blaðið - 15.08.2006, Blaðsíða 2

18 I FJÁRMÁL
ÞRIÐJUDAGUR 15. ÁGÖST 2006 blaðÍA
Vaxtakjör:
Ávaxtaðu peningana
Til eru margar mismunandi leiðir
íyrir landsmenn til að ávaxta sparifé
sitt. Bankarnir bjóða t.a.m. upp á
fjölmarga kosti sem gott er að fara
vel yfir áður en endanleg ákvörðun
er tekin. í sumum tilvikum skiptir
máli hversu stór upphæð er lögð
inn til sparnaðar. Þannig gefa
reikningar þar sem krafist er lág-
marksupphæðar og skuldbindingar
í ákveðinn tima yfirleitt betri vexti
en þeir sem eru opnir allan ársins
hring. Þá er frekar óskynsamlegt að
geyma háar upphæðir inni á tékka-
reikningi þar sem vextir á þeim eru
í flestum tilvikum lægri en t.d. á
bókarreikningum. Almennir vextir
á debetkortareikningi eru frá 3,4%
upp í 4,2% en geta verið hærri ef inni-
stæðan er um og yfir 500 þúsund
krónum. Hægt er þó að semja um
hærri vaxtaprósentur ef innistæðan
fer yfir ákveðin mörk.
Einnig er gott að hafa í huga verð-
bólgu og verðbólguspár þegar tekin
er ákvörðun um verðtryggða eða
óverðtryggða sparireikninga. Óverð-
tryggðir reikningar hafa oft háa
vaxtaprósentu en hún getur hins
vegar farið fyrir lítið ef verðbólgan
mælist um og yfir 8% eins og staðan
er í dag. Þannig væri óverðtryggður
reikningur á 11% vöxtum aðeins að
skila 4% vöxtum í 8% verðbólgu á
meðan verðtryggður reikningur á
5% vöxtum skilar sínum vöxtum
óskertum.
Blaðið hefur tekið saman nokkrar
hugmyndir að þeim sparnaðar-
leiðum sem bankarnir bjóða uppá í
dag. Hafa ber í huga að í mörgum til-
vikum er hægt að semja við banka
um betri vexti og kjör. Hér er aðeins
miðað við almenn vaxtakjör bank-
anna og að lagðar séu inn 250 þús-
und krónur.
Óverðtryggð lán
SPRON - PM 10 daga binding - 10,65%
KB-Banki - Kostabók 36 mánaða binding - 11,65%
Landsbankinn - Vaxtareikningur - 10,65%
Glitnir- Verðbréfareikningur 10 daga binding- 10,45%
Verðtryggð lán
Glitnir - Sparileið 60 mánaða binding -
Landsbankinn - Landsbók 60 mánaða
Bústólpi - 48 mánaða binding - 4,0%
SPRON - Viðbót 36 mánaöa binding -
-------
arkmál
Þýðingar og skjalagerð
Aðsetur í ReykjavíkurAkademíunni - Hringbraut 121
www.markmal.is - markmai@markmal.is - S: 660 5003
lofthreinsitœki
www.ishusid.is
Góð ráð fyrir seljendur fasteigna:
Sanngjarnt verð
selur eignina
Seljendur ættu að verðleggja eignir
sínar á markaðsverði vilji þeir selja
eignina sem fyrst samkvæmt Ásdísi
Ósk Valsdóttur, löggildum fasteigna-
sala hjá Remax Mjódd. Ásdís segir
að ef eign sé verðlögð á markaðsverði
þá geti hún selst á einungis einni til
tveimur vikum.
„Ég get nefnt sem dæmi að i síðustu
viku seldum við eignir á ásettu verði
á tveimur dögum. Það sýnir að eignir
seljast ennþá á ásettu verði en það
þarf að passa að verðið sé raunhæft.
Fasteignasalar gefa raunhæft verð-
mat en stundum vill seljandinn selja
eignina á hærra verði enda liggur
honum ekki á.“ Hins vegar segir Ás-
dís að það sé miklu árangursríkara
að setja sanngjarnt verð á eignina
svo hún seljist hraðar í stað þess að
hafa hana til sölu i marga mánuði.
,Það er betra fyrir seljandann því þá
vilja fleiri skoða eignina. Það er betra
fyrir kaupandann því hann er fljót-
ari að ákveða sig ef hann sér eign
sem er á góðu verði. Ef verðið er sann-
gjarnt fyrir báða aðila þá eru fleiri
sem skoða íbúðina og meiri líkur á
að hún fari hratt."
Pakkið niðuráðuren
kaupendur koma
„Það er ekki eins mikið um það og
áður,“ segir Ásdís þegar hún er innt
eftir því hvort seljendur verðleggi
íbúðir of hátt. „Fólk er að átta sig á
ví að markaðurinn hefur breyst.
fyrra var kannski sett aðeins of
hátt verð á eignir. Ef eignin seldist
ekki á fyrstu vikunum þá hækkaði
it
Góður árangur
Ásdis Ósk Valsdóttir, löggiltur
fasteignasali. „Það næst
bestur árangur með þvf að
auglýsa eign jafnt og þétt. “
markaðsverðið hvort eð var. Núna
er ástandið gott, fólk getur skoðað
eignir í næði og þarf ekki að stökkva
til og kaupa eign klukkutíma eftir að
hún er komin á Netið.“ Ásdís lumar á
fleiri góðum ráðum til að selja eignir
hratt og segir að til að mynda sé gott
að pakka heilmiklu niður áður en
væntanlegir kaupendur skoði íbúð-
ina. „Það er gott að létta á íbúðinni
og vera ekki með allar smástytturnar
og myndirnar uppi við. Þegar eign er
til sölu þá þarf að setja hana í sölugir,
það er ekki nóg að hafa hana eins og
eigandanum líður best í henni heldur
verður fólk að sjá íbúðina fyrir dóti.“
Eins segir Ásdís að gott sé að fara um
íbúðina með gagnrýnum augum, at-
huga hvað þarf að gera við og klára.
.Athugið hvort kranar leka, hvort
það vantar lista á flotta parketið og
svo framvegis. Fækkið skóm og yfir-
höfnum í forstofunni því forstofan
er það fyrsta sem kaupandinn sér. Ef
það eru málningarskemmdir þá þarf
að gera við þær og mála. Hafið íbúð-
ina þannig að kaupandi komi ekki
inn og byrji að telja upp gallana."
Auqlýsið jafnt og þétt
Asdís tekur fram að seljendur eigi
þó alls ekki að missa sig í allsherjar
framkvæmdum eins og að skipta um
eldhúsinnréttingu eða setja parket á
íbúðina. „En það er um að gera að
laga smáhluti eins og eina brotna
rúðu, gólflista eða lekan krana. Þetta
eru hlutir sem stinga í stúf þegar fólk
skoðar íbúðina," segir Ásdís og bætir
við að hennar reynsla sé sú að best sé
að auglýsa eignina aðra hvora viku.
„Það næst bestur árangur með því að
auglýsa jafnt og þétt því það kemur
ekki nýr hópur af kaupendum inn í
hverri viku. Þó þarf að gæta þess að
fara ekki yfir strikið því það er mjög
mikill kostnaður sem fylgir því að
auglýsa eignir. Það skiptir Hka rosal-
ega miklu máli að fá góðar myndir
af eigninni því Netið er mikið notað
í eignaleit. Ef það eru góðar myndir á
Netinu þá vekur það áhuga fólks á að
skoða eignina."
svanhvit@bladid.net
Hvernig eyðír
þú viðkvæmum
upplýsingum?
O www.gagnaeyðing.is
Sjónvarpsþættir verða að tölvuleikjum:
Fyrstu seldir íjanúar
mbl.is | Tölvuleikir sem byggja á
kvikmyndum eru nokkuð algengir
en tölvuleikirsem byggja á sjónvarps-
þáttum sjaldséðari.
Nú á hins vegar að gera tölvu-
leikjaútgáfur þáttaraðanna Lost og
Desperate Hosuewives. Tölvuleikja-
fyrirtækið Gameloft er sagt ætla að
ráðast í gerð leikjanna. Fyrstu leik-
irnir verða seldir í janúar á næsta
ári.
Vinsældir fyrrnefndra sjónvarps-
þátta hafa verið griðarlegar í Banda-
ríkjunum og víðar og aðdáendahóp-
urinn afar stór og trúr þáttunum.
Framleiðendur þáttanna treysta
fyrirtækinu Gameloft til þess að
gera þeim góð skil í tölvuleikjum.
Gameloft hefur þegar sent frá sér
leik byggðan á sjónvarpsþáttunum
O.C. Reuters segir frá þessu.