Árbók VFÍ/TFÍ - 01.06.1997, Page 193

Ýmsar stofnanir 191
Tækniskóli íslands
Nemendum hefur fjölgað nokkuð og eru nú, þ.e. haustið 1997, um 560. Fjölgun frá sama
tíma fyrir ári er um 14%. I ár var tekin í notkun um 1400 fermetra viðbót og hefur rými
skólans aukist úr 5900 í um 7300 fermetra. Með þessari viðbót skapast aukið kennslurými
og öll vinnuaðstaða batnar til muna. Vonir stóðu til að þessi stækkun nægði fram yfir alda-
mót en nú virðist stefna í að hún verði fullnýtt seinni hluta árs 1998.
Jafnframt stækkun húsnæðis standa yfir endurbætur og endurnýjun á tölvukerfi skólans.
Til þessa verks er á árinu 1997 varið 12 milljónum ki'óna og er þess vænst að fjárframlög
fáist til að halda uppbyggingu og eðlilegri endurnýjun áfram á næstu árum svo að þessi að-
staða verði árið 1999 orðin með því besta sem gerist hérlendis.
í janúar 1998 munu fyrstu tæknifræðingarnir útskrifast úr véladeild. I athugun er að
koma á tæknifræðinámi í upplýsingatækni og er hugsanlegt að það hefjist haustið 1998.
Myndaður hefur verið starfshópur til að gera tillögur um uppbyggingu námsins og koma að
því starfi Tæknifræðingafélag Islands og aðilar úr atvinnulífinu.
Aðsókn í hefðbundið tækninám hefur frekar dregist saman á síðustu árurn og er það að
vonum nokkurt áhyggjuefni. Sú þróun, ef áframhald verður á, getur leitt til þess að innan
nokkurra ára útskrifist færri en þarf til að tryggja náttúrlega endurnýjun í starfsgreininni. I
ár er reyndar að sjá að þessi þróun kunni að snúast við á næstunni og bendir m. a. stórauk-
in aðsókn í undirbúningsdeild skólans til þessa.
Undanfarin ár hefur verið unnið að því að koma á starfsaðferðum sem kenndar eru við
gæðastjórnun í starfsemi skólans. Eins og vænta má um allar nýjungar hefur þetta gengið
misjafnlega, en samt hefur orðið einhver árangur. Nú hefur þetta ferli hins vegar stöðvast, í
bili a. m. k., þar sem fjárveitingar eru ekki fyrir hendi til að standa undir þeirri vinnu sem
vinna þarf í því sambandi.
1 febrúar 1996 undirrituðu rektorar Tækniskólans og Háskólans á Akureyri viljayfir-
lýsingu um að stefna að auknu samstarfi skólanna. Meðal þeirra möguleika sem slíkt aukið
samstarf gæfi er samkennsla um fjarskiptanet sem ætti að geta gert skólunum kleift að nýta
námsframboð hver annars eftir því sem kann að vera hentugt hverju sinni. Einnig er rætt um
samstarf um uppbygingu upplýsingakerfis. Báðir skólarnir hafa hug á að bjóða nám í
upplýsingatækni. Yrði þá um að ræða tvær aðskildar námsleiðir sem störfuðu við hvorn
skóla um sig en þó þannig að nemendur gætu innan vissra marka nýtt sér námsefni beggja
skólanna og hefðu möguleika á að flytjast milli skólanna eftir því sem námsframboð gæfi
lilefni til. Þetta stendur í sambandi við það sem áður sagði um að í athugun væri að koma á
fót námi í upplýsingatæknifræði. Allt er þetta þó á skoðunarstigi og of snemmt að spá fyrir
unr hvað út úr því kemur. Það er ljóst að á sviði upplýsingatækni er full þörf á að bjóða nám
þeirrar tegundar sem hér er rætt um.
Vorið 1997 undirrituðu rektor Tækniskólans og utanríkisráðherra samstarfssamning þar
sem utanríkisráðuneytið tekur að sér að útvega tveim nemendum í útflutningsmarkaðsfræði
árlega aðstöðu til að vinna að markaðstengdum verkefnum í sendiráðum íslands erlendis.
Þessu fylgir og nokkur styrkur til handa þeim nemendum sem fyrir valinu verða hverju
sinni. Þessi sanrningur er skólanum sérlega mikilvægur og felur í sér ótvíræða viðurkenn-
ingu. Þess vegna er hans getið hér, þó svo að tilurð eða framkvæmd hans snerti ekki tækni-