Prentarinn - 01.12.1963, Blaðsíða 7

bóka og tímarita á norðurlanda-
málum, ensku og þýzku svo það
megi verða sem fullkomnast um
allt, sem lýtur að gerð bóka og
blaða svo og sögu prentverksins.
3) Að befja skipulega söfnun um
samtök verkalýðs og bókaiðnað-
armanna í öðrum löndum.
4) Að stefna að því að safnið eign-
ist heildarverk íslenzkra höfunda.
Starf þetta er mjög umfangsmikið
og mun taka langan tíma, þar sem
allt starf við safnið verður að vinn-
ast í naumum frístundum.
Drög að starfsreglum
bókasafnsnefndar H. í. P.
Hlutverk bókasafns H.I.P. er:
1. gr. að hefja skipulega söfnun
íslenzkra bóka frá fyrstu dögum
prentverks á íslandi til okkar tíma,
er sýnt geti sem gleggst samfellda
þróun íslenzka prentverksins. Skal
reynt að afla safninu sem beztra
sýniseintaka úr öllum prentsmiðjum
landsins.
2. gr. að annast söfnun bóka eftir
helztu rithöfunda landsins.
3. gr. að halda uppi safni erlendra
bóka í öllum greinum prentlistarinn-
ar.
4. gr. að hefja skipulega söfnun
rita um samtök verkalýðs og bóka-
iðnaðarmanna í öðrum löndum.
5. gr. að vinna að kynningu ís-
lenzkra bókmennta á vegum H.Í.P.
6. gr. að koma á samvinnu um
bókaskipti við prentarasambönd
annarra landa svo sem Norðurlanda,
Englands, Þýzkalands, Bandaríkj-
anna o. fl.
7. gr. Þegar safnið hefur eignazt
sæmilegt safn bóka um prentfræði-
leg efni, ákveður bókasafnsnefnd,
hvaða bækur félagsmenn geta feng-
ið lánaðar úr safninu. Lánstími verð-
ur 2 vikur. Dragi félagsmaður leng-
ur að skila bók, greiði hann dag-
sektir, sem bókasafnsnefnd ákveður.
Valdi félagsmaður skemmdum á bók
eða glati henni, er hann skyldur að
bæta hana að fullu eftir mati bóka-
safnsnefndar.
8. gr. Hver aðalfundur H.Í.P. á-
kvarðar, að fenginni tillögu bóka-
safnsnefndar, fjárveitingu til bóka-
safnsins fyrir eitt ár í senn.
9. gr. Bókasafnsnefnd rækur bóka-
kaupum til safnsins, eftir því sem
fjárveiting hennar endist til.
Það er ljóst, að ef framkvæma á
þessar tillögur þannig, að þær komi
að haldi, þarf að verja talsverðu fé
til bókasafnsins. En þessar tillögur
eru settar fram í trausti þess, að
samþykktir síðasta aðalfundar urn
þessi mál hafi verið raunverulegur
vilji félagsins, en ekki aðeins kær-
komið tækifæri til þess að fresta
langdregnu máli á löngum fundi.
Nefndin er ekki reiðubúin að gera
tillögu um, hvernig verði ráðstafað
ýmsum af eldri bókum safnsins, sem
sumar hverjar virðist vart ástæða til
að varðveita. Nefndin vill stefna að
því, að safnið eignist smám saman
góða bókaskápa með gleri til hlífðar
fyrir ryki. Þar sem útlán í þeirri
mynd, sem verið hefur undanfarin
ár, munu hætta, er engin ástæða til
þess að hafa skápana opna eins og
hingað til. Aftur á móti ntá þá
prenta bókaskrá á nokkurra ára
fresti, þannig að menn geti greiðlega
séð, hvað safnið á af bókum. Viðbæti
má svo prenta oftar með skrá yfir
þær bækur og þau tímarit, sem safn-
inu kunna að hafa bætzt. Nauðsyn-
legt er, að safnið fái þó nokkra f jár-
upphæð til ráðstöfunar á ári hverju.
Kaup bóka og tímarita verður óhjá-
kvæmilega stór kostnaðarliður; ein-
hverjum peningum þarf að verja til
bókbands, bókaskápa o. fl. Fyrir að-
alfund ár hvert, myndi bókasafns-
nefnd gera stjórn H.I.P. nákvæma
grein fyrir því, hvernig fjárveitingu
ársins hefði verið varið.
Skýrsla
fasteignanefndar
Árið 1963 er ár mikilla útgjalda
úr fasteignasjóði. Þá er greitt fyrir
framkvæmdir, sem fyrirhugaðar
voru á árinu 1962, en ekki var þá
hægt að hefjast handa um, m. a.
vegna erfiðleika við að fá iðnlærða
menn til að vinna við breytingar og
lagfæringar á skrifstofuherbergi því,
sem stjórnin hafði tekið til viðbótar
við það húsnæði, sem hún áður
hafði.
Hæstur að krónutölu er rekstrar-
kostnaður, kr. 62.224,47. Kostnaður
við breytingu og málun á skrifstofu-
herberjum, uppsetning á hillum í
geymsluherhergi í kjallara og ýmiss
konar viðhaldskostnaður við hús
H.Í.P.nam kr. 43.355,92. Jarðræktar-
kostnaður fyrir tvö ár, 1962 og 1963,
var kr. 23.224,27, og leiktæki og
uppsetning þeirra í sumarbústaða-
hverfinu í Miðdal kostuðu kr.
15.854,72. Leiktækin voru keypt
samkvæmt heimild aðalfundar 1963.
Þessir kostnaðarliðir, og raunar
fleiri, valda því, að á árinu 1963 er
tekjuhalli fasteignasjóðs kr.
25.952,60.
Miðdalur
Mjólkurhúsið, sem fvrir tveimur
árum var ákveðið að byggja, er nú
senn fullgert. Um kostnaðarverð
þess er enn ekki vitað og enginn
styrkur fæst út á slík bús, en lán úr
Stofnlánasjóði landbúnaðarins ætti
að fást, þegar húsið er fullbúið, fyrr
fást ekki lán úr þeim sjóði.
Kostnaður vegna aukinnar rækt-
unar er getið hér að framan, en þess
ber að geta í því sambandi, að styrk-
ur út á jarðræktina verður greiddur
í haust og er eign H.I.P., þar eð það
greiðir allan ræktunarkostnað, en
væri eign bóndans, ef hann greiddi
kostnað af jarðræktarframkvæmd-
um, sem félagið yrði svo að kaupa
af honum, þegar hann færi af jörð-
inni.
Uthlutun lóða
A síðasta aðalfundi voru sam-
þykktar nýjar reglur varðandi lóðir
og lóðarréttindi í Miðdal. Voru hin-
ar nýju reglur birtar í síðasta tölu-
blaði Prentarans, og í skýrslu stjórn-
ar er 9. greinar reglugerðarinnar
getið sérstaklega og vísast til þess.
Tveimur lóðum var úthlutað síð-
astliðið vor. Var önnur lóðin áður í
leigu og hafði leiguhafi steypt á
henni grunn, en hætti svo, og keypti
hinn nýi lóðarhafi grunninn og hef-
ur hann nú lokið við að gera sinn
bústað fokheldan.
PRENTARINN
31