Árbók VFÍ/TFÍ - 01.06.1997, Síða 266

264 Árbók VFÍ/TFÍ 1996/97
Tilrauna- og gufurafstöð á Nesjavöllum.
Árið 1980 var sett upp 300 kW gufurafstöð á Nesjavöllum sem tengd var djúpu holunni
og lagðar raflagnir um svæðið til lýsingar og reksturs vinnuvéla.
Á árabilinu 1983-1986 voru boraðar 13 holur með jarðborunum Dofra (gufubor) og afl-
miklum jarðbor, Jötni, auk einnar djúprar rannsóknarholu við Kolviðarhól.
Jarðhitarannsóknir: Á vegum Hitaveitu Reykjavíkur hafa verið stundaðar yfirgrips-
miklar rannsóknir á Nesjavallasvæði á nánast öllum sviðum náttúrufræði, einkum jarðfræði,
efnafræði og líffræði. Rannsóknir þessar hafa það markmið að auka þekkingu á jarðhitanum,
fylgjast með breytingum í jarðhitageyminum og draga úr áhrifum virkjunarframkvæmda og
jarðhitanýtingar á umhverfið.
Miklar pólitískar deilur urðu um virkjun að Nesjavöllum. Borgarstjórn Reykjavíkur sam-
þykkti 20. nóvember 1986 að hefja jarðhitavirkjun á Nesjavöllum og lögn aðveituæðar til
Reykjavíkur skv. áætlun Hitaveitu Reykjavíkur.
Nesjavallaveita: Ekki var beðið boðanna og framkvæmdir við 1. áfanga Nesjavallaveitu,
100 MW, hófust í ársbyrjun 1987. Framkvæmdaáætlun veitunnar stóðst í öllum meginatrið-
um og var þessi áfangi tekinn í notkun þann 29. september 1990.
Árið 1992 var afl Nesjavallavirkjunar aukið í 150 MW og möguleikar eru á stækkun
virkjunar upp í 400 MW.
Nesjavallavirkjun hefur þá sérstöðu að þar er virkjaður háhiti til upphitunar á köldu
vatni, en önnur virkjunarsvæði Hitaveitu Reykjavíkur nýta jarðhitann beint, þó með íblönd-