Fréttabréf Ættfræðifélagsins - 01.05.2003, Qupperneq 16

Fréttabréf Ættfræðifélagsins í maí 2003
En auðvitað er þetta líka skemmtilegt. Ég fór að
hafa gaman af þessu þegar ég fór að kunna til verka.
Þetta er eins og að leysa misflóknar krossgátur. Ég
hef líka kynnst óheyrilegum fjölda fólks. Þú ættir að
vita öll heimilin sem ég er búin að koma inn á og öll
albúmin sem ég er búin að fletta.
„Auðvitað er þetta
líka skemmtilegt“
Myndasöfnunin er mikið verk, oft þarf að hringja
og minna fólk á aftur og aftur og margir eru ragir við
að láta frá sér gamlar myndir, eiga ef til vill bara
þetta eina eintak. Það er skiljanlegt, segir Þuríður.
Þess vegna hef ég tamið mér öguð vinnubrögð í
sambandi við myndirnar. Ég skrái hverja mynd og
fer með þær í slumpum í prentsmiðjuna á Akranesi
þar sem ég bíð meðan filmuvinnslan fer fram. Svo
tek ég myndirnar með mér heim strax aftur og sendi
þær viðkomandi aðila og skrái alltaf hjá mér send-
ingardaginn svo allar myndirnar komast til skila.
Það er fyrst núna sem ég er að fá myndir sendar
beint inn á tölvuna mína og það er ótrúlega þægilegt
og mikil breyting. En aðalvinnan er auðvitað ætt-
fræðin, endalausar uppflettingar og leitir. Ég styðst
fyrst og fremst við frumheimildir, kirkjubækur og
manntöl og hef miklar mætur á ættartölum Jóns
Halldórssonar og nota auðvitað aðrar ættartölur, t. d.
Espólín.
Við reynum að taka alla sem eru orðnir 21 árs og
búa í héraðinu þegar að þeim kemur í stafrófinu. Það
þýðir að margir þeirra sem eru í síðustu bókunum
voru ekki fæddir þegar fyrstu bækumar komu út. Það
bjóst enginn við að þetta tæki svona langan tíma, en
fyrsta bókin kom 1969. Svo er farið aftur á 17. öld og
jafnvel 16. ef upplýsingar eru fyrir hendi og um er að
ræða mikla ættfeður eða -mæður.
„Þetta er alls
konar eltingaleikur“
Hver bók hefur tekið um þrjú ár eftir að ég tók við
þessu og þá hafa margir lagt hönd á plóginn. Ég var
mátulega komin á eftirlaun þegar þetta helltist yfir
mig, enda eins gott því oft er vinnuvikan sjö dagar.
Þeir félagarnir þrír sem að þessu stóðu frá byrjun;
Aðalsteinn Halldórsson, Ari Gíslason og Guð-
mundur lllugason voru allir miklir ættfræðingar og
áttu mikil söfn. Þeir sáu um fyrstu sjö bindin. Þeir
skiptu með sér svæðinu: Guðmundur lllugason tók
Borgarfjörðinn innan Skarðsheiðar og Þverárhlíðina,
Hvítársíðuna og Norðurárdalinn og Sveinbjörg dóttir
hans hefur séð um það svæði síðan.
http://www.vortex.is/aett
16
aett@vortex.is