blaðið - 12.10.2006, Side 8

8 FIMMTUDAGUR 12. OKTÓBER 2006
blaftiö
UTAN ÚR HEIMI
KÍNA
Kona ríkust allra
[ (yrsta skipti í sögunni trónir kona á toppi lista
yfir ríkasta fólk í Kína. Zhang Yin hefur auðgast
gríðarlega á fyrirtæki sem endurvinnur pappír og
er meðal annars ríkari en sjónvarpsspjallarinn
Oprah Winfrey og rithöfundurinn J.K Rowling.
ÍSRAEL
Assad velkominn til ísraels
Shimon Peres, aðstoðarforsætisráðherra Israels, segir
að Bashar al-Assad, forseti Sýrlands, sé velkominn
til Jerúsalem vilji hann ræða við (sraelsmenn um frið
á milli ríkjanna. Ehud Olmert forsætisráðherra sagði
hinsvegar að boð Peres væri ekki í hans umboði.
Börn enn undir vopnum
Amnesty International fullyrðir að ellefu þúsund börn í Kongó séu
enn undir vopnum hjá vígahópum eða að ekki sé vitað um örlög
þeirra. Borgarastríði lauk fyrir þremur árum en meðan á því stóð
vopnuðu vígahópar meðal annars börn til átaka. Lítið hefur áunn-
ist þrátt fyrir átak til að hjálpa börnum að lifa eðlilegu lífi á ný.
Sendiráð í Eþíópíu:
Hlébarði
vekur ugg
Starfsmenn breska sendiráðs-
ins í Addis Ababa í Eþíópíu hafa
óskað eftir hjálp yfirvalda í land-
inu við að handsama hlébarða
sem hefur verið að hrella þá.
Breska sendiráðið hefur um
30 hektara svæði til umráða í
höfuðborginni og búa starfs-
menn þess þar. Fjöldi villtra
dýra hefst við á lóðinni en reynt
hefur verið að koma í veg fyrir
að rándýr komist inn á svæðið.
Fyrir nokkru sást hlébarðinn
á sveimi fyrir utan hús eins
sendiráðsstarfsmannsins um
miðja nótt en ekkert var aðhafst
í fyrstu. Það var ekki fyrr en
villidýrið tók að láta sjá sig að
degi til að starfsmenn sendiráðs-
ins tóku að óttast um börn sín
og gæludýr. Þrátt fyrir að dýrið
hafi ekki ráðist á fólk hefur fjöldi
heimiliskatta og kanína horfið
að undanförnu og er talið að hlé-
barðinn sé viðriðinn það mál.
Stjórnvöld í Norður-Kóreu harðorð undir hótunum um refsiaðgerðir:
Refsingar leiða til stríðs
■ Hóta fleiri kjarnorkutilraunum ■ Japanar beita refsiaögerðum ■ Bandaríkin vilja aukna hörku
Eftir Örn Arnarson
orn@bladid.net
Kim Yong Nam, valdamesti maður
Norður-Kóreu á eftir Kim jong-il
forseta, lýsti því yfir í gær að stjórn-
völd myndu gera fleiri tilraunir með
kjarnorkuvopn láti Bandaríkjamenn
ekki af fjandsamlegri stefnu gegn
þeim. Ennfremur lýstu stjórnvöld í
Pjongjang því yfir að ef gripið verði
til harðari þvingunaraðgerða gegn
Norður-Kóreu í refsingarskyni fyrir
tilraunir þeirra með kjarnavopn jafn-
gildi það stríðsyfirlýsingu og að þau
„myndu grípa til viðeigandi ráðstaf-
ana” vegna þeirra. Ekki var útskýrt
frekar hverjar þær ráðstafanir yrðu.
Þrátt fyrir viðvaranir Norður-Kór-
eumanna ákváðu japönsk stjórnvöld
í gær að herða þvingunaraðgerðir
sínar gegn þeim og mun meðal ann-
ars innflutningsbann á varningi
taka gildi á föstudag og jafnframt
verður landhelginni lokað fyrir um-
ferð norðurkóreskra skipa.
Bandaríkjamenn vilja að öryggis-
ráð Sameinuðu þjóðanna samþykki
ályktun sem felur í sér alþjóðlegt
eftirlit með milliríkjaviðskiptum
Norður-Kóreu auk viðskiptabanns
á allan varning sem hægt er að nota
til eldflauga- og gereyðingarvopna-
þróunar sem og bann á sölu munað-
arvarnings. Auk þess felur tillaga
Bandaríkjamanna í sér að Norður-
Kóreumenn hætti smíði stýriflauga
og gefi kjarnorkuáætlun sína upp á
bátinn. Bandarísk stjórnvöld vilja
einnig að ályktun öryggisráðsins
byggi á sjöunda kafla stofnsáttmála
Sameinuðu þjóðanna. Slík ályktun
gerir að verkum að öll ríki verða að
framfylgja henni og opnar dyrnar
fyrir hernaðaraðgerðir fari Norður-
Kóreumenn ekki eftir henni.
Tillögur Bandaríkjamanna hafa
tvíþætt markmið: I fyrsta lagi að
þrengja enn að stjórn Kims Jong-il
og í öðru lagi koma í veg fyrir að
Norður-Kórea selji eldflaugatækni
og kjarnorkuvopn til annarra ríkja
eða hryðjuverkahópa. Bandaríkja-
menn útiloka ekki hernaðaraðgerðir
en hafa ítrekað að þeir vilji helst leysa
málið með diplómatískum hætti.
Talið er víst að Bretar og Frakkar
ásamt Japönum styðji þær útfærslur
á þvingunum sem Bandaríkjamenn
hafa lagt fyrir öryggisráðið. Rússar
og Kínverjar hafa fram til þessa
verið andvígir hörðum þvingunarað-
gerðum gegn stjórnvöldum í Pjongj-
ang en stjórnvöld í Moskvu og Peking
hafa ekki sent frá sér skýr skilaboð
um afstöðu sína. Hinsvegar er ljóst
að með kjarnorkutilraunum sínum
hafa Norður-Kóreumenn einangrað
sig frá Kínverjum, eina bandamanni
sínum, og að stjórnvöld í Peking
styðja einhverskonar þvingunarað-
gerðir í refsingarskyni.
Hann er fallegur, hann er góður, hann er hagkvæmur og svo fæst hann í mörgum útgáfum.
Sjálfskiptur og beinskiptur. Með bensínvél eða díselvél. Fjórhjóladrifinn eða framdrifinn. Og verðið er lyginni líkast
...er lífsstill!
Suzuki bílar hf. Skeifunni 17. Sími 568 51 00. wtfíffó/.suzikib
. 1 j i . jtjT B í f 1 A ^
p' 1 Ww '/ in § m\
Verð frá 1.589 þúsJ
Hátt í 700
þúsund fallin
655 þúsund hafa látist frá því að
Bandaríkjamenn réðust inn í Irak
í marsmánuði árið 2003. Það er
mat fræðimanna hjá Johns Hopk-
ins Bloomberg School of Public
Health. Skýrsla þeirra verður birt
í hinu virta læknariti The Lancet
í dag. Þetta er margfalt hærri tala
en áður hafa verið nefndar en
í rannsókninni reyndu fræði-
mennirnir að meta aukningu á
dánartiðni Iraka vegna innrásar-
innar. Rannsóknin er ekki byggð
á talningu fallinna né opinberum
tölum heldur á viðtölum við íraka.
Erfitt hefur verið að henda
reiður á hversu margir óbreyttir
borgarar hafa fallið í landinu
frá því að innrásin var gerð en í
mörgum úttektum eru nefndar
tölur í kringum fimmtíu þúsund.
Rannsókn sérfræðinga Johns
Hopkins byggir á grunni úttektar
sama skóla frá árinu 2004.
Niðurstöður hennar voru birtar
rétt fyrir forsetakosningarnar í
Bandaríkjunum það ár og viður-
kenndi einn stjórnenda hennar
að tímasetningin hafi ekki verið
tilviljun. Því er haldið fram að
tímasetningin nú sé valin vegna
þingkosninga í haust.