Prentarinn - 01.03.1978, Síða 7
En um þetta eru þó skiptar skoö-
anir. Sumir telja að ljósgrænt sé of
dauft og aö betra sé að lesa svart
af hvitu og það fari betur með
augun. Stærð letursins er jafnmik-
ilvæg og litur þess og bakgrunns-
ins. Letrið er gert úr strikum og
punktum og nýjasta aðferðin
„digitalkerfið“ (eða punktakerfið)
ryður sér nú sifellt meir til rúms.
Það hefur komiö i ljós, að við
stækkun punktamatrissunnar úr
6x9 i 12x18 verður lesturinn mun
auðveldari.
Hvað ber að gera?
Starfið við skerminn krefst mik-
illar aölögunarhæfni af augunum
og þvi má ekki þreyta þau að
óþörfu með sifelldum breytingum
á ytri aðstæðum. Myndskermurinn
— vinnustaður prentarans, verður
að vera vel upplýstur, en þó ekki
þannig að menn fái ofbirtu i aug-
un. Sá sem ætlar að hefja vinnu
við skerm verður að fara i skoðun
til augnlæknis. Slikar kröfur eru
einnig gerðar hjá visindastofnun-
um.
Rannsóknin sem fyrr var getið
leiddi i ljós að hættan á sjóntrufl-
unum er minni þvi styttri sem
samfelld vinna við skerminn er.
Það hefur sýnt sig að reglubundin
vinnuhlé hafa afar mikil áhrif á
afköstin bæði varðandi magn og
gæði. Þeim fjölgar sifellt sem
krefjast reglugerða sem byggi á
niðurstöðum þeirra rannsókna
sem gerðar hafa verið.
Farið er fram á stutt launuð hlé
eða tið mannaskipti við störf sem
eru einhæf eða krefjast einbeiting-
ar.
a: Við erfið störf við vélar skal
gefa 15 mínútna hlé ekki siðar
en eftir 2 klukkustundir.
b: Við einhæf störf t.d. við tölvu-
búnað skal skipta um menn á
klukkustundar fresti þannig að
á móti komi starf sem ekki
reynir eins á augun.
Þeir eru ófáir atvinnurekendur
sem láta sig litlu skipta kröfurnar
um betri starfsaðstæður til handa
þeim sem vinna við myndskerma.
Oft er skermunum likt við sjón-
varpstækin á heimilunum. En þar
er óliku saman að jafna. Sá sem
vinnur við skerm situr einbeittur
klukkustundum saman, til hans
eru gerðar kröfur um afköst og
honum má helst ekki verða á
skyssa i átta stundir dag eftir dag.
Við vitum að afköstin eru háð
likamlegu og andlegu heilsufari
manns sem er undir miklu vinnu-
álagi. Þetta verða atvinnurekendur
að hafa i huga.
Góð ráð til prentara
sem vinna við
vélasamstæður með skermi.
Áður en ráöist er i innkaup á
nýjum vélum er nauðsynlegt að
huga að þvi hversu vel þær henta
vinnustaðnum og þeim sem eiga
að vinna við þær. Lýsingin á
vinnustað er afar mikilvæg. Vélar-
einingar með skermi þarf að at-
huga með tilliti til eftirfarandi eig-
inleika:
Leiflrun.
Texti og bakgrunnur mega ekki
leiftra. Stórir bjartir fletir geta
einkum valdið þvi að fólk fái glýju
i augun og það er mjög þreytandi
ef ljósmagnið á skjánum er mikið.
Stöðugleiki.
Textinn má ekki titra eða kippast
til.
Leturstœrð.
Letrið verður að vera svo stórt að
það sé vel læsilegt úr eðlilegri
fjarlægð.
Unubil.
Linubilið verður að vera svo
mikið aö linumar renni ekki sam-
an við lestur.
Lœsilegt letur.
Letrið verður að vera vel læsi-
legt þannig að litil hætta sé á
mislestri. Stafurinn verður að vera
samhangandi mynd en ekki settur
saman úr punktum.
Skýrleiki letursins.
Skýrleikinn minnkar við aukið
ljósmagn. Letrið verður að vera
greinilegt og skýrt úr eðlilegri fjar-
lægð. Aukið ekki ljósmagniö á
kostnað skýrleika letursins.
Ljósmagn.
Ljósmagnið á textanum verður
að vera nægilegt til þess að hann
sé vel læsilegur og falla að öðm
leyti vel að lýsingu vinnustaðarins.
Reynið að auka ljósmagnið þar til
letrið verður óskýrt eða fer að
leiftra. Er ljósmagnið á skermin-
um hæfilegt?
Endurskin.
Yfirborð skermsins þarf að vera
þannig úr garði gert að ekki sé
endurskin frá honum. Athugið
hvort endurskin sé frá lömpum i
herberginu þegar lesið er af
skerminum.
PRENTARINN
7