Almanak Hins íslenska þjóðvinafélags - 01.01.1994, Qupperneq 68

Janúar
I byrjun mánaðar er Satúrnus eina reikistjarnan á kvöldhimninum,
lágt á lofti í suðri við myrkur í Reykjavík. Hann nálgast sól og lækkar
enn meir á lofti þegar á mánuðinn líður. Undir mánaðarlok fer Merk-
úríus að koma í ljós austan við sól og nær 5° hæð í suðvestri við myrk-
ur í Reykjavík. Hann verður þá í námunda við Satúmus sem er mun
daufari. Júpíter er morgunstjarna í vogarmerki, kemur upp síðla
nætur og er lágt á lofti á suðurhimni fram í birtingu.
Febrúar
Merkúríus er lengst í austur frá sól þann 4. febrúar. Frá 4. til 10-
febrúar nær hann í 7° hæð í suðvestri og síðar vest-suðvestri við myrk-
ur í Reykjavík en birta hans fer minnkandi á þessum tíma. Undir lok
febrúar er Venus að koma í ljós austan við sól og verður þá 6° yfif
sjóndeildarhring í vest-suðvestri við sólarlag í Reykjavík. Júpíter er
morgunstjarna í vogarmerki, lágt á lofti á suðurhimni fyrir birtingu.
Mars
Venus fer að sjást sem kvöldstjarna í mánuðinum en er nærri sól og
lágt á lofti. I mánaðarlok hefur hún náð 7° hæð í vestri við myrkur i
Reykjavík. Júpíter kemur upp um miðnæturbil og nær mest 11° hæð i
suðri síðla nætur. Hann er í vogarmerki.
Apríl
Venus er kvöldstjarna, lágt á vesturhimni við myrkur í Reykjavík-
Hún er að fjarlægjast sól og hækkar heldur á lofti þegar á mánuðinn
líður. Hinn 12. apríl sést hún mjög nálægt tunglinu. Júpíter kemur upp
að áliðnu kvöldi og er lágt á lofti á suðurhimni eftir miðnætti. I mán-
aðarlok kemst hann í gagnstöðu við sól og er þá í hásuðri um lágnætt-
ið. Júpíter er í vogarmerki.
Maí
Venus er kvöldstjarna, lágt á lofti í norðvestri eftir að dimma tekur
í Reykjavík. Júpíter er á lofti allar myrkurstundir mánaðarins en er
fremur lágt á himni og kemst hæst 13° yfir sjónbaug í suðri í Reykja-
vík.
Júní-júlí
Vegna dagsbirtunnar er erfitt að greina reikistjörnur um hásumarið
hérlendis nema afstaða þeirra sé sérlega hagstæð eða sjónauki notað-
ur. Bjartasta reikistjarnan, Venus, er kvöldstjarna og er lágt á lofti i
norðvestri eða vest-norðvestri við sólarlag í Reykjavík. Hún lækkar
stöðugt á þessu tímabili þótt hún sé að fjarlægjast sól. Framan af jum-
mánuði verður Júpíter lágt á lofti í suðvestri um lágnætti. Undir lok
júlí verður Satúrnus lágt á lofti í suðaustri um lágnættið.
(66)