Árbók VFÍ/TFÍ - 01.06.1997, Page 216

214 Tækniannáll 1996/1997
til norðurs heldur inn að miðlínu akreinanna fjögurra sem þegar voru til staðar. Þá var
Vesturlandsvegurinn einnig breikkaður austan Höfðabakka um tvær akreinar að gatnamót-
unum við Suðurlandsveg. Samhliða framkvæmdinni var að- og fráreinum á þessum vegar-
kafla breytt nokkuð en þeim var fækkað frá því sem nú er. Helstu breytingarnar voru þær að
aðrein frá Rafstöðvarvegi inn á Vesturlandsveg til austurs var lokað og það sama má segja
um frárein frá Vesturlandsvegi inn á Bíldshöfða í Artúnsbrekku og Suðurlandsbrautinni við
Steinahlíð. Þá voru einnig sameinaðar tvær innkeyrslur á Vesturlandsveg í Ártúnsbrekku í
eina. Með þessu á umferðaröryggi á Vesturlandsvegi að aukast til ntuna. Auk áðurtalinnar
vegagerðar voru byggð fjögur steypt mannvirki. Er þar átt við brú á Höfðabakka, undirgöng
á Breiðhöfða, brú yfír Elliðaár, og brú yfír Sæbraut. Enn fremur var stokkur fyrir vestari ál
Elliðaáa lengdur til norðurs og suðurs.
Framkvæmdinni var skipt í fjóra verkáfanga, en í lok árs 1994 var hafist handa við fyrsta
áfanga verksins sem var gerð bráðabirgða-framhjáhlaups á gatnamótum Höfðabakka og
Vesturlandsvegar. Þeim áfanga lauk í mars 1995 en þá var þegar hafínn annar áfangi verksins
sem var bygging mislægra gatnamóta á Höfðabakka. Þeim áfanga lauk að mestu leyti í
október sama ár. Þriðji áfangi verksins hófst síðan í febrúar 1996 en þá var Vesturlandsvegur
breikkaður ásamt breytingum á að og fráreinum frá Breiðhöfða vestur fyrir Elliðaár. Þeim
áfanga lauk að mestu í október 1996. Fjórði og síðasti áfangi verksins hófst í febrúar 1997
og lauk um haustið.
Framkvæmdin í heild sinni er um margt sérstök bæði í tæknilegu og framkvæmdalegu
tilliti. Gatnamótin við Höfðabakka eru af sérstakri gerð, svokallaður samþjappaður tígull, en
þegar þau voru byggð voru ekki mörg gatnamót í heiminum með því formi. Óhætt er að
segja að þau hafi fyllilega skilað hlutverki sínu, bæði hvað varðar öryggi og afköst. Brúin á
Höfðabakka er einnig sérstök á sínu sviði og vekur þar hrafntinnusteining athygli en hún er
eins konar afturhvarf til steiningar húsa hér á árum áður. Hrafntinna er nú friðuð og því var
brugðið á það ráð að nota aukaefni sem verður til við gerð steinullar sem steiningarsalla á
brúna. Þetta gefur veggjum brúarinnar skemmtilegra yfirbragð og góða endingu og er einnig
í samræmi við endurnýtingarsjónarmið nútímans. Handlistar á handriði brúarinnar hafa
einnig vakið athygli en þar er um að ræða iðnaðarframleidda eik, azobé eða ekki, úr frum-
skógum Afríku en það á að vera algerlega viðhaldsfrír viður.
Framkvæmdalega hefur verkið verið sérstakt fyrir þær sakir að unnið hefur verið að
endurbyggingu og breytingum á tveimur af umferðarþyngstu gatnamótum landsins og þar
að auki í mikilli nálægð við Vesturlandsveginn sem einnig er ein umferðarþyngsta gata á
landinu. Þrátt fyrir þetta hefur framkvæmdin gengið stóráfallalaust fyrir sig og án meiri
háttar truflana fyrir hina daglegu umferð. Þetta hefði ekki gengið upp nema með góðri skipu-
lagningu á hönnunartíma og stífri eftirfylgni á verktíma. Þessir þættir eru kannski þegar upp
er staðið einir þeir mikilvægustu fyrir framkvæmdina í heild sinni.
Samfara gatnaframkvæmdinni hefur verið reynt að gera nánasta umhverfi vegarins eins
aðlaðandi og frekast er unnt með landmótun, uppgræðslu og gróðursetningu. Enn fremur
hefur umferð gangandi og hjólandi verið gerð góð skil þannig að umferð þeirra unt gatna-
mótin og þvert á Vesturlandsveginn verði sem hættuminnst. Hljóðvist í nágrenni gatna-
mótanna og meðfram Vesturlandsveginum hefur einnig verið gefínn gaumur og bætt úr
vandamálum þeim samfara eins og frekast var unnt. Allir þessir þættir stuðla að þvf að gera
mannvirkið meira aðlaðandi í augum þeirra sem nota það og þeirra sem búa í nágrenni þess.