blaðið - 08.05.2006, Blaðsíða 24

24 1 ÝMISLEGT
MÁNUDAGUR 8. MAÍ 2006 blaðið
Tjáning tilíinninga
er nauðsynleg
Margir eiga erfitt með að tjá tilfinningar sínar vegna hrœðslu um
að verða sœrðir. Slíktgetur valdið miklu andlegu álagi.
Það er ekkert sem skilgreinir okkur
eins mikið og tjáning tilfinninga. Til-
finningar endurspegla persónulegar
upplýsingar um okkur og það er því
engin furða að margir eigi i erfíð-
leikum með að tjá þær.
Hræðsla okkar snýst helst um
hvernig fólk bregst við þegar við tjáum
tilfinningar okkar. Margir karlmenn
telja að með því að tjá tilfinningar
sínar virki þeir kvenlegir á meðan
konur hræðast við að tjá tilfinningar
sínar þar sem þær vilja ekki vera
taldar væmnar. Þrátt fyrir að okkur
finnist sem við séum berskjölduð og
auðsæranleg ef við tjáum tilfinningar
okkar er það samt sem áður nauðsyn-
legt. Það er nauðsynlegt því það hefur
MARGT OLÆRT
áhrif á okkur og einkalíf okkar. Með
því að tjá tilfinningar okkar getum
við létt á andlegri spennu enda veldur
það álagi að leyna tilfinningum
sínum. Hér eru nokkur góð ráð fyrir
þá sem eiga erfitt með að tjá tilfinn-
ingar sínar og vilja breyta því.
Útskýrðu vandamálið
Það getur vel verið að þú eigir ekki
alltaf erfitt með að tjá tilfinningar
þínar. Getur verið að þú eigir einungis
erfitt með að tjá þær í ákveðnum
aðstæðum eða við ákveðna einstak-
linga? Ef þetta er rétt ættirðu að ein-
beita þér að þeim aðstæðum og þeim
einstaklingum. Hvað er það sem
stöðvar þig og hvaða tilfinningar bær-
ast innra með þér þegar þú hugsar
um það? Fyrsta skrefið er að átta sig
á þessu og þá er auðveldara að breyta
hegðuninni.
Hvernig hófst vandamálið
Þú hefur kannski ekki alltaf átt erf-
itt með að tjá tilfinningarþínar en eitt-
hvað atvik í fortíð þinni gæti hafa ol-
lið því. Slæm lífsreynsla getur þróast
upp í hræðslu vegna framtíðarinnar,
hræðslu við að sama sagan endurtaki
sig. Það er þessi hræðsla sem heldur
aftur af tilfinningum þínum og það
er að mörgu leyti skiljanlegt. Eini gall-
inn er að slík vörn á það til að ganga
lengra en nauðsyn er. Ef það er atvik í
fortíð þinni sem varð til þess að þú átt
erfiðara með að tjá tilfinningar þínar
skaltu vera meðvitaður/meðvituð
um þann þátt og þá er auðveldara að
vinna úr því.
Settu þér markmið
Ef þú setur þér það markmið að
breytast þá verða þau markmið að
vera raunsæ. Allir eru ólíkir og sumir
eru með opnari persónuleika en
aðrir. Það er því ekkert rétt og rangt
í þessum efnum og það er óþarfi að
þykjast vera opinn og ófeiminn ef þú
ert það ekki. Þegar þú setur þér mark-
mið skaltu miða við hegðun sem er
þér eðlileg.
Byrjaðu strax
Ekki búast við því að breytast sam-
stundis. Það tekur tíma að breyta
hegðun og þú skalt taka þér þann
tíma. Vertu eins örugg/ur með þig
og mögulegt er þegar þú byrjar að tjá
tilfinningar þínar. Ekki byrja á því að
tjá þær við einhvern sem kann ekki
að taka við því heldur einhvern sem
þú veist að tekur þvi vel. Veldu um-
hverfi og fólk sem þú treystir. Tjáðu
svo tilfinningar þínar varlega og
ögraðu gamalgrónum hugmyndum
þínum um hvað mun gerast við þær
aðstæður. Með tímanum veitist þér
auðveldara að tjá tilfinningar þínar,
svo framarlega sem þú gerir það reglu-
lega og verður öruggari með þig.
Sættu þig við takmarkanir þínar
Vertu raunsæ/r og sættu þig við það
að í sumum aðstæðum muntu aldrei
geta tjáð tilfinningar þínar, svo vel
fari. Þrátt fyrir það nærðu mark-
miðum þínum því það er ekki nauð-
synlegt að tjá allar tilfinningar við öll
möguleg tækifæri. Mundu að þótt þú
tjáir ekki tilfinningar þínar er ekki
þar með sagt að þú sért tilfinninga-
laus. Það eru til aðrar leiðir til að tjá
fólki hvað þér finnst um það. Það sem
þú gerir, segir auk látbragðsins eru
góðar leiðir til að tjá tilfinningar án
þess að þurfa að segja það beint. Ef þú
ert takmörkuð/takmarkaður á einu
sviði skaltu hiklaust nýta önnur svið
enn frekar.
svanhvit@bladid.net
Slæm lifsreynsla getur þróast upp í hræðslu vegna framtíðarinnar, hræðslu við að sama
sagan endurtaki sig.
HEIMURINN Á