blaðið - 27.04.2006, Blaðsíða 12

12 I FRÉTTIR
FIMMTUDAGUR 27. APRÍL 2006 blaöiö
Reuters
Olympíuleikar á Kúbu
Þriðju ólympíuleikarnir á Kúbu standa nú sem hæst en setningarathöfnin fór fram um
liðna helgi. Lfkt og vænta mátti er byltingarhetjunni Ernesto„Che"Guevara mjög hamp-
að af þessu tilefni og hér má sjá kúbanska stúlku fagna góðum árangri sinna manna.
Alls taka um 1.400 íþróttamenn frá 15 löndum þátt í kúbönsku ólympíuleikunum að
þessu sinni. Þeim lýkur 6. næsta mánaðar.
Reuters
Abu Musab al-Zarqawi flytur boðskap sinn í myndbandi sem birtist á þriðjudag.
Abu Musab al-Zarqawi
sýnir sitt rétta andlit
Myndbandsupptaka með ræðu jórd-
anska hryðjuverkamanninum Abu
Musab al-Zarqawi var birt á vefsíðu
samtaka sem tengjast Al-Qaeda, á
þriðjudag. f myndbandinu sagði
hann að bandaríska hernámsliðið
í írak myndi tapa í stríðinu við
uppreisnarmenn og lofaði hann
alla þá sem taka þátt í árásum á
Bandaríkjamenn. Líkti hann Banda-
ríkjamönnum við eitraðan hníf í
hjörtum múslima. Zarqawi hét því
einnig að ofbeldisaldan í írak ætti
eftir að versna til muna.
Þetta er í fyrsta sinn sem
Zarqawi, sem er samstarfsmaður
hryðjuverkaleiðtogans Osama bin
Laden, birtist á myndbandi en áður
hefur upptökum af ræðum hans
verið útvarpað. Myndbandsupp-
takan kemur fram í dagsljósið tveim
dögum eftir að upptaka með rödd
bin Laden var leikinn í fjölmiðlum
en í henni hafði hryðjuverkaforing-
inn í svipuðum hótunum við Banda-
ríkjamenn. Talið er að Zarqawi
hafi komið fram í myndbandinu
til þess að kveða niður þrálátan
orðróm um að hann hafi látið lífið
eða særst lífshættulega. Einnig er
talið að upptakan birtist nú vegna
tilrauna ýmissa hryðjuverkahópa
í landinu til þess að taka upp enn
nánara samstarf í kjölfar þess að
stjórnarkreppan í írak virðist loks
á enda.
Stjórnar bakvið tjöldin
Zarqawi hefur verið einn helsti
leiðtogi uppreisnarmanna í frak.
Hann ber ábyrgð á fjölda hryðju-
verkaárása sem þúsundir hafa látið
lífið og slasast í. Hann lýsti ábyrgð
á sprengjuárás á þrjú hótel í Jórdan
í nóvember en 57 manns létust í til-
ræðunum. Árásin var fordæmd víða
innan arabaheimsins. f janúar sam-
einuðust hryðjuverkasamtök hans,
Al-Qaeda i Mesópótamíu, öðrum
hryðjuverkasamtökum í frak undir
nafninu Frelsisherráðið. fraskur
maður undir nafninu Abdullah al-
Baghdadi er leiðtogi ráðsins. Er talið
líklegt að al-Baghdadi hafi tekið
við af Zarqawi sem leiðtogi vegna
fordæminganna vegna hryðjuverka-
árásanna í Jórdaníu. Hinsvegar er
víst að Zarqawi stjórnar bakvið
tjöldin og bandarísk yfirvöld telja
líklegt að hann hafi skipulagt árás-
ina á gulfnu moskuna í Samara.
Fátt er vitað um Abu Musab al-
Zarqawi. Hann ólst upp í Jórdaníu
og vitað er að hann var í hópi hinna
svokölluðu mujahedeen sem börð-
ust gegn sovéska hernum í Afgan-
istan á níunda áratugnum. Þar er
talið að hann hafi komist í kynni
við Osama bin Laden en litlir kær-
leikar hafi tekist með þeim. Hann
snéri aftur til Jórdaníu sem sann-
færður íslamisti. Þar var hann fang-
elsaður í sjö ár í fangelsi en Zarqawi
var dæmdur fyrir að grafa undan
konungsdæmi landsins. Stuttu eftir
að honum var sleppt úr haldi flúði
hann land. Síðar var hann dæmdur
til dauða af stjórnvöldum fyrir
skipulagningu hryðjuverka.
í írak á vegum Al-Quada?
Talið er að hann hafi dvalist í Evrópu
um tíma en þaðan fór hann aftur til
Afganistan. Heimildir herma að þar
hafi hann stjórnað æfingabúðum
hryðjuverkamanna við bæinn
Herat, nálægt írönsku landamær-
unum. Hann er sagður hafa lagt sér-
staka áherslu á kennslu í meðferð og
notkun eiturefna. Meðan Zarqawi
dvaldi í Afganistan endurnýjaði
hann kynnin við Osama bin Laden
og Al-Qaeda-samtökin. Bandaríska
leyniþjónustan telur að það hafi
verið bin Laden sem hafi fengið
hann til að koma sér fyrir í írak, en
þangað komst hann áður en Banda-
ríkjamenn réðust inn í landið 2003.
Er talið afar ólíklegt að hann hafi
komist óhultur yfir írösku landa-
mærin án þess að stjórnvöld hafi
vitað af því. Bandaríkjamenn bentu
þrálátlega á þessa staðreynd þegar
þeir reyndu að sannfæra almenn-
ing og umheiminn um tengsl milli
Saddam Husseins og Al-Qaeda.
Aðrir telja að Zarqawi og bin Laden
hafi ekki hafið samstarf fyrr en eftir
innrásina í írak.
í írak hefur Zarqawi staðið að
baki fjölda hryðjuverka innan lands
og utan. Hann er talinn hugmynda-
fræðingur þeirra stefnu ýmissa
hryðjuverkahópa að ráðast á sjíta-
múslima í landinu til þess að koma
af stað borgarastyrjöld.
GARÐHEIMAR
allt í garðinn á einum stað!
Sérstök blanda á grasflötina á vorin,
hemur mosann, drífur upp grasið
Stekkjarbakka 6 - 540 3300
www.gardheimar.is