Fréttabréf Ættfræðifélagsins - 01.05.2003, Blaðsíða 21

Fréttabréf Ættfræðifélagsins í maí 2003
Úr fórum Valgeirs Sigurðssonar á Þingskálum:
Ætt Gróu á Minnahofi
Árið 1703 þegar manntalið var tekið bjuggu á
Minnahofi á Rangárvöllum hjónin Guttormur Berg-
steinsson 35 ára og Gróa Þorsteinsdóttir 34 ára.
Þegar jarðabók Áma og Páls var skráð í Vestur-
Landeyjum árið 1709 eru eigendur Eystra-Fíflholts
m.a. þessir: Böðvar Erlendsson á Hrútafelli 1 hdr. og
20 álnir að kaupi af Guttormi Bergsteinssyni á Hofi
eða konu hans Gróu Þorsteinsdóttur, Hannes Árna-
son á Hrútafelli vegna konu sinnar Ingveldar
Þorsteinsdóttur 1 hdr. og 20 álnir og Olafur Olafsson
í Miðkoti vegna konu sinnar Sesselju Þorsteinsdóttur
1 hdr. og 20 álnir. Ingveldur Þorsteinsdóttir er 31 árs
1703 og þá gift Oddi Benediktssyni bónda á
Hrútafelli. Sesselja er þá 38 ára matselja hjá Vigfúsi
Olafssyni á Seli í Austur-Landeyjum og er þar hjá
henni dóttir hennar Þuríður Jónsdóttir.
I jarðabókinni frá 1695 eru Sesselja og Guðrún
Þorsteinsdætur taldar eigendur 5 hundraða í Eystra-
Fíflholti og er þess getið að þær hafi eignast þann
jarðarpart 1685. Þær eru einnig taldar eigendur að 15
hundruðum í Gröf á Rangárvöllum 1695 og átti
Guðrún þar af 10 hundmð, en Sesselja 5 hundruð.
Bændaeignin í Gröf er þá metin 25 hundmð, en þau
10 hundruð sem þær Þorsteinsdætur áttu ekki voru
eign Sólveigar Jónsdóttur konu Sæmundar Magnús-
sonar og mun Sólveig sú vera dóttir séra Jóns Daða-
sonar í Amarbæli og kona Sæmundar Magnússonar á
Hóli í Bolungarvík.
Árið 1711 er eigandi þessa hluta Grafar Sólveig
Jónsdóttir í Fjalli á Skeiðum og mun það önnur kona
en sú sem átti jarðarpart þennan 1695. Hundmðin 15 í
Gröf sem Guðrún og Sesselja áttu 1695 vom árið 1711
í eigu Einars Olafssonar á Lambastöðum í Garði.
Árið 1703 búa á Lambastöðum Ólafur Þorleifsson
45 ára og Guðrún Þorsteinsdóttir 40 ára ásamt böm-
um sínum, Einari 15 ára og Guðrúnu 8 ára, hjá þeim
eru foreldrar Ólafs, Þorleifur Sumarliðason 80 ára og
Guðrún Grímsdóttir, sögð 95 ára. I handritinu Lbs.
2714 4to þar sem eru ættartölur skráðar af Sigurði
Sívertsen presti á Utskálum segir að sonur séra
Sumarliða Ormssonar á Mosfelli væri Þorleifur á
Gauksstöðum í Garði „mesti hlutamaður“ og hans
son Ólafur fyrri maður Guðrúnar Þorsteinsdóttur frá
Krísuvík.
Á síðari hluta 17. aldar bjó í Krísuvík maður að
nafni Þorsteinn Þorsteinsson, kvæntur Guðrúnu
laundóttur séra Jóns Daðasonar í Arnarbæli, hálf-
systur Sólveigar fyrr nefndrar. í Sýslumannaæfum er
talinn sonur þeirra Þorsteinn á Jámgerðarstöðum í
Grindavík er átti Valgerði dóttur Magnúsar Korts-
sonar á Árbæ í Holtum. Þorsteinn Þorsteinsson bjó á
Jámgerðarstöðum 1703,45 ára. Eftir því sem stendur
í handritinu 2714 4to hafa Þorsteinn Þorsteinsson í
Krísuvík og Guðrún Jónsdóttir einnig verið foreldrar
Guðrúnar á Lambastöðum og þá væntanlega einnig
Sesselju, Gróu og Ingveldar að því er ráða má af
sameign þeirra á Gröf og Eystra-Fíflholti.
Sonur Árna Magnússonar lögréttumanns á
Grýtubakka og Sigríðar Árnadóttur, sýslumanns á
Hlíðarenda, Gíslasonar var Þorsteinn á Jámgerðar-
stöðum. Kona hans var Guðrún eldri Ormsdóttir,
prests á Mosfelli, Egilssonar. í Biskupasögum Bók-
menntafélagsins em böm þeirra talin Þorsteinn, Ámi
og Guðrún. Þorsteinn þessi Þorsteinsson mun sami
maður og Þorsteinn í Krísuvík, faðir Gróu og þeirra
systra.
OIR« - ættfræðiþjónustan ehf. I— Munið fundinn á fimmtudagskvöldið!
ORG ættfræðiþjónustan ehf. Þjónustumiðstöð ITR v. Skeljanes Sími/fax 551 4440 Gsm 861 6792-897 7175 org@simnet.is www.simnet.is/org Guðmundur S. Jóhannsson fjallar um heimildir sem fyllt geta í skörð kirkjubóka
http://www.vortex.is/aett
21
aett@vortex.is