Freyr - 01.01.1972, Side 34

M°J-hR
Mjólkurframleiðsla
í heiminum helur farið minnkandi á síðustu árum
og gildir bæði í Evrópu og Ameríku.
IFAP NEWS segir frá því í septemberhefti, að
í 21 af mestu mjólkurframleiðslulöndunum hafi
framleiðslan numið um 412 milljónum kg árið 1969
en 410 milljónum 1970.
Segja má, að þetta sé ekki mikið frá einu ári
til annars, eða aðeins Vi% en með stöðugu áfram-
haldi er þetta nokkuð þegar þess er minnzt, að
fólki fjölgar á sama tíma. Rýrnun framleiðslunnar
í Efnahagsbandalagslöndunum olli m. a. óhagstæð
veðrátta.
IFAP NEWS
segir frá því, að smjörbirgðir þær, sem á ýmsum
svæðum heims hafa hrúgast upp og urðu að heil-
um fjöllum um skeið, gangi nú mjög til rýrðar.
Sama heimild greinir frá því, að á vissu skeiði
var framleitt mjög mikið af þurrmjólk í ýmsum
löndum, þar á meðal vestan hafs, en þær birgðir,
sem þá hrúguðust upp, fara nú ört þverrandi.
Próteinhungur í heiminum hefur víða ríkt á
vissum landssvæðum og náttúruhamfarir í hita-
beltislöndum hafa valdið hungri og harðæri, sem
kallað hefur á aðstoð frá vel stæðum þjóðum.
Hefur þá m. a. verið gripið til þurrmjólkur sem
góðra gjafa handa hungruðu fólki og annarsstaðar
hefur próteinhungur ríkt, og hafa próteinvörur,
svo sem þurrmjólkin er, komið þar að ágætu gagni.
Vestlandsk landbruk
heitir norskt tímarit, sem gefið er út af kaupfélagi
í Bergen. Þar segir í júlíhefti ritsins s. 1. sumar:
„Við afgreiðslu kraftfóðurs í búlk er gefinn af-
sláttur, sem nemur 80 aurum á 100 kg (96 kr. ísl.
á tonn) og svo fær kaupandinn náttúrlega fóður
í síað poka, Vz kg hvern 50 kg sekk. Magnafsláttur
kemur hér að auki eins og venjulega. En stærsti
kosturinn við að fá fóðrið heim laust er auðvitað
að vera laus við allt erfiði með pokana.
Bóndinn verður að sjálfsögðu að hafa sitt heima-
síló. Á verzlunarsvæðinu eru heimasíló algengust
úr timbri, klædd með spónaplötum innan, en síló
fást einnig úr plasti og fleiri efnum, einnig úr
plastdúk.
Það er sitthvað, sem athuga verður þegar gera
skal kraffóðursíló heima á búinu og hyggilegt er
að hafa samráð við fóðurvöruverzlunina áður en
framkvæmd í því sviði er hafin.
Konunglegur taprekstur
Samband danskra búnaðarfélaga gaf Margréti
prinsessu heila bújörð með allri áhöfn þegar hún
giftist franska greifasyninum hérna um árið. í
nokkur ár lét hún reka búskap á jörðinni en illa
gekk að láta hana bera sig, og stöðugt vaxandi
tap á búskapnum gerði það að verkum, að jörðin
var seld, því að auðvitað hafði prinsessan ekki
efni á að reka búskap með eilífðartapi.
Konungur Svía hefur alla tíð átt og rekið bú í
S'tockhólms leni. Um skeið voru 60 mjólkandi kýr
á því búi, síðari árin aðeins um 40 og jafnmargt
ungviðis. í fjósi þar eru öll nýtízku tæki og bún-
aður, sem auðveldar störfin svo sem rörmjaltalögn,
sjálfvirkur útmokstur mykjunnar og annað eftir
því. Síðastliðin 3 ár hefur áhöfnin í fjósi konungs
gefið af sér meiri mjólk að meðaltali á kú en
nokkurt annað bú í Stockhólms leni. Þrátt fyrir
allt þetta hefur hún nú verið.seld, það er stöðugur
taprekstur á mjólkurframleiðslunni og jafnvel kon-
ungur landsins getur ekki unað slíku. Hvað mega
svo bændurnir segja? Þeir svara á sama hátt og
konungur, þeir selja kýrnar og nú eru Svíar farnir
að flytja inn neyzlumjólk.
Dansk landbrug
segir frá því í októberhefti ritsins s. 1., að „Dönsk
grófvöruverzlun“ tjái, að á árinu 1971 hafi 48% af
tilbúnum áburði verið dreift sem búlkvöru í Dan-
mörk, og að á þessu ári verði yfir 50% á markaði
sem laus vara. Segir í fréttinni, að á síðasta ári
hafi sparast 4,8 milljónir danskra króna í umbúð-
um með nefndu fyrirkomulagi, en það segir, að
umræddur sparnaður hafi numið um 60 milljónum
íslenzkra króna, og þar að auki mjög mikið erfiði.
Hvenær verður okkar málum þokað í hagrænt
horf á borð við það, sem annarsstaðar gerist í hlið-
stæðum efnum? Framkvæmdir hljóta að verða á
því sviði með samvinnu seljanda og kaupenda.
Einhver verður að hefja athafnir — verða fyrstur.
28
F R E Y R