Árbók VFÍ/TFÍ - 01.06.1997, Page 112

110 Félagsmál VFI/TFI
Nefndin hóf síðan að vinna eftir þessu skipulagi haustið 1996 og voru þá skipaðir þrír
starfshópar og fjallar einn um bygginga- og umhverfissvið, annar um rafmagns- og tölvu-
svið og sá þriðji um véla- og iðnaðarsvið auk þess sem ENSÍM-nefndin sjálf íjallar um
þverfagleg viðfangsefni. Starfshóparnir lögðu fram í lok árs tillögur um endurmennt-
unarnámskeið á vorönn 1997 og hefur að undanförnu verið unnið samkvæmt þeirn tillög-
um og mörg áhugaverð námskeið verið haldin. Flest námskeiðanna hafa verið haldin hjá
Endurmenntunarstofnun HI, en í hverju tilviki fyrir sig er ákveðið hverjum verður falið
að halda viðkomandi námskeið. Þverfagleg námskeið hafa verið haldin á vegum ENSÍM-
nefndarinnar í Verkfræðingahúsi og tölvunámskeið hafa verið haldin hjá Tölvu- og verk-
fræðiþjónustunni sem jafnframt gefur félagsmönnum afslátt af almennum tölvunám-
skeiðum.
Nefndin hefur umsjón með samskiptum félaganna við Endurmenntunarstofnun HÍ og tók
hún við því hlutverki í lok árs 1996. Undanfarin ár hel'ur stofnunin verið með verkfræðing í
hlutastarfi til að skipuleggja tækninámskeið en sá starfsmaður hætti störfum á árinu. Var þá
ákveðið að vinna eftir breyttu fyrirkomulagi til reynslu í eitt ár. ENSÍM-nefndin og starfs-
hópar hennar koma nú með tillögur að námskeiðum og undirbúa þau í samstarfi við starfs-
menn Endurmenntunarstofnunar. Einnig er nú hluti tækninámskeiða stofnunarinnar haldinn
í Verkfræðingahúsi.
Nefndin hefur hug á að fá fjarkennsluefni erlendis frá og bjóða félagsmönnum. Einnig
hefur mikið verið rætt um að nota viðurkenningar til að vekja athygli á endurmenntunar-
starfinu og til að hvetja menn til að sinna endurmenntun. Þessi atriði kosta nokkurt fjármagn
og er því mikilvægt að félögin leggi fram peninga til þessarar starfsemi. Stefnt er að því að
setja upplýsingar frá nefndinni inn á Internetið.
Þegar verið var að leita að félagsmönnum til að taka þátt í starfi hópanna kom í ljós
að stór hluti af ungum tækni- og verkfræðingum hefur ekki gengið í félögin og er þetta
áhyggjuefni fyrir þau. Dæmi eru um að menn hafi gengið í félögin til að taka þátt í þessu
starfi eða til að geta sótt námskeið sem ENSÍM-nefndin hefur haldið og er ánægjulegt að
finna fyrir slíkum áhuga á endurmenntunarstarfinu. Við námskeiðahald í Verkfræðinga-
húsi hefur komið í ljós að fundarsalurinn hefur ekki verið nægjanlega vel útbúinn til
námskeiðahalds. Er því nauðsynlegt að setja almennileg gluggatjöld til að hægt sé að
myrkva hann auk þess sem gott væri að hafa skjávarpa til að varpa efni frá tölvu upp á
vegg.
A haustönn stóð ENSIM-nefndin fyrir eftirtöldum námskeiðum:
Að eiga samskipti við fjölmiðla. Námskeið haldið í Verkfræðingahúsi af Sigrúnu
Stefánsdóttur. Þátttaka: 13 manns.
Námskeið um tölvunotkun. Námskeið haldið hjá Tölvu- og verkfræðiþjónustunni
og ætlað félagsmönnum með litla reynslu í notkun tölva. Þátttaka: 5 manns.
18 tækninámskeið hjá Endurmenntunarstofnun HÍ.
Eftirtaldir eiga nú sæti í starfshópum ENSÍM-nefndarinnar:
Bygginga- og umhverfishópur: Björn Stefánsson, formaður, Hafliði Richard Jónsson, Jóhann
Hjálmarsson, Sigurður Áss Grétarsson, Sigurður Ragnarsson og Örn Steinar Sigurðsson.