blaðið - 23.01.2007, Blaðsíða 14

íWðfsMI
blaðiö
blaði
Útgáfufélag:
Stjórnarformaður:
Ritstjóri:
Fréttastjórar:
Ritstjórnarfulltrúi:
Árog dagurehf.
SigurðurG.Guðjónsson
Trausti Hafliðason
Brynjólfur Þór Guðmundsson og
Gunnhildur Arna Gunnarsdóttir
Elín Albertsdóttir
Sviptingar í
Suðurkj ör dæmi
Það urðu nokkrar sviptingar í stjórnmálunum í Suðurkjördæmi um
helgina. Hjálmar Árnason, þingflokksformaður Framsóknarflokksins, til-
kynnti í kjölfar úrslita í prófkjöri flokksins, að hann væri hættur í stjórn-
málum. Þá er nú nánast öruggt að Árni Johnsen mun skipa annað sætið á
lista sjálfstæðismanna í kjördæminu.
Hjálmar freistaði þess að ná kjöri í efsta sæti listans en til þess hefði
hann þurft að hafa betur í baráttunni við Guðna Ágústsson, varaformann
flokksins. Það er auðvelt að segja það nú en fyrirfram held ég að enginn
nema kannski allra hörðustu stuðningsmenn Hjálmars hafi trúað því að
þetta tækist. Ef það yrði gerð könnun á því hver af núverandi þingmönnum
flokksins væri mesti framsóknarmaðurinn myndu sjálfsagt flestir nefna
Guðna Ágústsson. Guðni er að mörgu leyti holdgervingur Framsóknar-
flokksins og hann veit það. Hann vildi líka verða formaður en lét undan
þrýstingi samflokksmanna sinna um að flokkurinn þyrfti nýja ásýnd.
En misreiknaði Hjálmar styrk Guðna? Nei, varla. Hjálmari hefur líklega
fundist að eftir tólf ár á þingi þyrfti hann að taka næsta skref. Að hann
hefði engu að tapa. í öll þessi tólf ár hefur Framsókn verið í ríkisstjórn en
Hjálmar er einn fárra þingmanna flokksins sem aldrei hefur fengið ráð-
herrastól. Það hefur vafalaust truflað hann og átt sinn þátt í að ýta honum
út í þessa baráttu.
Suðurnesjamenn fóru hallloka í prófkjörum Samfylkingarinnar og Sjálf-
stæðisflokksins í Suðurkjördæmi fyrir áramót. Sagan er nú að endurtaka
sig hjá Framsóknarflokknum. Á meðal sex efstu í prófkjörinu var Hjálmar
sá eini af Reykjanesi. Spurningin er nú hvað framsóknarmenn hyggjast
gera eftir að Hjálmar afþakkaði þriðja sæti listans. Eygló Harðardóttir,
framkvæmdastjóri í Vestmannaeyjum, hafnaði í fjórða sæti listans, en það
er alls ekki sjálfgefið að hún færist upp í það þriðja. Samfylkingarmenn
ákváðu að setja Keflvíkinginn Guðnýju Hrund Karlsdóttur, fyrrverandi
sveitarstjóra á Raufarhöfn, í fjórða sætið á sínum lista eftir að Ragnheiður
Hergeirsdóttir dró sig út af listanum til að sinna bæjarstjóraembættinu í
Árborg. Meðal framsóknarmanna er Petrína Baldursdóttir, bæjarfulltrúi
í Grindavík, nú nefnd sem fýsilegur kostur í þriðja sætið.
Eftir að Árni Johnsen náði öðru sæti á lista Sjálfstæðisflokksins í Suður-
kjördæmi urðu töluverðar umræður um það hvort hann fengi að halda sæt-
inu. Um helgina gerðist það að kjördæmisráð flokksins í Suðurkjördæmi
samþykkti tillögu kjörnefndar um uppstillingu listans. Samkvæmt henni
skipar Árni annað sætið. Það eru samt greinilega ekki allir sammála því
að Árni eigi sætið skilið því á fundi kjördæmisráðsins var borin upp til-
laga sem fól meðal annars í sér að Árna yrði vikið af listanum. Tillagan var
felld með 80 prósentum atkvæða. Nú þarf miðstjórn flokksins aðeins að
samþykkja listann og þá er Árni svo gott sem kominn á þing.
Trausti Hafliðason
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
Fyrsta fíokks
íslenskur harðfískur
GULLFISKUR
HOLLUSTA í HVERJUM BITA
14
ÞRIÐJUDAGUR 23. JANÚAR 2007
felerxstor (Hn^koaur sýrva <3AUP/'ARABÍSKU/V|
VCorxonv, setív Kafa Vtcií ksndfekn^r Ttjtir
kldL^ turí, >tilkl^ik<}3 Virítnjiír'
Beint lýðræði -
ný kjördæmaskipan
Við jafnaðarmenn höfum lengi
barist fyrir bættu og raunverulegu
lýðræði. Lýðræði sem felst í því að
almenningur kjósi beint um stærstu
málin sem mestu skipta og nýrri
skipan kjördæma.
Timi fulltrúalýðræðis er liðinn.
Samskipti, samgöngur og upplýs-
ingatæknin gerir beint lýðræði ekki
bara að kosti heldur kallar á stór
skref í þá átt. Þá er núverandi kjör-
dæmaskipan misheppnuð og henni
á að breyta strax að mínu mati.
Þessu hefur Morgunblaðið
einnig barist fyrir um árabil ásamt
kempum á borð við Jóhönnu Sigurð-
ardóttur og Össur Skarphéðinsson,
þingmenn með meiru. Þá tók Reykj-
avíkurlistinn stórt skref í þessa átt
þegar Ingibjörg Sólrún Gísladóttir,
þáverandi borgarstjóri, boðaði til
almennrar kosningar um framtíð
flugvallar í Vatnsmýri.
Kosið í Firðinum
Ibúakosningin í Hafnarfirði um
stækkun álversins í Straumsvík er
stórt og stefnumarkandi skref í átt
að betra og raunverulegra lýðræði.
Nú stígur bæjarstjórnarmeirihluti
Samfylkingarinnar í Hafnarfirði
þetta mikilvæga skref og leiðir til
lykta stórt mál sem alla snertir með
milliliðalausri kosningu fólksins í
Firðinum. Það er lofsvert pólitískt
framtak sem skiptir miklu máli í
baráttu fyrir betra og öflugra lýð-
ræði í landinu.
íbúakosningin í Hafnarfirði ætti
að vera stefnumarkandi fyrir ríki
og sveitarfélög um að fólkið fái að
kjósa beint og milliliðalaust um
stærstu málin í samtíma sínum
og umhverfi. En sumir stjórnmála-
menn óttast ekkert meira en beina
aðkomu fólksins.
Kjósum um Helguvík
Einn þeirra er Árni Sigfússon, bæj-
arstjóri í Reykjanesbæ. Hann hafnar
afdráttarlaust tillögu Sólar á Suður-
nesjum um íbúakosningu um bygg-
ingu álvers í Helguvík og virkjana í
tengslum við það.
Þetta gerir Árni bæjarstjóri án
Björgvin G. Sigurðsson
rökstuðnings og án þess að ljá máls
á því. Af hverju ekki að taka það til
athugunar? Hvað er að óttast, Árni,
í beinum dómi fólksins? Veit ekki,
svei mér þá.
Rökin fyrir slíkri kosningu blasa
við. Samt segir Árni nei. Eg skora
hér með á bæjarstjórann að taka
málið til endurskoðunar. Það er
ekkert að óttast og dómurinn um
stærstu málin er best kominn hjá
fólkinu sjálfu.
Beint lýðræði er gróin og rík
hefð i nokkrum löndum. Fremst
eru nokkur fylki Bandaríkjanna og
Sviss. Þá er það stjórnarskrárbund-
inn réttur fólksins að geta kallað
stór mál í beina atkvæðagreiðslu á
öðrum Norðurlöndum en á Islandi.
Tiltekinn hluti kjósenda, 25% t.d.,
geti krafist almennrar atkvæða-
greiðslu um tiltekið mál. Þessu hefur
Samfylkingin barist fyrir um árabil.
Þetta eigum við að taka upp
í okkar stjórnarskrá. Fyrir því
höfum við mörg barist innan
Samfylkingarinnar.
Breytt kjördæmaskipan
Hitt stóra verkefnið í lýðræðis-
málum er að breyta kjördæmaskip-
aninni aftur. Annað hvort þarf að
gera landið að einu kjördæmi eða
minnka kjördæmin verulega. Lítil,
þriggja manna kjördæmi t.d. ásamt
landslista er kostur sem kemur til
greina eins og landið eitt kjördæmi
með persónuvali á kjördag. Það er
hið gamla baráttumál okkar jafn-
aðarmanna. Héðinn Valdimarsson
flutti fyrstur þá tillögu á Alþingi árið
1927 og Guðmundur Árni Stefánsson
nokkrum sinnum síðan. Einn maður,
eitt atkvæði eru mannréttindi sagði
Héðinn. Af þeim gefum við ekki af-
slátt. Það er útgangspunkturinn í
málinu og hann er sígildur og leiðar-
ljós okkar enn í dag.
Það koma nokkrar leiðir til greina.
Mestu skiptir að efla lýðræðið og
gera það virkara. Núverandi kjör-
dæmaskipan er afleit. Þingmenn
eru fjarlægir fólkinu og því eigum
við sem allra fyrst að breyta henni
aftur. Það á að vera eitt af stóru
málum komandi kosninga. Að bæta
lýðræðið í landinu með ýmsum
hætti.
Höfundur er þingmaður
Samfylkingarinnar i Suðurkjördæmi
Klippt & skorið
Enginn er fullkominn. Allir geta gert
mistök. Auðvitað á ekki að gera grín að
mistökum. Jafnvel hægtað benda á ein-
staka villu hér. Sumar villur
eruhins vegar einfaldlega
kostulegri en aðrar. Á
síðu 11 í íþróttakálfi Morg-
unblaðsins stendur i fyrir-
sögn „Shag" er ekki leik-
fær. Þarerátt viðameríska
körfuknattleiksmanninn
Shaquille 0'Neal, sem oft er nefndur Shaq.
Spurning hvort hann hafi fengið sér „shag",
eða einn drátt, og sé þvi alls ekki vinnufær.
R
itúal sunnudagsins felur líka í sér
að horfa með öðru á Silfur Egils,"
ritar samfylkingarþingmaðurinn
Össur Skarphéð-
insson á heimasíðu
sína. „Pistlar Egils eru
stundum áhugaverðir,
stundum ekki. Ég er
alltaf jafn undrandi
á því hvað honum
tekst að gera lítið úr
starfi stjórnmálamanna. Ég spái því samt að
hann verði kominn í framboð um þarnæstu
þingkosningar því ailt fas hans og hjal í þátt-
unum beinlfnis geislar
af óstjórnlegri löngun
til að verða einn af oss.
Allir þáttastjórnendur
eru fullir af þannig dag-
draumum," ritar Össur
umEgil Helgason.
Og á Alþingi var rætt um Kompásþátt,
þar sem barnaníðingur setti sig í
sambandi við það
sem hann hélt að væri 13
áradrengurog stúlka með
kynferðissamband í huga.
Björn Bjarnason, dóms-
og kirkjumálaráðherra, var
spurður hvernig stæði á
því að svo helsjúkur maður
væri á vistheimilinu Vernd, fyrir fanga í lok
afplánunar. Björn svaraði að bragði að vafa-
laust yrði birt um það skýrsla. Skýrslur hafa
ekki alltaf leyst vandann. Svarta skýrslan um
Byrgið árið 2001 var í það minnsta stimpluð
sem trúnaðargagn og hvarf.
gag@bladid.net