Árbók VFÍ/TFÍ - 01.06.1997, Síða 44

42 Félagsmál VFÍfTFÍ
magnar atvinnurekstur í Mið- og Austur-Evrópu og þróunarlöndum með langtímalánum og
hlutfjárþátttöku. Sjóðurinn (Development Finance Institution) hefur þá sérstöðu meðal
systursjóða í Evrópu, sem eru átta talsins, að hann er opinn fyrir samstarfi við fyrirtæki utan
Hollands sem hyggjast fjárfesta í atvinnurekstri í þróunarlöndum. A fundinum greindi
Engilbert Guðmundsson einnig frá starfi fjármálastofnana í Helsinki og möguleikum Islend-
inga á samstarfi við þær. Við þetta tækifæri var undirrituð sameiginleg viljayfirlýsing milli
iðnaðar- og viðskiptaráðuneytis, Iðnþróunarsjóðs og hollenska fjárfestingarsjóðsins FMO
varðandi samstarf um fjármögnun íslenskra verkefna erlendis. Frá þessu var greint í Verk-
tækni í júní 1996.
Útflutningsnefnd hefur átt viðræður við Iðnþróunarsjóð og iðnaðar- og viðskiptaráðu-
neytið um betri aðgang fyrirtækja, sem stunda útflutning á tækniþekkingu, að fjármögnunar-
sjóðum. Nú hillir undir það að sameiginlegur fjármögnunarsjóður verði stofnaður með sam-
runa Fiskveiðasjóðs, Iðnlánasjóðs, Útflutningslánasjóðs og Iðnþróunarsjóðs. Með þessum
sjóði ættu að aukast möguleikar til fjármögnunar á verkefnaútflutningi og fjárfestingum
Islendinga erlendis og ber að fagna því.
Þróunarsamvinnustofnun: Nefndin hefur unnið að auknu samstarfi við Þróunarsamvinnu-
stofnun Islands og átt nokkra fundi með stjórnarformanni stofnunarinnar. Síðastliðið vor var
stofnuninni sent bréf útflutningsnefndar þar sem helstu áhersluatriði varðandi aukið sam-
starf voru kynnt.
Rætt hefur verið við stjórnarformann ÞSSÍ og Engilbert Guðmundsson lijá NDF um þró-
unarverkefni í Mósambik í samstarfi við íslensk fyrirtæki. Mestar líkur virðast vera á sviði
samgöngumála, en að mati NDF eru litlir möguleikar fyrir íslenska aðila í orkugeiranum þar
í landi. Möguleikar eru hins vegar nokkrir fyrir íslenska aðila í orkuverkefnum í Eþíópíu og
Erítreu (jarðhiti), t.d. í samstarfi við NDF og gæti verið áhugavert að kanna þá möguleika
nánar.
Útflutningsnefnd mun halda viðræðum áfram við ÞSSÍ og NDF.
ígildisviðskipti: Nýlega ákvað Reykjavíkurborg að beita ákvæðum um ígildisviðskipti í
tengslum við útboð á vélum og búnaði við Nesjavallavirkjun. Hér er í fyrsta sinn látið reyna
á þau tækifæri sem ígildisviðskipti geta gefið og er augljóslega byggt á því kynningarstarfi
sem fór fram á vegum útflutningsnefndar á ígildisviðskiptum fyrir nokkrum misserum.
Alitamál er hvort svona viðskipti samræmast lögum og reglum Evrópska efnahagssvæð-
isins. Ef stjórn veitustofnana fylgir þessu máli eftir, gæti það gefið mikla möguleika, t.d. á
sviði verkefnaútflutnings.
Lokaorð: Eins og séð verður af ofangreindum verkefnum er ljóst að langur tími líður milli
fyrstu hugmynda að stuðningsaðgerðum og þess að þær verði að veruleika. Mikil og
langvarandi vinna liggur oft að baki því sem ætla má að væru einfaldar og sjálfsagðar
breytingar. Þetta sýnir betur en margt annað nauðsyn þess að tryggja samfellt starf
útflutningsnefndar til langs tíma. Nú eftir fjögurra ára starf er komin nokkur reynsla á störf
nefndarinnar. Náið samstarf hefur tekist með fulltrúum stjórnvalda sem vinna að sömu
markmiðum og má vænta aukins árangurs af þessu samstarfi í framtíðinni.
Öllum nefndarstörfum af þessu tagi er þó hætt við stöðnun ef ekki er hugað að endur-