blaðið - 26.06.2006, Blaðsíða 14

22 I ÍPRÓTTIR
MÁNUDAGUR 26. JÚNÍ 2006 blaðiö
Þegar Maradona sigraði á HM
■ HM-leikir dagsins 16 liða úrslit, kl. 15 og 19.
Á meðan háttvís og jakkafata-
klædd knattspyrnugoð eins
og Pele og Platini sitja í heið-
ursstúkum á HM á Þýskalandi
hvetur besti knattspyrnumaður
allra tíma, Diego Armando Mar-
adona, sína menn í argentíska
iandsliðinu áfram meðal fólksins
í almennum áhorfendastúkum.
Það er kannski við hæfi þar sem
Maradona er sönn alþýðuhetja og
í raun holdger vingur þessa dásam-
lega skrýtna og aðdáunarverða
heims sem rómanska Ameríka er.
Knattspyrnuaðdáendur hljóta að
leiða hugann að því þegar þeir sjá
myndir af Maradona fylgjast með
vasklegri framgöngu argentíska
landsliðsins í Þýskalandi þegar
hann bar landsliðið á herðum
sínum í Mexíkó fyrir tuttugu
árum og tryggði því heimsmeist-
aratitilinn með ótrúlegri snilli
sinni.
Diego Maradona hafði margt að
sanna fyrir HM í Mexíkó 1986. Um
knattspyrnuhæfileika hans efaðist
enginn. En þrátt fyrir hæfileikana
olli hann vonbrigðum á HM á Spáni
1982 enda var búist við því að undra-
barnið myndi einsamalt sjá til þess
að Argentínumenn verðu titil sinn
frá HM árið 1978. Eftir vonbrigðin á
Spáni var hann seldur frá argentíska
liðinu Boca Juniors til Barcelona á
Spáni. Miðað við þeirra tíma mæli-
kværða borgaði Barcelona mikið
fé fyrir Maradona. Og þrátt fyrir
að sýna mikla snilli í leik sínum
fyrir liðið féll hann aldrei í kramið
hjá stuðningsmönnum og leið illa
í vistinni. Auk þess varð hann á
vegi „Slátrarans frá Bilbaó,” Andoni
Goikoetxea varnarmanni Athletic
de Bilbao, í september 1983, sem
tæklaði hann svo illilega að óttast
var að Maradona myndi ekki leika
knattspyrnu framar.
Fall og upprisa
En eins og í öllum góðum sögum
kemur upprisa eftir fall. Maradona
var seldur til Napólí á Ítalíu árið
1984 þar sem að hann fékk að leika
lausum hala, í einkalífi og á knatt-
spyrnuvellinum, með þeim afleið-
ingum að smáliðið varð tímabundið
að stórliði. Og efaðist einhver um
snilli hans vorið 1986 átti sá hinn
sami eftir að skipta um skoðun eftir
að hafa horft á HM um sumarið.
Argentíska landsliðið sem mætti
til leiks á HM í Mexíkó var langt
frá því að vera það sterkasta sem
komið hefur frá því merkilega landi.
En fyrir aðdáendur liðsins vildi svo
skemmtilega til að einmitt þetta
sumar var Maradona á hátindi ferils
síns - og það dugði til.
Riðlakeppnina hófu Argentínu-
menn með því að leggja Suður-Kóreu
að velli. Næsti leikur var erfiðari
Ítalía - Ástralía
• Miðjumaðurinn Daniele De
Rossi verður ekki með gegn
Áströlum. Um helgina var
hann dæmdur í fjögurra leikja
bann eftir að hann gaf banda-
ríska sóknarmanninum Brian
McBride olnbogaskot í leik lið-
anna í síðustu viku.
• Varnarmaðurinn Alessandro
Nesta verður einnig fjarri
góðu gamni en hann þjáist af
meiðslum á læri. Reynslubolt-
inn Marco Materazzi tekur
stöðu hans í hjarta ítölsku
varnarinnar.
• Óvíst er hvort Harry Kewell
verði með Áströlum í dag
sökum meiðsla. Brett Emer-
ton er í leikbanni og kemur
annaðhvort Mark Milligan
í hans stað eða Jason Culina.
Sviss - Úkraína
• Varnarmaðurinn efnilegi,
Philippe Senderos, leikur ekki
með í kvöld og verður frá næstu
sex vikurnar. Hann meiddist á
öxl í leiknum gegn Suður-Kóreu.
1 stað Senderos kemur annar
enda andstæðingarnir sjálfir ítalir.
Leiknum lauk með jafntefli en Mar-
adona tryggði stigið með jöfununar-
marki í síðari hálfleik. Argentínu-
menn luku svo riðlakeppninni með
tveggja marka sigri á Búlgörum.
Eins manns keppni
Það var ekki fyrr en á síðari stigum
keppninnar sem Maradona fór
virkilega að taka til óspilltra mál-
anna. Eftir að hafa lagt Úrúgvæ að
velli með einu marki í sextán liða
úrslitum var röðin komin að því
sem átti eftir að verða einn söguleg-
asti knattspyrnuleikur allra tíma:
Argentína - England. Aðdragandi
leiksins var gildishlaðinn og tilfinn-
ingaþrunginn enda voru ekki mörg
ár liðin síðan þjóðirnar háðu stríð
vegna nokkurra skerja sem hýsa ör-
fáar hræður og nokkrar rollur. Það
var með nokkurra mínútna millibili
í síðari hálfleik sem Maradona skil-
greindi arfleifð sína. Á fimmtugustu
og annarri mínútu skoraði hann al-
ræmt mark með því að nota höndina
til þess að stýra boltanum framhjá
Peter Shilton, markmanni Englend-
inga. Enn er deilt um hvort guð
eða höndin á Maradona hafi komið
boltanum í netið. Nokkrum mín-
útum síðar skoraði Maradona mark
aldarinnar. Hann fékk boltann um
tíu metra inn fyrir vallarhelming
Argentínumanna. Samherjar hans
voru vel dekkaðir þannig að hann
átti ekki annarra kosta völ en að
taka málin í eigin hendur. Næstu tíu
sekúndurnar fór hann framhjá helm-
ingnum af leikmönnum Englend-
inga og renndi loks boltanum fram-
hjá Peter Shilton. Með því að skora
umdeildasta mark allra tíma og það
fallegasta tryggði Maradona Arg-
entínumönnum þátttöku í fjögurra
liða úrslitum. Þar hittu þeir fyrir
Belga og snillingurinn var við sama
heygarðshornið. Maradona skoraði
bæði mörk Argentínumanna í tvö
núll sigri.
Úrslitaleikurinn á milli Argent-
ínumanna og Vestur-Þjóðverja sner-
ist um einn hlut. Hvernig ætti að
stöðva Maradona. Það tókst ekki
betur en svo að þegar lítið var eftir
af leiknum og allt stefndi í framleng-
ingu tókst snillingnum að opna vörn
Þjóðverja með snjallri sendingu og
Jorge Burruchaga tók við boltanum
og skoraði.
Argentínumenn og Þjóðverjar
mætast eftir nokkra daga í átta liða
úrslitum á HM í Þýskalandi. Bæði
lið verða að teljast ansi líkleg til þess
að leika til úrslita í keppninni. Þá
kemur í ljós hvort Maradona reyn-
ist Argentínumönnum enn á ný
innblástur á vellinum - enda þótt
framlag hans muni aðeins felast í
hvatningu frá áhorfendapöllunum.
nvuri sem eribKd idnubiio 111 oerimar eoa eKKi er ijosi ao nmm nunaruo
stuðningsmenn þess komast ekki. Þeir voru handteknir fyrir óspektir í Stuttgart í gær.
* .*
★ *
ungur varn-
armaður,
Johan Dho-
urou. Hann
er nítján ára
gamall og
leikur með
Arsenal.
• Ú k r a í n u -
menn verða án varnarmann-
anna Vyacheslav Sviderski og
Andrei Rusol en þeir eru báðir
í leikbanni í kvöld.