Bræðrabandið - 01.11.1977, Side 10

sem voru drukknir eða undir áhrifum eiturlyfja báru
ábyrgð á stórum hluta hinna fimmtíu og fimm
þúsunda dauðaslysa í umferðinni árið 1975. Á síðasta
áratug hefur lögleg útbreiðsla kláms og skipulögð
kynlífssala orðið að marg billjón dollara viðskiptum.
Kœrðar nauðganir eru mörg hundruð prósentum
hærri í Bandaríkjunum en í Bretlandi eða Japan. Ef
við gerum ráð fyrir að núverandi vöxtur glæpa,
alkóhólisma, eiturlyfjaneyslu og kynlífsverslunar
haldi áfram til 1996, þá verður Ameríka orðið mesta
drykkju-, eiturlyfja-, kynlífs-, og glæpaþjóðfélag á
jörðu.“
Snúum okkur nú að ritningunni og lesum 2.
Tímóteusarbréf 3, 1—5. „En vita skalt þú þetta, að á
síðustu dögum munu koma öróugar tíðir, því að
mennirnir munu verða sérgóður, fégjarnir, raupsamir,
hrokafullir, lastmælendur, foreldrum óhlýðnir, van-
þakklátir, vanheilagir, kærleikslausir, óhaldinorðir,
rógberandi, bindindislausir, grimmir, ekki eiskandi
það sem gott er, sviksamir, framhleypnir, ofmetnað-
arfullir, elskandi munaðarlífið meira en Guð, og hafa
á sér yfirskyn guðhræðslunnar, en afneita krafti
hennar. Og snú þér burt frá slíkum."
Þekktur heimsleiðtogi hefur varað við: „Mér virðist
vera tvö aðal-ský sem hvíla yfir framtíð okkar og
framtíð heimsins. Umfram allt þá er það þessi
hræðilegi ótti við atómstyrjöld sem getur brotist út
hvenær sem er. Ef við getum ekki losnað við þessa
ægilegu og kæfandi hættu, þá er útlitið fyrir þessa
plánetu og íbúa hennar — þarmeð talin okkar þjóð —
í hæsta máta drungalegt. Augnabliks atómeyðing er
þvingun sem í vægasta formi er skaðleg frelsi manns-
ins. í versta falli gæti hún orðið lokakafli heimsmenn-
ingarinnar eins og við þekkjum hana. Atómaflið þarf
ekki að vera refsinorn mannkynsins en það er það
núna — og engar breytingar eru innan sjónmáls.“
Biblían segir fyrir um að dag nokkurn muni Guð
„eyða þeim sem jörðina eyða.“ (Op. 11,18).
Tíu ár sem skóku heiminn
í grein sem heitir „Tíu ár sem skóku heiminn“ eru
höfundarnir að rifja upp það sem gerðist í heiminum
á þeim tíu árum sem fylgdu eftir morði á John
Kennedy, forseta, 22. nóvember, 1963. Þeir segja:
„Sumir sagnfræðingar eru sammála um að e.t.v. hafa
aldrei verið eins önnur tíu ár í sögu þjóðarinnar."
Greinin bendir á vísindalegar framfarir eins og lend-
ing Bandaríkjamanna á tunglinu, sambönd um gervi-
hnetti, framfarir stórra tölva, stórstígar framfarir
varðandi veðurspár og svo framfarir viðvíkjandi leis-
ergeisla. Höfundarnir minnast á þá hvatningu sem
þetta allt ætti að vera trúarstofnunum og þeir spyrja
hvort þær séu hlutverki sínu vaxnar. Þeir tala um
kynþáttavandamál, rauðsokkahreyfinguna, klám og
áhyggjur fólks vegna hætta sem steðja að fjölskyld-
unni. Þeir tala um ofbeldi, aukna glæpi, eyðileggjandi
eiturlyf, nemendauppreisnir, morð og gefa þannig
drungalega mynd af þjóðfélagi nútímans. Niðurstaða
þeirra er: „Hinu venjubundna tímabili uppreinarand-
ans er lokið. Við erum að komast inn í óvenjulegt
umbreytingartímabil í mannkynssögunni. Heimurinn
er á barmi ummyndunar sem er áhrifameiri sögulega
og mannlega séð heldur en franska stjórnarbyltingin
og sú bolsévíska.
Lesum í sambandi við þessa skilgreiningu úr Vitn-
isburðunum: „Við lifum á tíma endalokanna. Tákn
tímanna sem uppfyllast óðfluga lýsa yfir að endur-
koma Krists sé nálæg. Dagarnir sem við lifum á eru
alvarlegir og mikilvægir. Andi Guðs er smám saman
að hverfa af jörðunni. Plágur og dómar eru nú þegar
byrjaðir að falla á þá sem vanvirða náð Guðs.
Vopnaviðburðirnar á landi og sjó, óöryggið í þjóðfél-
aginu, stríðshætturnar — allt er þetta fyrirboði ills.
Þetta bendir allt á magnþrungna viðburði sem fram-
undan eru.“
„öfl hins illa eru að sameinast og stykjast. Þau eru
að efla sig fyrir hina síðustu voðaviðburði. Fljótlega
munu miklar breytingar eiga sér stað í heiminum, og
lokaatriðin munu gerast mjög ört.“ 9. bindi, bls. 11.
Spámaðurinn talar um að miklar breytingar muni
fljótlega eiga sér stað. Með því að bera saman
spádóma við framkomna atburði getum við komist að
einungis einni niðurstöðu og hún er að miðnætur-
stundin er rétt framundan. Stjórnmála- og vísinda-
menn eru í öngum sínum og viðurkenna getuleysi sitt
við að leysa vandamál heimsins. Þetta er í samhljóm
við það sem sagt er fyrir í 9. bindi, bls. 13: „Þeir eru
ekki margir, jafnvel meðal mennta- og stjórnmála-
manna, sem skilja orsakirnar fyrir núverandi ástandi
þjóðfélagsins. Þeir sem halda um stjórntaumana eru
ekki færir um að leysa vandamál siðleysisins, fátækt-
arinnar, örbirgðarinnar og vaxandi glæpa. Þeir reyna
árangurslaust að koma viðskiptalífinu í betra horf.“
Jafnvel þótt útlitið sé óglæsilegt þá getum við
hughreyst okkur við orð Jesú: „En þegar þetta tekur
að koma fram, þá réttið úr yður og lyftir upp höfðum
yðar, því að lausn yðar er í nánd.“ (Lúkas 21, 28).
Skarpleg skilgreining
Fyrir nokkrum árum komu saman um 70 manns
frá 25 löndum til að íhuga framtíðalíf á þessari
plánetu. Tekin voru fyrir fimm mismunandi svið
vandamála: vaxandi iðnvæðing, mannfjölgun, fæðu-
skortur, tæming óendurnýjanlegra auðlinda og spill-
ing umhverfisins. Hvert fyrir sig gæti þýtt heimsó-
gæfu ef ekkert yrði að gert. Fyrrverandi aðalritari
Sameinuðu þjóðanna, U Thant, sagði 1969: „Ég vil
ekki láta það hljóma eins og ýkjur, en samkvæmt
þeim upplýsingum sem ég hef aðgang að sem aðalrit-
ari þá get ég ekki annað en ályktað að ríki Sameinuðu
þjóðanna hafa e.t.v. tíu ár til að leysa hinar gömlu
deilur sínar og koma af stað heimsvíðtækri samein-
ingu til að draga úr vopnakapphlaupi, til að bæta
umhverfi mannsins, til að leysa mannfjölgunar-
vandamálið, og til að sameinast um uppbyggingu og
vöxt. Ef slíkur félagsskapur er ekki myndaður innan
áratugs óttast ég mjög að þau vandamál sem ég hef
10