Til sjávar - 01.12.1999, Page 6

frh. af bls. 1
Mörg af ákvæðum framangreindra kafla
hafa áður verið sett í íslenskar reglur.
Það á m.a. við um kröfur til vatnsþéttrar
niðurhólfunar, stöðugleika og íjarskipta-
búnað. I ljósi þess að heildstæðar reglur
um öryggi fiskiskipa er þegar að finna í
Torremolinos-bókuninni þótti heppi-
legast að hafa öll ákvæði bókunarinnar í
einni heildstæðri reglugerð fremur en að
hafa þau í mörgum reglugerðum. Nokkuð
er um nýmæli í umræddri reglugerð og er
fjallað um þau helstu hér á eftir.
Skipsbúnaöur
Nú verður heimilt að setja um borð í
fiskiskip þann búnað sem viðurkenndur
hefur verið í einhverju EES-landi á
grundvelli tilskipunar ESB nr. 96/98 um
skipsbúnað. Hingað til hefur slíkt verið
háð því að búnaðurinn hafi verið
viðurkenndur á Islandi. Búnaður, sem er
krafist á grundvelli íslensks sérákvæðis,
þarf þó að vera viðurkenndur hérlendis.
Þetta á t.d. við um losunar- og sjósetn-
ingarbúnað uppblásanlegra björgunar-
fleka (gúmmíbjörgunarbáta).
Skoöanir og útgáfa skírteina
I. kafli Qallar um ýmis almenn ákvæði,
þ.á m. um skoðanir og útgáfu skírteina.
Meðal helstu nýmæla er að tekinn verður
upp fjögurra ára skoðunarhringur. Þetta
þýðir að reglubundnar aðalskoðanir fara
fram á fjögurra ára fresti og sérstakt
öryggisskírteini er gefíð út til sama tíma.
Á þessu tímabili verður fjarskiptabúnaður
skoðaður árlega. Annar búnaður fellur
undir svokallaðar milliskoðanir en þær
eru gerðar á miðju tímabilinu, þ.e.
tveimur árum eftir reglubundna aðal-
skoðun.
Viögeröir, breytingar og endurbætur
Eins og getið er um hér að framan gildir
reglugerðin að mjög litlu leyti um gömul
fiskiskip. Þó er rétt að geta þess að þegar
viðgerðir, breytingar eða endurbætur eru
gerðar á gömlum fiskiskipum þá gilda
ákvæði reglugerðarinnar að svo miklu
leyti sem það er framkvæmanlegt.
Kröfur varöandi bol, vél- og rafbúnað
Kröfúr varðandi bol, vél- og rafbúnað er
að finna í II. og IV. kafla í I. viðauka við
reglugerðina. Meðal nýmæla er krafa um
að auk þess að uppfylla viðeigandi
ákvæði reglugerðarinnar þá skuli ný
fiskiskip einnig uppfylla ákvæði reglna
einhvers viðurkennds flokkunarfélags.
Hérlendis hafa sex flokkunarfélög hlotið
viðurkenningu en það eru American
Bureau of Shipping, Bureau Veritas, Det
Norske Veritas, Germanischer Lloyd,
Lloyd's Register of Shipping og Nippon
Kaiji Kyokai.
Kröfur um stöðugleika
Kröfur um stöðugleika fiskiskipa er að
frnna í III. kafla. Kröfúmar eru í öllum
meginatriðum þær sömu í gildandi
reglugerð um stöðugleika og öryggi
fiskiskipa, nr. 553/1975. Meðal nýmæla
nú er þó krafa um að skip skuli
hallaprófuð eigi sjaldnar en á 10 ára
fresti. Einnig má nefna kröfu um djúp-
ristumerki.
Vél- og rafbúnaður
I IV. kafla er að fmna kröfur til vél- og
rafbúnaðar. Hvað vélbúnaðinn varðar
niun reglugerðin leysa af hólmi reglugerð
frá árinu 1953 en eins og nærri má geta
var endurnýjun hennar löngu orðin
tímabær. í þessum kafla er einnig að
finna ákvæði um tímabundið ómönnuð
vélarúm.
Eldvarnir
I V. kafla í I. viðauka er að frnna kröfur
um eldvarnir. Kaflinn skiptist í þrjá
hluta, A-hluta með almennum ákvæðum,
B-hluta með kröfum fyrir ný fiskiskip 60
m að lengd eða lengri og C-hluta með
kröfum fyrir ný fískiskip sem eru milli 24
m og 60 m að lengd. I B-hluta eru
svipaðar kröfur og þegar gilda fyrir
flutningaskip samkvæmt alþjóðareglum.
í C-hluta eru gerðar heldur minni kröfúr.
V. kafli felur í sér nokkur nýmæli hvað
íslenskar reglur varðar og ber þá helst að
Ljósmyndari: Kristján Maack
nefna kröfu um brunahólfún. Þetta hefúr
m.a. í for með sér að allt efni, sem notað
er í innréttingar fiskiskipa, þarf að
uppfylla tilteknar kröfur um eldtraust-
leika. Einnig er rétt að vekja athygli á að
krafist er 2ja slökkvibúninga fyrir ný
fiskiskip sem eru 24 m að lengd eða
lengri.
Björgunarför
Heimilt verður að velja á milli harðra eða
uppblásanlegra björgunarfleka. Uppblás-
anlegir björgunarflekar, sem er nýyrði í
íslenskum reglum, hafa um nokkurt skeið
verið kallaðir gúmmíbjörgunarbátar.
Neyðarráðstafanir o.fl.
Þau ákvæði sem hafa sennilega mestu
breytingar í för með sér við gildistöku
reglugerðarinnar er að frnna í VIII. kafla
en hann fjallar um neyðarráðstafanir,
samansöfnun og æfingar. í kaflanum,
sem gildir fyrir bæði ný og gömul
fiskiskip sem eru 24 m að lengd eða
lengri, er m.a. krafist að báta- og
brunaæfmgar séu haldnar eigi sjaldnar en
einu sinni í mánuði.
Fjarskiptabúnaður
Kröfúr til fjarskiptabúnaðar er að fmna í
IX. Kafla. Krafist er að öll fiskiskip, sem
eru 24 m að lengd eða lengri, séu búin
GMDSS-búnaði og eru kröfurnar í
meginatriðum þær sömu og gerðar voru í
reglugerð um fjarskiptabúnað og
fjarskipti íslenskra skipa, nr. 295/1994.
Útsýni frá stjórnpalli
Meðal nýmæla í reglugerðinni er krafa
um lágmarksútsýni frá stjórnpalli
fiskiskipa sem eru 45 m að lengd eða
lengri. Þetta er sams konar krafa og gerð
er til flutningaskipa.
6