blaðið - 15.11.2005, Page 8

8 I ERLENDAR FRÉTTIR
ÞRIÐJUDAGUR 15. NÓVEMBER 2005 blaöiö
Mestu motmæli i sögu landsins
Verkalýðsfélög í Ástralíu mótmœla nýrri löggjöf um verkalýðsmál í dag sem þau telja að
muni draga úr völdum þeirra ogskerða réttindi verkafólks. John Howard, forsœtisráðherra,
heldur frumvarpinu til streitu þó að vinsældir hans hafi minnkað vegna þess.
Verkalýðsfélög í Ástralíu ætla að
standa að mestu mótmælum í sögu
landsins í dag vegna andstöðu við
nýtt frumvarp um breytingar á lög-
gjöf um verkalýðsmál. Búist er við
að atvinnulíf í borgum landsins lam-
ist vegna aðgerðanna. Samkvæmt
lögunum mun vald verkalýðsfélaga
minnka en meiri áhersla verður
þess í stað lögð á að vinnuveitendur
geri einstaklingssamninga við laun-
þega. Frumvarpið var samþykkt í
neðri deild þingsins í síðustu viku
og verður tekið til afgreiðslu í öld-
ungadeildinni síðar í mánuðinum.
Hin íhaldssama stjórn landsins
heldur því fram að lagasetningin
miði að því að skapa störf og blása
nýju lífi í efnahag landsins en gagn-
rýnendur segja aftur á móti að með
lögunum muni laun verkamanna
skerðast auk þess sem þeir muni
missa ýmiss fríðindi og réttindi sem
þeir njóti nú.
Þátttakendur skipta
hundruðum þúsunda
Verkalýðshreyfingin átti von á að
þátttakendur myndu skipta hundr-
uðum þúsunda og spáði fulltrúi
hennar að þetta yrðu mestu mót-
mæli sem nokkurn tíma hafa verið
haldin í landinu og að þau mörkuðu
upphaf hreyfingar fólksins gegn
lagasetningunni. Samtök iðnrekenda
í Ástralíu sögðu aftur á móti að mót-
mælin væru ólögleg og hvöttu félaga
sína til að grípa til aðgerða gegn hverj-
um þeim launþega sem tæki þátt í
þeim.
John Howard, forsætisráðherra,
hefur heitið að nýta sér meirihluta
ríkisstjórnarinnar í öldungadeildinni
til að afgreiða lögin þrátt fyrir að
John Howard, forsætisráðherra Astralfu,
segir að ný lög um verkalýðsmál séu nauð-
synleg til að viðhalda hagsæld í landinu
og skapa ný störf.
skoðanakannanir sýni að vinsældir
hans hafa minnkað vegna þeirra.
Hann neyddist til að hrinda af stað
mikilli og dýrri auglýsingaherferð í
því augnamiði að sannfæra almenn-
ing um að breytingarnar séu nauðsyn-
legar til að viðhalda hagsæld í Ástral-
íu.
„Stríðsyfirlýsing gegn verkamönnum"
Verkamannaflokkurinn, sem er í
stjórnarandstöðu og hefur ekki nægi-
legan þingstyrk til að fella frumvarpið,
hefur lýst þvi yfir að hann muni fella
lögin úr gildi ef hann kemst til valda í
næstu kosningum sem gert er ráð fyr-
ir að fari fram árið 2007. Kim Beazley
lýsti lögunum sem „stríðsyfirlýsingu
gegn hinum almenna ástralska verka-
manni“ í gær og bætti við að ríkis-
stjórn Howards væri rekin áfram af
hugsjónum en ekki hagfræði. ■
fíðUJ
NR.1 f AMERÍKU
150».« /
SILYMARIN
LIFRARHREINSUN
GÓÐ HEILSA-GULLI BETRI
Gildistími
neyöarlaga framlengdur
Franska stjórnin vill framlengja neyðarlög um þrjá mánuði efþörf
krefur. Óvíst er hvernig stjórnarandstaðan tekur beiðninni.
Franska ríkisstjórnin sagði í gær
að hún myndi fara fram á að þing-
ið veitti henni heimild til að fram-
lengja gildistíma neyðarlaga um
þrjá mánuði. Neyðarlögin voru sett
á fyrr í mánuðinum til að draga úr
mesta ofbeldi sem geisað hefur í
borgum landsins í nærri 40 ár.
Ríkisstjórnin mun þó geta fellt
lögin úr gildi í nokkrum áföngum
áður en gildistími þeirra er liðinn ef
það samræmist markmiðum um að
koma aftur á lögum og reglu.
Afstaða sósíalista óljós
Ekki er ljóst hvernig sósíalistar, sem
eru í stjórnarandstöðu, munu taka
Hræ tveggja bíla sem kveikt var í í úthverfi borgarinnar Lyon um helgina.
beiðni stjórnarinnar um framleng-
ingu laganna en þeir endurvöktu
lögin þegar þeir voru í stjórn á ní-
unda áratugnum. Ýmsir bæjar- og
borgarstjórar hafa gagnrýnt lögin
og telja að í besta falli sé verið að
bregðast of hart við vandanum en
að í versta falli kunni lögin að virka
sem olía á eldinn. Búist er við að
lögin verði afgreidd í þinginu enda
er ríkisstjórnin með öruggan meiri-
hluta þar.
Þann 8. nóvember endurvakti rík-
isstjórn Dominique de Villepin, for-
sætisráðherra, hálfrar aldar gömul
lög sem gefur héraðsstjórum víðtæk
völd til að setja á útgöngubann og
aðrar hamlanir á tilteknum svæð-
um. Þrátt fyrir það hafa fáir héraðs-
stjórar nýtt sér heimildirnar. Um 40
sveitarfélög hafa beitt takmörkuðu
útgöngubanni, þar á meðal sum
af nágrannasveitarfélögum höfuð-
borgarinnar þar sem óeirðirnar hóf-
ust.
Óeirðirnar í Frakklandi, sem stað-
ið hafa i 19 daga, þykja vera í rénun
en þó var kveikt í um 270 bílum að-
faranótt mánudags og fjöldi manns
handtekinn. ■
Mannréttindabrot í írak
Sameinuðu þjóðirnar hafa lýst yfir
áhyggjum af mannréttindabrotum
i hinu stríðshrjáða írak og fjölgun
þeirra sem haldið er í gæsíuvarð-
haldi grunaðir um að tengjast
hryðjuverkastarfsemi. Þetta kem-
ur fram í nýrri skýrslu Sameinuðu
þjóðanna um störf þeirra í landinu
en slíkar skýrslur eru gefnar út á
tveggja mánaða fresti. Sameinuðu
þjóðirnar segja að lögregla og örygg-
issveitir íraka skeyti lítt um mann-
réttindi í aðgerðum sínum og að upp-
reisnarmenn bjóði heim hættunni á
átökum milli ólíkra hópa með árás-
um sínum á óbreytta borgara og
moskur. I skýrslunni er kvartað und-
an því að lög og regla séu almennt
ekki virt í landinu og að hundruð
borgara hafi verið myrtir og særðir í
árásum hryðjuverkamanna á undan-
förnum tveimur mánuðum. ■
Samkomulag
í sjónmáli
Condoleezza Rice hefur átt fundi
með leiðtogum ísraelsmanna og
Palestínumanna að undanförnu.
Condoleezza Rice, utanríkis-
ráðherra Bandaríkjanna, sagði
í gær að samkomulag væri
í sjónmáli um frjálst flæði
Palestínumanna til og frá Gasa-
svæðinu í kjölfar brotthvarfs
ísraelsmanna þaðan í sept-
ember. Rice hefur átt fundi með
Ariel Sharon, forsætisráðherra
fsraels, og Mahmoud Abbas,
forseta Palestínumanna, að und-
anförnu. fsraelsmenn hafa haft
umsjón með iandamærum og
lofthelgi Gasasvæðisins síðan
brotthvarfið átti sér stað. Rice
segir mikilvægt fyrir Palestínu-
menn að geta ferðast á milli
Vesturbakkans og Gasasvæðis-
ins. Talið er að slakna myndi
á þeirri spennu sem ríkir á
svæðinu ef samkomulag næst
um för fólks yfir landamærin.
Háttsettur Hamas-liði myrtur
f gær skutu ísraelskar hersveitir
til bana Amjad Hanawi, hátt-
settan foringja í Hamas-sam-
tökunum, á Vesturbakkanum
og annan Hamas-liða við
landamæri Gasasvæðisins. Að
auki voru átta menn hand-
teknir sem grunaðir eru um
að tilheyra hinum herskáa
armi Hamas-samtakanna.
Samtökin hafa lýst því yfir að
þau muni koma fram hefnd-
um fyrir morðið á Hanawi.
Grunaðir hryðjuverka-
menn í Ástralíu:
Kjarnorkuver
hugsanlegt
skotmark
Hugsanlegt er að kjarnorkuver
í nágrenni Sydney hafi verið
skotmark hryðjuverkamann-
anna sem voru handteknir fyrr
í mánuðinum vegna gruns
um að hafa haft í hyggju að
fremja hryðjuverk í Ástralíu.
Þrír mannanna voru stöðvaðir
af lögreglu vegna grunsam-
legrar hegðunar f grennd við
eina kjarnorkuver iandsins á
síðasta ári. Þremenningarnir
sögðust vera á svæðinu til
að aka um á torfærubifhjóli
en þeir voru með slíkt hjól
meðferðis. Sögum þeirra bar
hins vegar ekki saman þegar
þeir voru yfirheyrðir hver í
sínu lagi. Kjarnorkuvfsinda-
stofnun Ástrah'u gerði lítið úr
ógninni og benti á að svæðið
sé mikið notað af almenningi
til útivistar og að öryggis-
verðir hafi á sínum tíma ekki
talið að kjarnorkuverinu stæði
hætta af þremenningunum.