blaðið - 08.05.2006, Blaðsíða 10
10 IFRÉTTIR
MÁNUDAGUR 8. MAÍ 2006 blaðið
Vantraust viðheldur
verðtryggingunni
Forstöðumaður greiningar Glitnis segir að verðtrygging muni hverfa sjálfkrafa
af lánamarkaði nái Seðlabankinn að skapa traust á peningastefnu sinni.
Vantraust almennings á peninga-
stefnu Seðlabankans skapar þörf
fyrir verðtryggingu að mati Ing-
ólfs Bender, forstöðumanns grein-
ingar Glitnis. Hann segir miklar
verðbólgusveiflur valda því að
verðtrygging sé nauðsynleg hér á
landi.
Dregur úr hagsveiflum
Skiptar skoðanir eru um ágæti
verðtryggingu inn- og útlána hér
á landi. Fram kom í máli Hreið-
ars Más Sigurðssonar, forstjóra
KB-banka, á aðalfundi Samtaka
banka og verðbréfafyrirtækja fyrir
skömmu nauðsyn þess að skoða af-
nám verðtrygginga hér landi. Sagði
Hreiðar það vera einu leiðina til að
draga úr hagsveiflum og styrkja
hagstjórnartæki Seðlabankans.
Þá hefur Davíð Oddson, seðla-
bankastjóri, lýst því yfir að hann
telji óvarlegt að afnema verðtrygg-
inguna að svo stöddu þar sem það
muni leiða til hærri raunvaxta á
lánum.
Valgerður Sverrisdóttir, iðn-
aðar- og viðskiptaráðherra, hefur
skipað nefnd sem meta á kosti og
galla verðtryggingar. Verður nefnd-
inni gert að skila niðurstöðum
eins fljótt og kostur er en gert
er ráð fyrir að það verði á næstu
mánuðum.
Ingólfur Bender BlcM/S,einor Hugi
Vantraust á Seðlabankann
Ingólfur Bender, forstöðumaður
greiningar Glitnis, segir umræð-
una um afnám verðtrygginga vera
sprottna upp úr vangaveltum um
virkni peningastjórnar Seðlabank-
ans. Það hafi sýnt sig að áhrif hækk-
unar stýrivaxta skili ekki tilætluðum
árangri i minni þenslu og verðbólgu.
„Áhrif stýrivaxta á eftirspurn heim-
ila væru meiri í umhverfi þar sem
verðtrygging væri ekki til staðar.“
Ingólfur segir hins vegar að hér á
landi sé ekki ríkjandi nógu mikið
traust á peningastefnu Seðlabank-
ans til þess að hægt sé að afnema
verðtryggingu. „Það er ríkjandi
ákveðið vantraust á verðbólgumark-
mið Seðlabankans. í nálægum
löndum er það talið nægjanleg trygg-
ing en hér á landi treysta menn ekki
að Seðlabankinn standi við verð-
bólgumarkmið sitt.“
Ingólfur bendir á að nái Seðlabank-
inn að standa við verðbólgumark-
mið sín muni skapast aðstæður þar
sem óverðtryggð lán verði raunveru-
legri valkostur. „Besta leiðin er að
Seðlabankinn tryggi stöðu sína. Ég
hef alltaf verið þeirrar skoðunar að
verðtryggingin sé ekki vandamálið í
þessu. Vandamálið er verðbólgan og
það er hagsmunamál allra að henni
sé haldið í 2,5%. Takist það þá höfum
við enga þörf fyrir verðtryggingu.“
Þá segir Ingólfur að verðtrygging
lána hér á landi geri það að verkum
að þau séu óvenjulega löng borin
saman við Evrópu og Bandaríkin.
Þar séu lán yfirleitt til fimm ára
og endurnýjuð eftir þann tíma. Að
hans mati mundi slíkt kerfi hér á
landi styrkja hagstjórnartæki Seðla-
bankans til muna. „Erlendis eru
menn að taka lán til styttri tíma
sem eru síðan endurnýjuð reglu-
lega. Við hvert skipti eru vextir end-
urreiknaðir og þannig koma áhrif
stýrivaxtabreytinga inn. “
FERÐA- OG UTIVISTARVERSLUN
Skeifunni 6 • Sími 533 4450 • www.everest.is
Mahmoud Ahmadinejad, forseti (rans, í góðum félagsskap. Hann hefur ýjað að því að
sig langi að komast á leik á HM í sumar.
Kemst Ahmadinejad á HM?
Knattspyrna og stjórnmál í eina sæng vegna
kjarnorkuáætlunar klerkastjórnarinnar í íran.
Deilan um kjarnorkuáætlun trana
er farin að hafa víðtæk áhrif á al-
þjóðasamskipti. Ríkisstjórn Banda-
ríkjanna hefur miklar áhyggjur af
því að Mahmoud Ahmadinejad,
forseti írans, láti verða að því að
sækja Þýskaland heim í sumar til
þess að styðja við bakið á íranska
landsliðinu.
tranir leika sinn fyrsta leik í
keppninni í Núrnberg og er talið
að mæti forsetinn á þann leik muni
það vekja hörð viðbrögð sökum sögu-
legrar skírskotunar borgarinnar. Þá
hefur Ahmadinejad lýst því yfir að
þurrka eigi tsrael út af landakortinu
og að helförin gegn gyðingum hafi
ekki átt sér stað.
Vill reka írani úr keppni
Talið er að George Bush, forseti
Bandaríkjanna, hafi vakið athygli
Angelu Merkel, kanslara Þýska-
lands á fundi leiðtoganna í síðustu
viku, á hversu óheppilegt það gæti
verið ef Ahmadinejad yrði leyft að
fara á leiki íranska liðsins í sumar.
Öldungadeildarþingmaðurinn John
McCain, sem er talinn líklegur til
þess að sækjast eftir útnefningu
repúblikana í næstu forsetakosn-
ingum í Bandaríkjunum, berst fyrir
því að þvingunaraðgerðir gegn ír-
önum felist meðal annars í því að
þeim verði meinað að leika á HM í
sumar. Jack Straw, fyrrum utanrík-
isráðherra Bretlands, hafnaði slíkri
hugmynd enda er ekki hægt að reka
írani úr keppni án samþykkis örygg-
isráðs Sameinuðu þjóðanna.
Ólíklegt er að Iran verði vikið úr
keppni. Einnig er ólíklegt að Þjóð-
verjar geti orðið við ósk Bandaríkja-
manna og meinað Ahmadinejad
að koma til landsins. Samkvæmt
reglum keppninnar er ekki hægt að
meina þjóðarleiðtogum að koma og
styðja lið sitt.
SJÓNARHÓLL
Gleraugnaverslun
Reykavíkurvégur 22
220 Hafnarfirði
565-5970
Líklega hlýlegasta
gleraugnaverslunin
norðan Alpafjalla