Árbók VFÍ/TFÍ - 01.06.1997, Page 223

Landsvirkjun 221
fossstöðvar ásamt tilheyrandi lyftubúnaði. Ennfremur var lokið við að sandblása og mála
vatnsvegi véla Irafossstöðvar og Steingrímsstöðvar og endurbótum lauk á hverfli og ral'al
vélar l í Steingrímsstöð. Lokið var samsetningu og uppsetningu á nýjum endabúnaði fyrir
alla rafala stöðvanna, smíði á nýjum vélaspenni fyrir Steingrímsstöð og 220/132 kV milli-
sambandsspenni fyrir Irafossstöð. Settur var upp og tengdur nýr vélaspennir fyrir Ljósafoss-
stöð. Lokið var lengingu á vesturenda Ljósafossstöðvar sem eykur styrk stöðvarhússins í
jarðskjálftum og gengið frá nýju svæði fyrir aflspenna stöðvarinnar. Ennfremur var lokið
viðgerðum á aðrennslisgöngum og jöfnunarþró Steingrímsstöðvar.
Unnið var að undirbúningi aflaukningar Búrfellsstöðvar, en í ársbyrjun voru gerðir verk-
samningar við ýmsa framleiðendur um endurnýjun vatnshjóla, snúðvefja rafala, gangráða og
60 kV aflspennis. Vinna við uppsetningu þessa búnaðar var boðin út og samið við verktaka
er hóf störf um miðjan nóvember. Endurnýjun vatnshjólanna í hverflum virkjunarinnar hófst
1997 en þeir eru sex að tölu. Hin nýju hjól skila betri nýtingu og auknu vatnsmagni í gegn-
um vélar stöðvarinnar og við það eykst afl hennar úr 210 í 270 MW. Verður þessu verki lokið
á árinu 1998. Sumarið 1996 var inntakslón stöðvarinnar jafnframt dýpkað og undirbúin stór-
viðgerð á inntaksristum sem ljúka þarf áður en álag eykst vegna stækkunar ISAL.
Ákveðið var að ljúka Kröfluvirkjun með uppsetningu á vél 2 og voru þess vegna hafnar
boranir á svæðinu að nýju. Lokið var borun á tveimur holum til öflunar lágþrýstigufu auk
viðgerðar á gamalli borholu. Vélsuða á eimsvala og uppsetning vélasamstæðunnar með til-
heyrandi pípulögnum var boðin út og framkvæmdir hófust. Einnig var boðinn út og gerður
verksamningur vegna nauðsynlegra viðgerða á tveimur hverfilhjólum og stýriblaðakrönsum
fyrir vélasamstæður stöðvarinnar.
Blöndustíila og yfirfallið úr Blöndulóni voru hækkuð um tæpa fjóra metra til þess að
auka nýtanlegt lónrými úr 220 Gl í 400 G1 og lauk framkvæmdum í byrjun vetrar en við það
stækkaði mesta flatarmál lónsins úr 42 km- í um 58 km2. Einnig var framburður hreinsaður
úr frárennslisskurði Blöndustöðvar og ráðstafanir gerðar til þess að hindra frekari framburð
í hann.
Fyrir rúmum áratug voru nokkrar kvíslar sem runnu í efri hluta Þjórsár að austanverðu
stíflaðar og vatninu úr þeim veitt um skurði og náttúrulega farvegi í Þórisvatnsmiðlun. Þetta
verk var unnið í fjórum áföngum, en eftir stóð fimmti og síðasti áfangi Kvíslaveitu sem felst
í að veita efstu kvísl Þjórsár austan Hofsjökuls sömu leið. Framkvæmdir við þennan áfanga
hófust vorið 1996 og var um 70% verksins lokið á árinu. Með bráðabirgðastíflu í hluta
Þjórsárfarvegar tókst að veita ánni í Kvíslaveitu síðla hausts eða um ári fyrr en upphaflega
var áætlað. Verkinu lauk að fullu haustið 1997.
Boðinn var út og gerður verksamningur vegna framleiðslu og uppsetningar á 220 kV rað-
þétti í Búrfellslínu 3B sem reistur verður undir línunni á Sandskeiði auk fimm 132 kV og
tveggja 11 kV samsíðaþétta sem reistir verða í aðveitustöðvunum á Geithálsi og Hamranesi.
Samanlagt afl þessara samsíðaþétta verður 151 MVAr og auka þeir flutningsgetu háspennu-
lína til höfuðborgarsvæðisins. Ennfremur var gerður samningur um framleiðslu og uppseln-
ingu á 132 kV rofabúnaði í tengivirkinu í Hamranesi vegna samsíðaþéttanna. Lokið var
úttekt vegna nauðsynlegra breytinga á varnarbúnaði 220 kV og 132 kV flutningskerfanna
vegna þéttavirkjanna. Gengið var frá samningi um framleiðslu, uppsetningu og breytingar á
varnarbúnaði aðveitustöðvanna á Brennimel, Geithálsi og Hantranesi auk Búrfellsstöðvar,
Hrauneyjafossstöðvar og Irafossstöðvar.