Fréttabréf Ættfræðifélagsins - 01.04.2000, Síða 4

óskum IE og voru því ráðnir 15 starfsmenn, sem eru á
iaunum hjá íslenskri erfðagreiningu. Settar hafa verið
upp svokallaðar hliðarskrár, en það eru allar
kirkjubækur og manntöl, sem tiltæk eru og er hægt að
bera sérhvern einstakling saman við allar viðeigandi
hliðarskrár og draga þannig fram ýmsar upplýsingar
um æviferil hans. I skránni eru nú um 617 þúsund
einstaklingar. Tengistuðull er nú um 80%, en það
þýðir að fjöldi tenginga er 80% af því sem væri ef
allir væru með skráða foreldra. Öll útgefin rit, svo
sem niðjatöl, stéttatöl og þess háttar eru skráð sem
heimildir eftir því sem við á. Einnig er borið saman
við minningargreinar, t. d. úr Morgunblaðinu, en
villutíðni slíkra greina er mjög há. Heimildir stangast
oft á og er þess þá getið ef ekki er hægt að skera úr
um réttmæti upplýsinga.
Frá Hagstofu íslands eru fengnar upplýsingar árlega
um alla nýfædda og nýdána einstaklinga. Með því er
gagnagrunninum haldið í takt við tímann. Þetta má
kalla vélrænar viðbætur, því að þetta er allt á rafrænu
formi. Hins vegar eru svo hálfvélrænar viðbætur, sem
eru gerðar með þeim hætti að manntölin eru tekin og
sérhver einstaklingur í þeim er borinn saman við þær
Ættfœrslur bornar saman, Haraldur Brynjólfsson (t.v.)
upplýsingar, sem fyrir eru í grunninum. Leiðrétt er
eftir því senr þörf krefur hverju sinni. Til þess að gefa
hugmynd um umfang gagnagrunnsins má gefa
eftirfarandi útreikning: I grunninum eru um 600
þúsund einstaklingar, Sérhverjum einstaklingi fylgja
svo og svo margir „upplýsingabútar“, svo sem eins
og fæðingardagur, dánardagur, giftingardagur, nöfn
foreldra, maka og barna og svo framvegis,
hugsanlega nálægt 10 upplýsingabútar á mann að
meðaltali. Þannig samanstendur grunnurinn í heild af
nálægt því 6 milljón upplýsingabútum. Þó svo að
grunnurinn væri 99% réttur, sem væri óskandi, en
samt ótrúlegt, væru samt sem áður í honum 60
þúsund villur. Það er mikið verk að vinna við að
fækka þeim.
Að loknu erindi Friðriks var gert kaffihlé og svaraði
hann síðan fyrirspurnum fundarmanna. Kom þar
meðal annars fram, að ekki er búist við að Espólín
forritið komi út í Windows á næstunni. Það stafar af
því að mjög dýrt er að forrita það, en ekki fengist
nema brot af þeim kostnaði til baka með sölu á
forritinu. íslendingabók er ekki komin á netið ennþá,
en búist er við því að sá grunnur verði opnaður
fljótlega. í því sambandi nefndi Friðrik 17. júní, sem
væri óskadagur Kára Stefánssonar, forstjóra IE.
Slóðin verður http://www.islendingabok.is og á ensku
verður hún http://www.genealogy.is. Þau skilyrði eru
sett fyrir því að
einstaklingur sé í
gagnagrunninum, að hann
sé fæddur á Islandi, hafi
búið hér, eða sé tengdur
íslenskum ættum, en ekki
er tekið mark á
ríkisborgararétti einum og
sér.
Landnámsmenn eru
skráðir, en ekki forfeður
þeirra. Ættleiðingar eru
skráðar sem slíkar ef það
hefur komið fram
opinberlega að viðkomandi
einstaklingur sé ættleiddur.
I fundarlok voru Friðrik
færðar þakkir fyrir gott og
áhugavert erindi sem og
..................... greið svör við
fyrirspurnum. Gerður var góður rómur að máli hans
og menn virtust á einu máli um að fundurinn væri vel
heppnaður.
Magnús Ó. Ingvarsson, ritari.
og Guðbjörn Arnórsson.
Ljósm. H.H.
13. spurning Halldóru Gunnarsdottur 1 februarblaði
Sigríður Ólafsd. var f. 1800 á Hánefsstöðum í
Seyðisfirði, dóttir hjónanna Ólafs Jónssonar og
Guðrúnar Finnsdóttur (Mt. Norður og austuramt 1801,
bls. 431). Sigríður var vinnukona í Firði í Mjóafirði árið
1816 (Mt. 1816, bls. 61). í prestsþjónustubók Hólma í
Reyðarfirði segir: Ar 1819 innkomin: Sigríður Ólafsd.
20 ára frá Firði í Mjóafirði. Ár 1820 21. júní fædd í
Eskifirði: Marcellina Margretha. Móðir: Sigríður
Ólafsd. þjónustustúlka hjá Becker Aaberg. Lýstur faðir:
Mads Brant assistent í Eskifjarðarstað. Sigríður Ólafsd.
og dóttir hennar, M.M., komu frá Vallanesi á Héraði að
Búlandsnesi í Hálssókn 1826 en að prestssetrinu í
Berufirði 1828. Sigríður og Árni Sveinsson giftust 5.
maí 1831. M.M. er hjá móður og stjúpföður í
Berufjarðarhjáleigu við manntal 1835 en farin við
manntal 1840. Sigríður Ólafsd. dó 15. maí 1844 í
Framhjáleigu í Berufirði. Marselína Margrét
Adamsdóttir (sic) var vinnukona á Hákonarstöðum í
Hofteigssókn 1845. (Mt. 1845 NA bls. 450). Hún var
vinnukona í Veturhúsum sömu sókn 1850. Lengra hefur
ferill M.M. ekki verið rakinn.
Guðjón Óskar Jónsson tók saman
4