blaðið - 10.04.2006, Blaðsíða 10

10 I ERLENDAR FRÉTTIR
MÁNUDAGUR 10. APRÍL 2006 blaðiö
Hættulegur klofningur
eða sigur fyrir lýðræðið?
Sérfrœðinga greinir á um hvort telja beri afsögn Thaksin Shinawatra, forscet-
isráðherra Taílands, fallna til að styrkja lýðrœðið í landinu.
Thaksin Shinawatra er líkt og margir stjórnmálamenn i Asfu afar áhugasamur um golf.
Ólíkt forsætisráðherra Suður-Kóreu sem neyddist til að segja af sér á dögunum eftir að
hafa ítrekað verði staðinn að því að taka golfið fram yfir þjóðarhag varð áhugamálið þó
ekki Thaksin að falii.
Fulltrúar Baska á spænska þjóðþinginu vilja að Guernica verði sýnt í Guggenheim-safn-
inu í Bilbao í tilefni þess að 25 ár eru liðin frá því að verkinu var skilað til Spánverja.
Deilur um Guernica
blossa upp að nýju
Fjölmenn mótmæli urðu til þess
að Thaksin Shinawatra sagði af
sér embætti forsætisráðherra
Taílands. Fréttaskýrendur greinir
hins vegar á um hvort telja beri
þessa niðurstöðu sigur fyrir þjóð-
arviljann eða áfall fyrir lýðræðið
í landinu.
Thaksin sagði af sér embætti á
þriðjudag í liðinni viku og kom yfir-
lýsing hans sem þruma úr heiðskíru
lofti. Aðeins tveimur dögum áður
hafði hann verið endurkjörinn í
kosningum sem þrír helstu stjórnar-
andstöðuflokkarnir hundsuðu.
Thaksin sagði af sér eftir fjölda-
mótmæli í höfuðborginni, Bangkok,
sem staðið höfðu mánuðum saman.
Borgarbúar andmæltu einræðis-
legum stjórnarháttum hans aukþess
sem forsætisráðherrann var sakaður
um siðleysi og spillingu. En and-
staðan við forsætisráðherrann var
bundin við höfuðborgina og því fer
fjarri að meirihluti borgarbúa hafi
tekið þátt í mótmælunum. Góðan
kosningasigur sinn gat Thaksin
hins vegar þakkað traustu fylgi á
landsbyggðinni þar sem hann nýtur
almennra vinsælda.
Nú velta ýmsir fréttaskýrendur
og sérfræðingar um stjórnmál í Ta-
ílandi því fyrir sér hvort fámenn for-
réttindastétt höfuðborgarbúa hafi
knúið fram meiriháttar breytingu í
stjórnmálum landsmanna án nokk-
urs umboðs og fylgis. Ýmsir halda
því fram að með þvi að knýja fram
afsögn hans hafi vilji íbúa á lands-
byggðinni eins og hann birtist í kosn-
ingunum verið hundsaður með öllu.
Klofningur sem kunni að reynast
hættulegur hafi því skapast.
„Thaksin var mjög vinsæll og hann
fékk langflest atkvæði. Þetta er gíf-
urlegt áfall fyrir lýðræðið," segir Ro-
bert Broadfoot, virtur sérfræðingur
sem starfar við efnahagslegt og pólit-
ískt áhættumat í Hong Kong.
Þroskuð millistétt?
Ekki eru allir sammála þessu
mati. Bent er á að götumótmælin
hafi miklu fremur reynst birting-
armynd þess pólitíska þroska sem
millistéttin í landinu hafi tekið út
á undanliðnum árum. Fyrr á árum
hafi jafnan verið bundinn endi á
pólitíska ólgu í landinu með því að
kalla herinn út. „Nú hefur það við-
horf náð að festa rætur í landinu
að gera beri þá kröfu til stjórnmála-
manna að þeir gangi siðlega fram og
njóti lögmætis,“ segir James Klein,
forstöðumaður Asíu-stofnunar-
innar í Taílandi. Hann leggur einnig
þunga áherslu á að mótmælin gegn
Thaksin hafi jafnan farið friðsam-
lega fram. Sama sé t.a.m. ekki unnt
að segja um mótmæli unga fólksins
í Frakklandi þessa dagana.
„Hér ræðir um mann sem var kjör-
inn forsætisráðherra en var neyddur
til að segja af sér vegna þéss að hann
skorti lögmæti þrátt fyrir að hafa
fengið skýrt umboð,“ segir Thitinan
Pongsudhirak.stjórnmálafræðingur
við Chulalongkorn-háskóla í Bang-
kok. „Niðurstaðan er sú að stórsigur
í kosningum heimilar ekki forsætis-
ráðherra að sökkva á kaf í spillingu
eða að brjóta gegn ákvæðum stjórn-
arskrárinnar. Menn geta ekki gert
hvað sem er á grundvelli þess að þeir
hafi unnið sigur í kosningum."
Thitinan telur á hinn bóginn að
,alþýðuviljinn“ geti reynst tvíeggjað
sverð í stjórnmálum Taílendinga.
,Gallinn er sá að fari menn ekki vel
með þetta nýja vald kann að skapast
hér svipað ástand og á Filippseyjum,“
segir hann.
Fulltrúar Baska á spænska þinginu
hafa farið fram á að Guernica, hið
fræga verk Pablos Picassos, verði
sýnt í héruðum Baska í tilefni þess
að í ár eru 25 ár liðin frá því að verk-
inu var skilað til Spánverja. Beiðnin
vekur upp gamlar deilur milli Baska
og spænskra stjórnvalda sem komu
upp fyrir níu árum þegar Guggen-
heim-safnið í Bilbao var opnað og
Baskar börðust án árangurs fyrir
því að verkið yrði sýnt í héraðinu í
grennd við bæinn sem það dregur
nafn sitt af. Verkið hefur á undan-
förnum árum verið til sýnis í Þjóð-
listasafninu í Madrid en margir
telja að verkið eigi heima í grennd
við þorpið Guernica sem nasistar
lögðu í rúst í loftárásum árið 1937.
Þau fjöldamorð voru kveikjan að
verkinu sem er það frægasta sem Pic-
asso gerði um ævina.
Þrýstingur um að verkið verði
sýnt á heimaslóðum sínum hefur
aukist eftir að Aðskilnaðarsamtök
Baska (ETA) lýstu yfir takmarka-
lausu vopnahléi á dögunum.
Carmen Calvo, menningarmála-
Lík af átta karlmönnum fundust í
bifreiðum í afskekktu skóglendi í
Ontario-fylki i Kanada um helgina.
Lögregla telur ljóst að um morð hafi
verið að ræða og hefur sett af stað
umfangsmikla rannsókn. Lögreglu-
stjóri Ontario-fylkis, Dave Rektor,
sagði að enn væri ekki hægt að
gefa upplýsingar um þá látnu eða
hvernig dauða þeirra bar að en sagði
ráðherra Spánar, sagði í þinginu
í vikunni að margir sérfræðingar
mæltu gegn flutningi verksins
vegna þess að dúkurinn væri of stór
og viðkvæmur.
Deilan fyrst og fremst pólitísk
Sumir vilja meina að deilan snúist
ekki um list heldur sé hún fyrst og
fremst pólitísk. Böskum er mjög
umhugað um verkið sem Picasso
tileinkaði bænum sem skipar mikil-
vægan sess í þjóðarvitund þeirra og
sjálfsmynd.
Baskar telja að safnstjórn Þjóð-
listasafnsins 1 Madrid óttist að missa
eina helstu gersemi sína ef Guernica
verður sett upp í Bilbao.
Þegar Guggenheim-safnið var
opnað í Bilbao árið 1997 barðist
Thomas Krens, forseti Guggenheim-
sjóðsins í New York, hatrammlega
fyrir þvi að Guernica yrði hluti af
opnunarsýningunni. Jafnframt
er talið að lengsta sýningarrými í
safnbyggingunni hafi verið hannað
með það í huga að þar yrði Guernica
komið fyrir.
að mennirnir átta hefðu allir verið
hvítir. Hann neitaði hins vegar að
staðfesta fullyrðingar fjölmiðla um
að skotsár hefðu verið á mönnunum.
Það var bóndi á svæðinu sem fann
hina látnu í þremur fólksbílum og
dráttarbíl en lögregla telur hann
ekki tengjast atburðinum á nokk-
urn hátt.
Atta lík fundust í Kanada
25 ára fangelsi fyrir
hrottafengió morð
Tuttugu og tveggja ára gamall
franskur karlmaður, múslimatrúar,
hefur verið dæmdur í 25 ára fang-
elsi fyrir að pynta og kveikja í 17
ára gamalli stúlku og verða þannig
valdur að dauða hennar. Morðið átti
sér stað í ruslageymsu í fjölbýlishúsi
í einum af úthverfum Parísar, þar
sem stór hluti íbúa er íslamstrúar, í
októbermánuði árið 2002. Morðið
vakti mikinn óhug og reiði frönsku
þjóðarinnar en ekki var óalgegnt
að ungar, múslimskar konur og
stúlkur þurftu að þola nauðganir og
kynferðislegt áreiti á ferðum sínum
um heimahverfið.
Sakborningurinn Jamal Derrar
mun hafa hellt eldfimum vökva
yfir Sohane Benziane og borið eld
að en Benziane lést af sárum sínum
skömmu síðar. Derrar hélt því fram
fyrir rétti að hin myrta væri fyrr-
verandi kærasta sín og hann hefði
aðeins ætlað sér að hræða hana.
Þær fullyrðingar voru ekki sannleik-
anum samkvæmar. Félagi Derrars,
23ja ára gamall, var einnig dæmdur
í átta ára fangelsi fyrir að hindra að
stúlkan kæmist út úr ruslageymsl-
unni, þar sem henni var haldið, og
neita henni um hjálp.
Saksóknari hafði krafist þess að
Derrar hlyti þyngsta mögulega dóm
og sagði morðið vera einn hrotta-
legasta ofbeldisglæp sem framinn
hafi verið gegn konu á síðari árum.
Dauði Benziane leiddi til þess að
fjölmargar mótmælagöngur voru
haldnar þar sem þess var krafist að
stjórnvöld gerðu meira í að sporna
við ofbeldi gegn íslömskum konum
og þá hafa kvenréttindasamtök
verið stofnuð í nafni hennar.
Slappað af í baði
Myndarlegt Bengal-tígrisdýr kælir sig niður í tjörn í Patna-dýragaröinum á Indlandi en mikill hiti hefur veriö f landinu aö undanförnu.
Bengal-tfgrisdýr eru f útrýmingarhættu en aðeins eru um 3500 tfgrisdýr eftir af þessari tegund í heiminum.