blaðið - 24.02.2007, Blaðsíða 43

blaðið
LAUGARDAGUR 24. FEBRÚAR 2007 43
UM HELGINA
Tómasarmessa
Áhugahópur um Tómas-
armessur efnir til fimmtu
messunnar á þessum vetri
í Breiðholtskirkju í Mjódd á
morgun, sunnudag, kl. 20.
Tómasarmessan einkennist af
fjölbreyttum söng og tónlist
auk þess sem áhersla er lögð
á fyrirbænarþjónustu og virka
þátttöku leikmanna.
Einn fremsti djasstrommari Evrópu
Danski djasstrommuleikarinn Al-
ex Riel kemur fram ásamt tríói sínu
á tíu ára afmælistónleikum Jazz-
klúbbsins Múlans á veitingastaðn-
um Domo í kvöld kl. 21. Riel hefur
leikið með mörgum af goðum djass-
sögunnar í gegnum tíðina auk þess
sem hann var fyrsti trommuleikari
dönsku rokksveitarinnar Savage
Rose sem margir af 68-kynslóðinni
muna vel eftir.
„Þetta er örugglega eitt af stærstu
nöfnunum í evrópska djassinum
og hefur spilað með öllum helstu
stjörnunum í djassheiminum í dag.
Þeir eru stoltir af honum Danirnir,"
segir Ólafur Jónsson stjórnarmað-
ur í Múlanum og bætir við að Riel
sé enn í góðu formi þrátt fyrir að
vera kominn á sjötugsaldur enda ný-
kvæntur og sæll.
Gengur í bylgjum
Fyrstu tónleikar á vegum Jazz-
klúbbsins Múlans voru haldnir í
febrúar árið 1997 og fagnar hann
því tíu ára afmæli um þessar mund-
ir. Ólafur segir að áhugi almennings
á djasstónlist hafi gengið í svolitlum
bylgjum á þeim tíma sem klúbbur-
inn hefur starfað.
„Áhuginn hefur líklega náð há-
marki á fyrstu tveimur eða þrem-
ur árum klúbbsins og síðan dalaði
hann en er að koma aftur upp núna.
Ástandið er alveg ásættanlegt núna.
Það er mikið af ungum spilurum
komnir fram sem margir hverjir
hafa verið að koma heim úr námi
á undanförnum árum og þeir hafa
sett sinn stimpil á þetta líka,“ segir
hann.
Djass á fimmtudögum
Á fimmtudaginn hófst ný tón-
leikaröð Múlans sem stendur fram í
miðjan júní. Tónleikarnir fara alltaf
fram á fimmtudögum og verða þeir
alls 16 talsins. Tónleikar Múlans
fara fram á veitingastaðnum Domo
í Þingholtsstræti.
Fjalakötturinn hefur
sýningar
Kvikmyndaklúbburinn Fjalakött-
urinn hefur reglulegar sýningar í
Tjarnarbíói um helgina. Sýndar
verða tvær rússneskar myndir,
tvær myndir með James Dean
og ný þýsk mynd Dauðinn á
ferð verður sýnd á morgun
kl. 17:15, Harðjaxl kl. 19:15 og
Syndir feðranna kl. 21:15.
Mannsbarn i
MÍR-salnum
Kvikmyndin Mannsbarn eftir
Janis Streics verður sýnd í
MÍR-salnum á Hverfisgötu
105 á morgun sunnudag kl. 15.
Myndin fjallar um daglegt líf í
sveitum Lettlands á árunum
milli heimsstyrjaldanna og
hvaða augum ungur drengur
lítur tilveruna. Aðgangur er
ókeypis.
Hreyfing
jarðskorpunnar
Seiga ísland: Hvernig hreyfist
jarðskorpan? er yfirskrift fyrir-
lesturs Freysteins Sigmunds-
sonar hjá Jarðvísindastofnun
Háskóla íslands sem hann
heldur í Öskju - Náttúrufræða-
húsi Háskóla íslands í dag kl.
14. Fyrirlesturinn er liður í fyrir-
lestrarröð raunvísindadeildar HÍ,
Undur veraldar, sem haldin er í
tilefni af ári jarðarinnar 2008.
Sýning um Charcot
Viðamikil sýning um ævi og
starf franska heimskautafarans,
leiðangursstjórans og læknisins
Jean-Babtiste Charcot verður
opnuð í Háskólasetri Suður-
nesja i Sandgerði á morgun,
sunnudag, kl. 14. Sýningin
verður opin daglega frá klukkan
9-17 að Garðvegi 1 í Sandgerði.
Ljósmyndasýning í
Grindavik
Olgeir Andrésson opnar einka-
sýningu á Ijósmyndum í Saltfisk-
setrinu í Grindavík í dag. Þetta
erfyrsta einkasýning Olgeirs en
áður hefur hann sýnt með Ljós-
opi félagi áhugaljósmyndara.
Listamannaspjall
Eygló Harðardóttir myndlistar-
maður leiðir gesti um sýningu
sína í Listasafni ASÍ á morgun
kl. 15. Þetta er jafnframt síðasti
sýningardagur.
Leiðsögn í
Ásmundarsafni
Ólöf Kristín Sigurðardóttir
verður með leiðsögn um sýn-
inguna Ásmundur Sveinsson
- Maður og efni í Ásmundarsafni
á morgun, sunnudag, kl. 14.
Hver er staðan
á mér í dag?
„Ég stýri mínum fjármálum sjálfmeð Netdreifingu
í netbanka Kaupþings og veit því alltaf hvernig ég
stend. Ég borga alltaf sömu upphæð í hverjum
mánuði og spara þjónustu- og vaxtagjöld í leiðinni. "*
Kynntu þér málið á kaupthing.is eða
í þjónustuveri bankans í síma 444 7000.
KAUPÞIN G
'Netdreifingin er
meðhærri innlánsvexti og lægri yfirdráttarvexti
en hefðbundin útgjaldadreifing. Auk þess er ekkert stofngjald, mánaðargjald, endurnýjunargjald eða breytingargjald.