Neytendablaðið - 01.09.1967, Síða 2

2
NEYTENDABLAÐIÐ
Skrifið blaðinu
Hingað til hafa menn ekki verið
hvattir til að skrifa blaðinu, enda rými
þess verið takmarkað og erfitt að sjá
fyrir, hversu mörg tölublöð væri
hægt að gefa út á ári hverju. Auk
þess hafa af illri nauðsyn verið tekn-
ar auglýsingar í blaðið fram til 1.
tbl. 1966, en þá var því hætt fyrir
fullt og allt. Að vísu voru þetta ekki
auglýsingar í venjulegum skilningi,
heldur aðeins vissar tegundir þeirra
teknar, sem engin áhrif gátu haft á
vörukaup almennt.
Með því eykst að sjálfsögðu rúm
blaðsins fyrir neytendamálefni til
verulegra muna, þannig að með
þeirri ráðstöfun má segja, að útgáf-
an hafi aukizt a.m.k. að einum
þriðja. Nú hafa allar aðstæður
breytzt svo mjög til batnaðar, að
fyrirsjáanlegt er, að hægt verður enn
að auka útgáfuna með fjölgun tölu-
blaða. Kemur það þegar fram með
útsendingu tveggja blaða samtímis
nú, og væntanlega verður hægt að
senda hið þriðja fyrir áramót, en ör-
uggt er, að útgáfa næsta árs verður
meiri en nokkru sinni.
Það er þó síður en svo, að útgáfa
Neytendablaðsins hafi legið niðri,
frá því er 1. tbl. 1967 (um sjálfvirk-
ar þvottavélar og ábyrgðarmerkingu
húsgagna) kom út. Vegna mikillar
aukningar fjölda félagsmanna í sum-
ar og haust hefur tvívegis orðið að
endurprenta Neytendablaðið Nr. 3
1965, sem fjallar um Réttindi og
skyldur kaupenda og seljenda,
ábyrgð og ábyrgðarskírteini og neyt-
endafræðslu í skólum. Efni þess er
slíkt, að nauðsynlegt er fyrir hvern
neytanda að kynna sér það sem
rækilegast. Þess vegna hefur þótt
rétt, að sérhver nýr félagsmaður
fengi það.
Hafi einhver félagsmaður glatað
því blaði, en þarf á því að halda,
þarf hann ekki annað en að senda
skrifstofunni línu eða hringja, og
honum verður send endurprentun um
hæl.
Eðlilegt er, að sumir séu famir
að undrast það, að aðeins eitt tölu-
blað hafi komið út á árinu, en með
þessum tveim blöðum skilja þeir, að
þeim hefur eklri verið gleymt. Vegna
annarra verkefna, sem hafa haft
þann tilgang að efla samtökin og
treysta starfsgmndvöll þeirra til
frambúðar, hefur útgáfa blaðsins
orðið að bíða til síðasta hluta ársins.
Með hinni auknu útgáfu er okkur
óhætt að hvetja lesendur til að skrifa
blaðinu, skýra því frá reynslu sinni,
gera fyrirspurnir o.s.frv. Það er eins
líklegt, að svörin gætu orðið öðrum
til fróðleiks um leið, ef við höfum
vit til að svara. Bréfin skulu send
Neytendablaðinu, pósthólf 1096,
Reykjavík.