Árbók VFÍ/TFÍ - 01.06.1997, Side 187

Samgöngur og fjarskipti 185
halda áfram þróun ratsjárvinnslukerfisins um langa framtíð og stefnt að því að tengja það
við fluggagnavinnslukerfið með nýrri vinnustöð fyrir flugumferðarstjóra. Þetta þróunarverk-
efni hefur hlotið nafnið ICE Project sem er stytting á Integrated Controller Environment
Project.
Auk ofangreindra kerfa fyrir flugstjórnarmiðstöðina hefur Flugmálastjórn haldið áfram
undirbúningi að því taka GPS-staðsetningarkerfið í notkun í flugleiðsögu hér á landi. GPS-
mælingar hafa nú verið gerðar á flestum flugvöllum landsins og unnið er að því að gefa út
hnit allra helstu stöðumiða í GPS-hnitum. Fyrsta GPS-aðflugið verður gefið út haustið 1997.
Um er að ræða aðflug að Hornafjarðarflugvelli úr norðri sem er nýmæli og væri erfitt að
koma við án GPS-leiðsögu. Gert er ráð fyrir að GPS-aðflugsferlar fyrir alla áætlunarflug-
velli landsins verði gefnir úl í kjölfarið.
Auk ofangreindra verkefna hefur Flugmálastjórn unnið að uppsetningu ýmiss hefð-
bundins búnaðar og kerfa. Einkum er nú mikil áhersla lögð á að endurnýja og styrkja raf-
magns- og ljósabúnað á flugvöllum landsins sem lítið var hægt að sinna á meðan mann-
virkjagerðin var í hámarki. Sem dæmi má nefna að flugbrautarljós hafa verið endurnýjuð á
Hornafjarðarflugvelli og komið hefur verið upp fullkomnum aðflugsljósum á Akureyrar-
flugvelli. Þá hefur verið unnið að því að koma upp vararafstöðvum á helstu áætlunar-
flugvöllum og íjarskiptastöðvum til að gera þessa flugvelli óháða trutlunum í rekstri raf-
veitna. Mörg óleyst verkefni af þessu tagi bíða enn úrlausnar á áætlunarflugvöllum landsins.
Póstur og sími
Rekstarafkoma Pósts og síma árið 1996 var verulega betri en hún var árið áður og nam
hagnaður rúmlega tveimur milljörðum króna, en hann var um 1,1 milljarður króna árið 1995.
Helsta skýringin á bættri afkomu á árinu 1996 var sú að tekjur af símaþjónustu voru þá
miðaðar við raunverulega símanotkun á árinu í stað þess að miða við útgefna reikninga eins
og gert hafði verið áður. Af hagnaði greiddi fyrirtækið 860 milljónir króna í ríkissjóð. Fjár-
fest var fyrir tæplega 1,8 milljarð króna, bæði í hefðbundnum grunnkerfum, farsímakerfum
og ljósleiðaralögnunt sem eru undirstaða breiðbandsþjónuslunnar, svo og ýmsum nýjungum
eins og samnetinu (ISDN) og greindarkerfum.
Töluverðar breytingar voru gerðar á gjaldskrám, bæði póstsins og símans. Símtöl til
útlanda lækkuðu að meðaltali um 10% í júní 1996 og aftur um önnur 10% í desember.
Einnig lækkuðu langlínusímtöl innanlands þegar dýrari langlínutaxtinn var felldur niður. Á
móti voru staðarsímtöl og föst afnotagjöld símans hækkuð í desember. Töluvert tap hefur
verið á rekstri póstþjónustunnar og til að mæta því að nokkru var gjaldskrá póstsins hækkuð
um 15% og gripið til ýmissa hagræðingaraðgerða.
Árið 1996 var að mörgu leyti tímamótaár. Haldið var upp á 220 ára afmæli póstþjónust-
unnar og 25 ára afmæli póstgírósins. Sett var upp sérstök afmælissýning í Póst- og síma-
minjasafninu. Einnig var gefin út Póstsagan til 1873, rituð af Heimi Þorleifssyni, í samvinnu
við bókaútgáfuna Þjóðsögu. 90 ár eru liðin frá því að Landssíminn tók til starfa og var þess
minnst með margvíslegum hætti, meðal annars með sérstakri fjarskiptaráðstefnu. Afmælis-
ins var einnig minnst með sýningu um sögu fjarskiptanna í 90 ár í Pósts- og símaminja-
safninu og hófi á Hótel Sögu. Samstarfssamningur var undirritaður milli Pósts og síma og
Háskóla íslands þar sem ákveðið var að koma upp og styðja rekstur þjálfunar- og rann-