum lit og
lögun. Sé hann mjög dökkur eða svartur
á lit eða þráðmjór, er rétt að ráðfæra sig
við lækni.
Það gildir um öll þessi einkenni, að þau
geta fylgt öðrum og meinlausari kvillum en
krabbameini, en þrátt fyrir það eru ])au einatt
fyrstu boðberar þess. Verði maður þeirra var,
ber honum að snúa sér til læknis, sem úr þvi
sker, hvort þau votti meinlítinn kvilla eða
hættulega meinsemd.
Fulllangur hali.
Bónda nokkrum, sem kom í kaupstað,
varð það á að stiga á kjólslóða hefðarfrúar.
Frúin litur við og segir: „Hefurðu ekki
augu í hausnum, nautið þitt?“
Bóndinn: „1 sveitinni höfum við ekki
kýr með svona löngum hala, svo að ég
varaði mig ekki héma.“
140
AKRANES