blaðið - 26.09.2005, Qupperneq 16
MÁNUDAGUR 26. SEPTEMBER 2005 blaöiö
Ótrúlegur árangur megrunarátaks
Hinn nýi Herra Hafnarfjörður
-Gunnar missti 43 kíló á sjö mánuðum
,Mér fannst ég vera of feitur sem
ég var auðvitað. Ég var búinn að
eiga líkamsræktarkort í þrjú ár
sem var algerlega ósnert þó að
ég væri alltaf á leiðinni í rækt-
ina,“ segir Gunnar Már Levíson,
eigandi herrafataverslunarinnar
Herra Hafnarfjörður. Gunnar fór í
heilsuátak og hefur náð einstökum
árangri með því að nota vilja-
styrkinn. Heil 43 kíló hafa fokið á
aðeins sjö mánuðum - án þess að
nota til þess nein fæðubótarefni
eða aðrar skyndilausnir.
Var sendur heim
,Allt í einu þann 20. janúar þá ákvað
ég að fara í ræktina. Ég mætti með
íþróttatöskuna og allan pakkann og
ætlaði að fara að taka á því en þá var
ég bara sendur heim. Mér var sagt að
ég þyrfti að panta mér tíma hjá einka-
þjálfara til að sýna mér og kenna á öll
tækin. Ég fór þá heim og var frekar
sár því það er alltaf ákveðið átak að
taka fyrsta skrefið. Ég þurfti að safna
í mig kjarki en var mættur aftur þrem-
ur vikum seinna,“ segir Gunnar sem
hefur mætt tvisvar til þrisvar sinnum
á dag upp frá þeim degi. Hann á erf-
itt með að útskýra hvað nákvæmlega
varð til þess að hann dreif sig af stað.
Heilsan var góð þrátt fýrir aukakíló-
in - í dag er hann þó ennþá hraustari
og lítur óumdeilanlega betur út.
fyrir að vera á röltinu milli heildsala
frá átta á morgnana og fram á kvöld.
Ég er bara orðinn háður þvi að fara í
ræktina og fæ hreinlega móral ef ég
sleppi úr degi,“ segir Gunnar sem er
sem nýr maður sjö mánuðum eftir
upphaf átaksins.
„Ertu veikur?"
Gunnar hefur alltaf verið vel þéttur
en síðustu ár hafði hann verið að
bæta verulega á sig. Þetta var fyrsta
sinn sem hann fer í átak sem þetta.
,Fólk snýr sér við og spyr mig hvort
þetta sé í alvörunni ég. Sumir hvísla
að mér hvort ég hafi verið veikur eða
hvort ég hafi farið í magaaðgerð. Eng-
um dettur í í hug að ég hafi bara gert
þetta sjálfur. Það er svo mikið talað
um allar þessar aðgerðir og fólk gerir
sér hreinlega ekki grein fyrir því að
það er hægt að gera þetta án nokk-
urrar utanaðkomandi hjálpar,“ segir
Gunnar sem breytti algerlega um lífs-
stíl því eins og hann segir réttilega
sjálfur - það er enginn feitur nema
eitthvað sé að mataræðinu.
Sveltir ekki
Margir velta því eflaust fyrir sér
hvernig dagurinn gengur fyrir sig
hjá Gunnari.
„Ég byrja daginn á því að fara í rækt-
ina. Fæ mér kannski hálfa skyrdós áð-
ur. Kem svo heim og fæ mér skyr eða
Gunnar rétt áður en hann fór f átakið. Hann segist hafa verið heilsuhraustur þrátt fyrir
aukakílóin en ákvað að grípa f taumana áður en það væri um seinan.
mv Íál'-
í’4? • i
Gunnar í dag, lítur betur út en nokkru sinni og líðanin er eftir þvf.
Viðþolsiaus í London
Gunnar fer oft til London í innkaupa-
ferðir vegnabúðarinnar og segist vera
viðþolslaus að komast ekki í ræktina,
þó að það sé kannski ekki nema einn
dagur sem hann ekki kemst.
„Eg verð alveg ómögulegur, þrátt
ávexti eða eitthvað slíkt. Síðan mæti
ég í vinnuna og fer alltaf klukkan
hálfeitt aftur í ræktina. Ég er að sjálf-
sögðu ekki búinn að svelta mig, ég
borða vel og reglulega en passa mig
ennþá betur á því hvað ég set ofan í
mig. Á kvöldin fæ ég mér kjúklinga-
bringu og hrísgjón og passa alltaf
skammtastærðirnar," segir Gunnar
og bætir því við að það skaði ekkert
að fara stöku sinnum út að borða ef
passað er upp á að detta ekki alveg í
sukkið.
Kominn í kjörþyngd
Gunnar segist síður en svo vera orð-
inn leiður á því að fara í ræktina og
viðhalda mataræðinu - hvatningin
sé of mikil til að gefast upp.
„Fólk kemur til mín og tekur í hend-
ina á mér og óskar mér til hamingju.
Maður getur ekki annað en verið
ánægður. Ég á Kjartani í líkamsræk-
arstöðinni Nautilus mikið að þakka,
þar er aðstaðan mjög fín í alla staði.
Ég finn svo mikinn mun á mér, ég er
glaðari og léttari í lund og þarf ekki
að burðast með þennan fjölda af auka-
kílóum,“ segir hann og bætir við að nú
sé hann kominn í kjörþyngd - meira
að segja aðeins niður fyrir hana.
Fitness? - Því ekki það
Til þeirra sem hafa lengi velt því fyrir
sér að fara í ræktina sendir Gunnar
skýr skilaboð; „Bara að drífa sig af
stað. Það er ekki eftir neinu að bíða.
Ég byrjaði af krafti og árangurinn lét
ekki á sér standa. Þetta var auðvitað
erfitt en strax eftir 2 mánuði var ég
farinn að kaupa mér minni föt. Það
er algerlega þess virði.
Miðað við þennan árangur má
ætla að Gunnar gæti vel sómt sér uppi
á sviði í vaxtarræktarkeppni eins og
fitness. Er það kannski markmiðið?
„Ja, ef mér yrði boðið að taka þátt er
aldrei að vita hvað maður myndi gera.
Annað eins hefur nú gerst,“ segir
Gunnar, Herra Hafnarfjörður, hressi-
lega að lokum. ■