Árbók VFÍ/TFÍ - 01.06.1997, Side 116

114 Félagsmál VFI/TFI
Skýrslur nefnda
European Affairs Committee (EAC): Verkefni nefndarinnar er að vera tengiliður við
Evrópusambandið (ESB). Nefndin vinnur að því að koma FEANI á kortið hjá ESB. Fram
kom hjá formanni nefndarinnar að mikið hefur verið um „nei“ en fá „já“ hjá sambandinu.
Til stendur að senda fundargerðir nefndarinnar til allra aðildarlanda FEANI. Nefndarmönnum
var bent á að nauðsynlegt væri að komast að hjá æðstu stjórnendum ESB í stað þess að vera
að ræða við undirmenn sem hafi ekki ákvörðunarvald.
European Monitoring Committee (EMC): Umsóknir í EUR ING aukast hægt og sígandi.
Nefndin leggur til breytingar á samsetningu nefndarinnar til að auka jafnvægi milli svæða í
Evrópu. í dag eru um 760 skólar í FEANI Index. Skráning fer fram í Access og verður fram-
vegis tekið á móti innsendum gögnum á disklingum. Spurt var um samkeyrslu við Wash-
ington Accord (WA) og var því svarað að WA væru regnhlífarsamtök en ekki skráning og
ekki væri hægt að koma á samkomulagi milli FEANI Index og þeirra af þeim sökum. í
Bandaríkjunum eru yfir 50 mismunandi gerðir verkfræðináms í boði en unnið er að sam-
ræmingu þess. Nefndin kynnti barmmerki sem unnið hefur verið að og lagði fram til
kynningar tvö merki á hvert aðildarland. Hvert barmmerki kostar 50 fr. franka. Athugasemd
kom fram um útlit merkisins sem virðist um of taka mið af ESB-merkinu. Bent er á að þeir
sem notfæri sér Eurlng-titilinn í atvinnuleit láti vita hvort slíkt hafi hjálpað. Skipun nefndar-
innar samkv. tillögu var samþykkt samhljóða.
Continuing Professional Development (CPD): Formaður kynnti stefnu og markmið
nefndarinnar sem gefin var út í skýrsluformi fyrir fundinn. Markmiðin eru sett fram í fimm
liðum og hafði þá verið fækkað úr ellefu. Markmiðin eru þessi:
1. Að vera vakandi yfir mikilvægi þess að þróa símenntun.
2. Að vera vakandi yfir þróun Eurlng-titilsins og tengingu hans við CPD.
3. Að gera CPD að verkfæri til enn frekari símenntunar og starfsframa.
4. Að setja gæðastaðla fyrir símenntun, áframhaja af AQUAFORCE.
5. Að auka samvinnu við önnur samtök tæknimanna.
Nefndin hefur m.a. rætt um hvernig beri að setja fram kröfur til þeirra sem bjóða endur-
menntun. Einnig kom fram nauðsyn þess að CPD-nefndin stuðlaði að viðhaldi menntunar
hjá Eurlngum, m.a. vegna hugmynda um kröfu á endurnýjun titilsins á fimm ára fresti.
A fundinum komu fram mótmæli við hugmyndum nefndarinnar um viðurkenningu á
endurmenntun. Hvemig á að meta öll námskeið sem í boði eru? Stór hluti námskeiða er innan
fyrirtækja og yrði erfitt að meta þau. Nokkrir fundarmenn lýstu ánægju með lið l og 5 en
óánægju með 2, 3 og að hluta 4. Hugmynd kom fram um að nefndin ynni að gæðakröfumöppu
fyrir námskeið til að auðvelda aðilum að kynna sín námskeið og okkar félagsmönnum að velja
þau. Einnig komu fram spurningar hvort CPD-nefndin ætlaði að taka að sér að endurmeta
Eurlnga og jafnvel að fella þá út af skráningunni. Nauðsynlegt væri að EMC- og CPD-
nefndirnar funduðu um samstarf. Einhver verður að fylgjast með hvað gert er í hverju landi
fyrir sig til að viðhalda titlinum. Kynna þarf með einhverju móti hvað er verið að gera í
hverju landi fyrir sig í endur- og símenntunarmálum. Bent var á að Eurlng titillinn væri
„alþjóðlegur“ á meðan CPD væri bundið við einstakar persónur. Að lokum var nefndinni
þakkað gott starf og bent á að endurmeta þurfi starf hennar áður en næsta skref verður stigið.