Dagblaðið Vísir - DV - 27.10.2005, Side 16

16 FIMMTUDAGUR 27. OKTÓBER 2005
Fréttir DV
Halló mamma
Móðurástin varð þýsk-
um þjófi að falli eftir að
hafa rænt andvirði 530
milljóna króna úr banka
sem hann vann hjá sem ör-
yggisvörður. Hann hafði
alltaf dreymt um að eignast
hús við Adríahaf og njóta
lífsins þar. Hann greip tæki-
færið þegar honum var
treyst fyrir að flytja pening-
ana milli banka. Tíu daga
leit lögreglu lauk eftir að
hann hringdi í móður sína.
Hann hafði einungis náð að
eyða hluta þýfisins við kaup
á fötum og skóm, afgangur-
inn fannst í skotti bíls hans.
Lestu
umbúðirnar
McDonalds
hefur ákveðið
að hér eftir
muni fyrirtækið,
birta næringar-
upplýsingar á
flestum umbúð-
um. Þannig ætl-
ar fyrirtækið að
að svara þeim sem efast um
næringargildi veitinga keðj-
unnar. „Við höfum hlustað
á viðskiptavinina og ætlum
að svara þeim með því að
einfalda upplýsingagjöf um
þann mat sem þeir næra sig
á,“ segir Jim Skinner, for-
stjóri McDonalds. Nýju um-
búðirnar verða aðgengileg-
ar í tengslum við vetrar-
ólympíuleikana á Ítalíu á
næsta ári.
Fuqlaveiran
í Kina bv
Yfirvöld í
Kínahafatil-
kynnt um ný til-
vik þar sem
fuglaflensuveir-
an H5N1 fannst
í dauðum fugl-
um. Hundruð kjúklinga og
anda hafa drepist í Hunan-
héraðinu. „Þrátt fýrir að
veiran hafi fundist í sumum
þorpum héraðsins vegna
farfúgla höfum við góða
stjóm á ástandinu,“ hefur
Xinhua-fréttastofan eftir
Gao Qiang, heilbrigðisráð-
herra Kína. Nýverið fannst
veiran einnig í dauðum
svönum í Króatíu. Æ fleiri
lönd bætast í hóp áhyggju-
fullra vegna fuglaflensu.

Mikill jaröskjálfti skók Pakistan þann 8. október, sá stærsti í næst-
um heila öld. Um 54 þúsund manns eru talin hafa látist í skjálftan-
um og um 77 þúsund slasast. Hjálparstofnanir segja töluna fara
hækkandi vegna slæms aðbúnaðar og skorts á neyðaraðstoð.
Rauði krossinn
5600 Islendingar
hringdu i söfnunar-
númerið 907-2020 hjó
Rauða krossinum og
gáfu 5,6 milljónir. Rikið
lagði til 9,2 og 3 millj-
ónir komu frá almenn-
ingi og fyrirtækjum.
Skjálftinn sem reið yfir Pakistan mældist 7,6 á Richter og skók
jörð allt frá Afganistan til Bangladesh. Meira en 3,3 milljónir
manna eru heimilislausar. Hjálparstofnanir segja að enn vanti
þúsundir tjalda til að koma þaki yfir höfuð þeirra. Vetur hefur
gengið í garð í fjöllum Pakistans og nágrennis. Ljóst er að fjöldi
fólks muni deyja vegna vosbúðar verði hjálparstarfi ekki hraðað.
í tilkynningu pakistanskra stjóm-
valda kom fram að borist hafi loforð
um samtals 75 milljarða króna fram-
lög frá 71 landi og 159 hjálparstofn-
unum. Samkvæmt upplýsingum
The News International-fréttastof-
unnar í Pakistan hefur þó aðeins
brot af þeirri upphæð borist stjórn-
völdum. Kofi Annan, aðalritari Sam-
einuðu þjóðanna, hefur hvatt þjóðir
heims til að taka við sér.
Margar þjóðir slakar
„Fólk fengi áfall ef það vissi hvað
ríkisstjórnir hafa lofað litlu," segir
yfirmaður neyðarsamtakanna
Oxfam, Phil Bloomer. Hann bendir
sérstaklega á lönd eins og Finnland,
Belgíu, Frakkland, Austurríki, Grikk-
land, Portúgal og Spán sem lélega
greiðendur á því fé sem Iofað hefur
verið. Bloomer segir einnig að
Bandaríkin, Japan, Þýskaland og
Ítalía hafi lofað minna en fimmtungi
þess sem eðlilegt væri sé litið á þjóð-
arframleiðslu. Heimildir fréttastof-
unnar herma að slakar heimtur á
fjárloforðum séu alvarlegt mál fyrir
Pakistan. Vonsvikin stjórnvöld þar
hafi þurft að grátbiðja sumar þjóðir
um að millifæra peninga sem fyrst
en hafi fengið dræm svör. Ein ríkis-
stjórn hafi svarað því til að hún
myndi senda hjálpargögn í stað
beinna fjármuna.
Bloomer segir að einungis þriðj-
ungur þeirra 18 milljarða sem Sam-
einuðu þjóðirnar fóru fram á við að-
ildarþjóðir sínar hafi skilað sér í lof-
orðum. Einungis fjögur lönd hafi
gefið meira en ætlast hafi verið til,
en þau eru Svíþjóð, Lúxemborg,
Holland og Danmörk.
Peninga - ekki föt
Margar hjálparstofnanir benda á
að ekki sé skynsamlegt að gefa föt eða
teppi. Það sé mest um vert að gefa
pening þvf þannig sé best hægt að
koma viðeigandi aðstoð til þurfandi á
þeim svæðum sem um ræðir. Pen-
ingar flytjast hraðar milli landa og
kosta minna í flutningi en föt. Þannig
sé hægt að kaupa nákvæmlega það
sem sé nauðsynlegt fyrir nauðstadda.
Undir þetta tekur Þór Daníelsson,
verkefnastjóri hjá Rauða krossi ís-
lands. Hann segir kostnaðarsamt að
senda hjálpargögn héðan. Nærri sé
að kaupa ódýrari vörur frá Asíu og
senda þaðan.
Fjöldi íslendinga leggur lið
„Það hafa 5600 manns hringt í
söfnunarnúmerið okkar, 907-2020
og gefið 5,6 milljónir," segir Þór og
bendir á heimasíðuna redcross.is
þar sem einnig er hægt að gefa pen-
ing til átaksins. „íslendingar hafa yf-
irleitt tekið vel við sér í þessum
söfnunum. Ríkið hefur lagt 9,2 millj-
ónir inn á reikning söfnunarinnar
auk þess sem tæplega þrjár milljónir
hafa komið frá almenningi og fyrir-
tækjum. Alls stendur reikningurinn í
37 milljónum núna," segir Þór.
Fénu verður varið í neyðarað-
stoð auk þess sem stór hluti þess sé
eyrnamerktur til uppbyggingar-
starfa í Pakistan. Þar ríður á að koma
samgöngum í gott horf svo hjálpar-
gögn geti borist til þeirra svæða sem
illa urðu úti.
haraldur@dv.is
Palestínskur sprengju-
beri sprengdi sjálfan sig í
loft upp á markaði í Hadera
í ísrael í gær. Fimm létust
og minnst 30 slösuðust.
Þetta gæti boðað endalok
átta mánaða vopnahlés
Palestínumanna. Talið er að
þetta séu hefndaraðgerðir
vegna aftöku fsraelsríkis á
einum helsta leiðtoga hinna
íslömsku Jihad-samtaka á
mánudag. Herþotur frá ísr-
ael hafa ráðist á norður-
hluta Gaza-strandarinnar til
að hefna eldflaugaárásar
herskárra Palestínumanna
fýrr í vikunni.
Uppbyggingarstarf hafið í Flórída eftir Wilmu
Þriðji dýrasti fellibylur í sögu Bandaríkjanna
Eftir eyðileggingu fellibylsins
Wilmu á mánudag eru sex milljónir
Flórídabúa enn án rafmagns. CNN
hefur eftir Jeb Bush, ríkisstjóra Flór-
ída, að fimm- til sexfalt fleiri séu án
rafmagns nú en eftir fellibylinn
Katrínu. 6000 verkamenn vinna nú
að endurtengingu rafmagnslína.
Eigi að síður þurfa íbúar á sumum
stöðum að sætta sig við rafmagns-
leysi næstu daga og jafnvel vikur.
Fyrirtæki sem sérhæfir sig í
áhættumati vegna hamfara metur
tryggingatjón vegna Wilmu á um
360 til 540 milljarða króna. Það
tjónamat setur Wilmu í þriðja sætið
yfir dýrustu fellibyli sögunnar í
Bandaríkjunum.
„Hvernig við getum komið að-
stoð til íbúa á sem sneggstan hátt er
forgangsatriði," segir yfirmaður al-
mannavarna í Miami-Dade-sýslu,
Louie Fernandez, og bætir við að
ríkið standi sig vel í neyðaraðstoð til
sýslunnar.
Sautján dauðsföll eru rakin til
Wilmu, þar af sex á Flórída, og fjög-
ur í Mexíkó. Að minnsta kosti sjö lét-
ust á Haítí vegna flóða í kjölfar felli-
bylsins.
Þúsundir íbúa í norðurhluta Mi-
ami biðu í röðum í allt að 12 klukku-
stundir eftir vatni á flöskum. Tafir
urðu á dreifingu vatnsins, og mikil
reiði greip um sig meðal fólksins
vegna tafanna og höfðu margir orð á
vanefndum hamfarastofnunar
Bandaríkjanna, FEMA.
Wilma er talinn einn versti felli-
bylur sem komið hefur að ströndum
Bandaríkjanna. Vindhraði var um
200 km/klst og olli stórkostlegri
eyðileggingu á húsum og mann-
virkjum. Einnig hafa flóð vegna rign-
ingar og sjávarhæðar valdið miklu
tjóni.
4-500 milljarðar Wilma er talinn þriðji
tjónamesti fellibylur i sögu Bandaríkjanna.
Nú er fellibylurinn austur af New
York. Veðurfræðingar búast við að
hann færist í austurátt út á Atlants-
haf.
12 stunda röð Um 7000
manns biðu íröðum eftir vatni
og ismolum til að kæla matvæli.