Árbók VFÍ/TFÍ - 01.06.1997, Qupperneq 186

184 Tækniannáll 1996/1997
mannvirkjagerð á öðrum flugvöllum landsins og 140 milljón krónur til hvers konar tækja-
búnaðar.
Mannvirkjagerð á vegum Flugmálastjórnar: Veturinn 1996 til 1997 var haldið áfram
undirbúningi að endurbyggingu Reykjavíkurflugvallar. Á árinu 1996 hafði verið ákveðið að
velja þann kost að endurbyggja flugbrautir og hlöð í stað þess að lagfæra núverandi brautir
þar sem kostnaðarmunur á þessum tveim kostum reyndist ekki vera mikill. í heild er gert ráð
fyrir að framkvæmdin muni kosta nær 1,5 milljarði króna.
I byrjun hausts 1996 lágu fyrir drög að frumathugun á umhverftsáhrifum vegna fram-
kvæmdanna. Hins vegar kom í ljós að borgaryfirvöld töldu óhjákvæmilegt að deiliskipulag
flugvallarsvæðisins yrði endurskoðað. Þetta hafði í för með sér að ekki var unnt að ljúka við
umhverfismatið eins og til stóð, þar sem uppi er ágreiningur um tilvist einnar af þrem llug-
brautum vallarins.
Hönnun og athugunum vegna Reykjavíkurflugvallar hefur verið haldið. Vorið 1997 var
kynnt skýrsla Hagfræðistofnunar Háskólans þar sem fram kemur að þjóðhagslega sé hag-
kvæmt að halda áfram rekstri Reykjavíkurflugvallar fremur en að flytja allt flug til
Keflavíkurflugvallar. Þá var gert áhættumat fyrir flugvöllinn hjá bresku flugumferðaþjónust-
unni, þar sem fram kom að mest áhætta vegna flugumferðar um flugvöllinn takmarkast við
afmörkuð þríhyrningslöguð svæði sem teygja sig um 1 km frá brautarendanum en þó mis-
mikið eftir umferðarálagi. Sú aðferð sem hér er lögð til grundvallar er ný af nálinni og sýnir
m.a. að áhætta af notkun NA-SV flugbrautarinnar hefur verið mjög ofmetin í fyrri umfjöllun
um þetta mál.
Á árinu 1997 var enn unnið að endurbótum á flugbrautum og var lagt slitlag á flugbraut-
ina á Vopnafirði auk þess sem lokið var við lengingu og lagningu nýs slitlags á Hornafjarðar-
flugvelli. Á Akureyrarflugvelli var lokið frágangi bflastæða og vinna hafin við stækkun flug-
vélahlaðs sem er löngu orðið of lítið. Hafist var handa um endurbyggingu flugstöðvarinnar
á Isafirði, en hún er mjög komin til ára sinna og farin að láta á sjá. Vonast er til þess að hægt
verði að ljúka þessu verki á árinu 1998. Þá var haldið áfram endurbótum á flugstöðinni á
Egilsstöðum og fer nú að hilla undir að endurbyggingu flugstöðvarinnar ljúki þótt líklega
verði því verki ekki endanlega lokið fyrr en á árinu 1999.
Uppbygging tæknikerfa og búnaðar: Nýja flugstjórnarmiðstöðin var tekin í notkun í byrj-
un júlí sumarið 1996. Þróun tæknibúnaðar fyrir flugstjórnarmiðstöðina heldur þó áfram enda
eru kröfur til þessa búnaðar sífellt að aukast. Fluggagnavinnslukerfið, sem verið hefur í
þróun hjá kanadíska fyrirtækinu CAE frá árinu 1989, var flutt til landsins á síðari hluta
ársins 1996. Með því komu nokkrir starfsmenn CAE, sem hafa unnið að því að ljúka ýmsum
lagfæringum á kerfinu og koma því í gegnum lokaprófanir á starfsstað. Þessu marki var
endanlega náð sumarið 1997 þegar kerfið var formlega afhent Flugmálastjórn. Við tekur
mikil vinna við að aðlaga kerfið að umhverfi sínu sem hefur breyst mikið á þróunartímanum.
Því er gert ráð fyrir að kerfið komist ekki í notkun fyrr en seinni hluta árs 1998.
Auk þessa hefur verið haldið áfram þróun ratsjárvinnslukerfisins, sem er að öllu leyti
hannað og þróað hér á landi. Þetta kerfi er nú ásamt fjarskiptastjórnkerfmu og skeytadreifi-
kerfinu uppistaðan í tæknibúnaði flugstjórnarmiðstöðvarinnar. Tvö þessara kerfa, þ.e. rat-
sjárvinnslukerfið og skeytadreifikerfið eru að öllu leyti íslensk smíð. Gert er ráð fyrir að