Árbók VFÍ/TFÍ - 01.06.1997, Side 181

Nýsköpun og þróunarmál 179
Nýsköpunarsjóður: Loks virðist vera að nást niðurstaða í því mikilvæga baráttumáli
atvinnulífsins að fá öl'lugan nýsköpunarsjóð. Iðnaðar- og viðskiptaráðherra hefur lagt fram
frumvarp á Alþingi um Fjárfestingabanka atvinnulífsins og Nýsköpunarsjóð atvinnulífsins.
Rannsóknarráð Islands: Rannsóknarráð íslands er á fjórða starfsári eftir að ný lög um
sameinað rannsókna- og vísindaráð tóku gildi.
Rannsóknarstofnanir atvinnuveganna: Skipulag og verkaskipting rannsóknastofnana
atvinnuveganna hafa verið til umræðu undanfarin ár. ýmsar hugmyndir hafa komið fram um
aukið samstarf, samnýtingu aðstöðu, sameiningu og breytingar á reksti.
Grænbók ESB: I maí 1996 var efnt til stórráðstefnu undir stjórn Rannís og Utflutnings-
ráðs í tilefni af „grænbók“ Evrópusambandsins um nýsköpun. Gefið var út ítarlegt rit um
þær hugmyndir og ábendingar sem komu fram hjá frummælendum og í vinnuhópum.
Rannsóknarráð íslands
Rannsóknarráð Islands hefur starfað í þrjú ár og er þá ekki óeðlilegt að líta á þann árangur
sem náðst hefur á þeim stutta tíma sem liðinn er frá skipun ráðsins. Skipulag ráðsins hefur
gefið góða raun og starfshættir þess við úthlutun rannsóknarstyrkja hafa þróast á þessum
skamma tíma í viðunandi horf. Matsferlið er í samræmi við það vinnulag sem tíðkast er-
lendis, þ.e. umsagnir sérfræðinga um faglega þætti, mat fagráða sem byggir einkum á fag-
legum forsendum og tillögum þeirra til úthlutunamefnda og loks tillögur úthlutunarnefnda
Vísindasjóðs annars vegar og Tæknisjóðs hins vegar til Rannsóknarráðs.
Úthlutunarstefna Rannsóknarráðs hefur tekið mið af því að fá sem mest af mjög góðu
rannsóknarefni unnið fyrir það takmarkaða fé sem er til ráðstöfunar. Ábendingar og gagn-
rýni fagráða hafa leitt til markvissari undirbúnings verkefna og betri umsókna sem hafa
skilað betra og meira starfi, bæði í verkefnum styrktum af Vísindasjóði og Tæknisjóði.
Þannig hefur hæfni íslenskra rannsóknarmanna til að takast á við erfið verkefni vaxið, en
því miður er ráðstöfunarfé Vísindasjóðs og Tæknisjóðs nánast það sama nú og fyrir þrem-
ur árum. Með sífellt fleiri mjög góðum rannsóknarverkefnum hafa styrkir minnkað veru-
lega. I stað þess að hafa styrkina stærri og þá færri og forgangsraða þeim með hliðsjón af
færri skilgreindum áherslusviðum hefur sá kostur verið tekinn að virkja fleiri rannsóknar-
menn og veita þeim smærri styrki og þá jafnframt tækifæri til að afla fjár frá öðrum aðilum.
Sú leið er greiðfærari þegar fyrir liggur styrkur frá Rannsóknarráði og þar með staðfesting
á ágæti verkefnisins. Þessari leið eru takmörk sett og er ekki unnt að ganga lengra í þessa
átt.
Hlutverk: Hlutverk Rannsóknarráðs Islands er að treysta stoðir íslenskrar menningar og
atvinnulífs með því að stuðla að markvissu vísindastarfí, tækniþróun og nýsköpun.
Rannsóknarráð Islands er sjálfstæð stofnun sem heyrir undir menntamálaráðuneytið.
Upplýsinga- og kynningarstarf: Rannsóknarráð Islands fylgist reglubundið með því fé og
mannafla sem varið er til rannsókna og þróunar hér á landi, í samvinnu við Efnahags- og fram-
farastofnunina, OECD, í París. Þessi athugun er gerð annað hvert ár og gefur Efnahags- og
framfarastofnunin út sameiginlegar niðurstöður allra aðildarlanda og gerir á þeim samanburð.