Freyr - 01.09.1957, Page 25

FREYR
277
hlutverki, sem hér er verið að lyfta, þörfu hlut-
verki og mjög knýjandi, sem vænta má hins
bezta af og því ber að styðja til góðs gengis
með ráðum og dáð.
Og því fremur er vert að gefa gaum þessu
nýja hlutverki og árangrl sem nást kann í
byrjunarstarfi, að starfsmaður sá, sem hér er
kallaður að verki, er tvímælalaust einn hinn
reyndasti sem við eigum völ á til þessa. Eirik
Eylands ráðunautur, hefur alizt upp í and-
rúmslofti vélvæðingar bændanna og starfað á
þeim akri frá æsku þegar hann stjórnaði
fyrstu jarðýtunni og fyrstu skurðgröfunni af
dragskóflugerð, er hófu hlutverk landbrots og
framræslu hér á landi laust eftir 1940, og í
þeim störfum hefur hann unnið að mestu
síðan. Bændur þekkja hann frá þeim árum, er
hann hélt námskeið í meðferð heimilisdráttar-
véla á vegum Vélasjóðs. Af umsögn fjölda
bænda vitum vér, að þau námskeið voru vel
þegin og árangur þeirra með ágætum talinn.
í hverju brautryðjendastarfi er ýmislegt sem
móta þarf og vandi er að ákveða fyrirfram
hversu móta skuli. Er þá gott að fá til starfs
menn með eins mikla reynslu og Eirik Eylands
ráðunautur hefur öðlazt.
í vélakosti þeim, sem á örfáum árum hefur
borizt í hendur bænda, liggja margir tugir
milljóna króna, sem vandi er að varðveita og
ávaxta sem bezt. Sú aðstoð, sem fengin er til
þess að hlutast til um að viðhald þessa höfuð-
stóls sé sem bezt, ending sem mest og hagnýt-
ing svo sem á verður kosið, er eðlileg og sjálf-
sögð og þó að hún kosti eitthvað þá orkar það
ekki tvímælis, að hitt er miklu dýrara að hafa
litla eða enga aðstoð. Þau eru ótalin og ómæld
verðmætin, sem tapast hafa vegna þess að
vantað hefur og vantar enn þá aðstoð, sem
góðir ráðunautar geta veitt. Vér skulum vona
að hér verði mótuð góð fyrirmynd til gagns og
góðs íslenzkri bændastétt. G.
Notkun ullar i heiminum
var meiri 1956 en nokkru sinni fyrr, alls um 1400
millj. kg. Er þetta um 8% meiri ullarnotkun en árið á
undan.
Nýtt starf stofnað hjá
Búnaðarfélagi Islands
Samkvæmt lögum frá síðasta Alþingi á
að ráða sérstakan mann til útrýmingar
refa og minka o. fl. meindýra. Ráðunautur
þessi, er fær starfsheitið veiðistjóri, mun
starfa innan vébanda Búnaðarfélags ís-
lands. Um starfssvið hans segir m. a,- svo
í lögunum: „Veiðistjóri skal, svo sem kost-
ur er, afla upplýsinga um refa og minka-
stofninn og útbreiðslu hans í landinu, leið-
beina veiðimönnum, er fást við eyðingu
refa og minka, halda námskeið fyrir veiði-
menn og skipuleggja aðgerðir á stærri
svæðum, þegar nauðsyn þykir, og gera til-
raunir með ný tæki og vinnsluaðferðir, er
líklegar þykja til þess að eyða dýrum þess-
um. Hann skal árlega gera yfirlit um veiði-
aðgerðir í landinu og árangur þeirra, enda
er sýslumönnum skylt að senda honum all-
ar veiðiskýrslur og upplýsingar, er veiði-
stjóri þarf vegna starfs síns....“
Umsóknarfrestur um starf þetta var til
miðs ágústmánaðar. Laun veiðistjóra verða
samkvæmt 6. fl. launalaga.
Göngustafur, sem
grandar illgresi
í sumar kemur á markaðinn í Noregi og
Danmörku nýtt hugvitsamlegt, enskt garð-
yrkjuáhald — göngustafur, sem drepur ill-
gresi. Hann heitir „illgresisstafurinn" og hef-
ur verið seldur svo milljónum skiptir í Eng-
landi og fleiri löndum.
Nú losna menn við það að grafa upp ill-
gresið eða bogra við að reita það. Nú geta
menn spássérað um hlaðvarpann og túnið hjá
sér, beint stafnum að þeirri jurt, sem þeir
vilja feiga, þrýsta á hnapp á handfanginu og
út fyssar vökvi, er banar illgresinu. Illgresis-
stafurinn er auðveldur í notkun, og gott að
halda honum hreinum, því hann er úr plasti.
Það má fylla á hann á ný hvenær sem er.
Stafurinn er „hlaðinn" hormónblöndu. Fyrst
er vissu magni af blöndunni helt í stafinn,
síðan er hann fylltur með vatni og er nú til-
búinn til notkunnar.
Svona auðvelt og þægilegt verður að eyða
illgresinu í varpanum.