Árbók VFÍ/TFÍ - 01.06.1997, Qupperneq 185

Samgöngur og fjarskipti 183
f ísafjarðarbæ var unnið að bættri aðstöðu fyrir rninni báta í öllum höfnunum fjórum. Flot-
bryggjum var komið fyrir í nýjum bátakvíum á Þingeyri og Suðureyri og steyptar voru
þekjur á stálþilin í bátahöfnunum á Flateyri og ísafirði. Kostnaður nam 46 milljónum króna.
Á Blönduósi var útbúinn 80 metra langur viðlegukantur við norðurkant bryggjunnar. Jafn-
framt voru reknar niður þrjár stáltunnur, 13 metrar í þvermál, til að mynda skjól við kant-
inn. Kostnaður nam 55 milljónum króna.
Á Siglufirði var byggð ný 80 metra löng stálþilsbryggja fyrir 8 metra dýpi framan við verk-
smiðju SR-mjöls og dýpkað við hana. Kostnaður nam 39 milljónum króna.
í Neskaupstað var byggð 30 metra löng trébryggja við netagerðina og steypt þekja á nýja
stálþilið við mjölverksmiðjuna. Kostnaður nam 30 milljónum króna.
Á Fáskrúðsfirði var lokið við smíði trébryggju við nýju mjölverksmiðjuna. Þá var Haf-
skipabryggjan lengd með 70 metra löngu stálþili í átt að Bæjarbryggjunni. Kostnaður nam
30 milljónum króna.
Á Höfn í Hornafirði var byggð 40 metra löng trébryggja þvert við enda gömlu bryggjunnar
við mjölverksmiðjuna. Þá var unnið að dýpkun innan hafnarinnar. Kostnaður nam 30 millj-
ónum króna.
í Þorlákshöfn var rekið niður 200 metra langt stálþil við nýja Miðbakkann og fyllt að því.
Kostnaður nam 87 milljónum króna.
í Grindavík var unnið að dýpkun innan hafnar með borun og sprengingum. Dýpkað var í 7
metra dýpi á 12.800 m2 svæði frá Eyjabakka yfir að Svíragarði. Alls voru um 35.000 m3 af
föstu efni fjarlægðir. Kostnaður nam 118 milljónum króna.
Framkvæmdir við ferjubryggjur eru alfarið fjármagnaðar af ríkissjóði. Sumarið 1996 var
bryggjan í Holti í Önundarfirði endurbyggð fyrir um 15 milljónir króna. Þá var byggð ný
ferjuhöfn við Arngerðareyri í ísafjarðardjúpi þannig að nú geta bílar ekið að og frá borði
Djúpferjunnar Fagraness. Kostnaður við þá framkvæmd nam 33 milljónum króna árið 1996.
Flugmál
Framkvæmdir í flugmálum á íslandi eru fyrst og fremst fjármagnaðar af tekjustofnum flug-
málaáætlunar og þeim fjármunum sem koma gegnum alþjóðaflugþjónustuna sem rekin er
hér á landi með sérstökum samningi á vegum Alþjóðaflugmálastofnunarinnar. Flugmála-
áætlun var komið á fót með sérstökum lögum árið 1987 sem gera ráð fyrir að flugvallagjald,
þ.e. skattur á hvern flugfarseðil, og gjald á flugvélaeldsneyti verði markað til framkvæmda
á flugvöllum landsins. Frá upphafi hefur hclsta viðfangsefni flugmálaáætlunar verið að
koma upp flugvallamannvirkjum og ber þar hæst byggingu hins nýja Egilsstaðaflugvallar.
Er nú svo komið að búið er að leggja bundið slitlag á flesta áætlunarflugvelli landsins.
Þörfin fyrir framkvæmdir hefur þó ekki minnkað því flugvellir eru flókin mannvirki
sem krefjast mikils fasts og hreyfanlegs tækjabúnaðar. Á sama tíma hefur verið ákveðið
að skerða framkvæmdafé flugmálaáætlunar með því að flytja verulegan hluta af tekjum
hennar til að standa undir kostnaði við rekstur flugvallanna. Á árinu 1997 eru þannig unt
400 milljón krónur ætlaðar til framkvæmda af 590 millj.kr. ráðstöfunarfé flugmálaáætlun-
ar. Þar af fara 60 milljón krónur til Flugstöðvar Leifs Eiríkssonar, 200 milljón krónur í