blaðið - 06.06.2007, Page 10

24' SUMARIÐ
MIÐVIKUDAGUR 6. JÚNÍ 2007 blaöiö
/ Tj',) , / J~,) JTT
^ s- r t-J
grjc í:
» w
ir<
Fegrar
og oætir
garðinn
Þú ferð allskonar grjót
hjá okkur, sand og
sérstakan sand
í sandkassann.
Við mokum efninu
á bíla eða kerrur og
við afgreiðum líka sand
í sterkum plastpokum,
sem þú getur sett
í skottið á bílnum
þínum.
Sími: 563 5600

BJÖRGUN HF.
SÆVARHÖFÐA 33
Afgreiðslan er opin:
Mánud. - fímmtud. 7.30 - 18.30,
föstud. 7.30 - 18.00, laugard. 8.00 - 16.00.
Opið í hádeginu nema á laugardögum.

Fyrsti skrúðgarður
íslendinga
Alþingisgarðurinn er fyrsti opin-
beri skrúðgarður Islendinga. Seint
á nítjándu öld tóku alþingismenn
ákvörðun um að gera skyldi fal-
legan garð fyrir aftan Alþingishús ís-
lendinga. Margir af máttarstólpum
íslensks þjóðfélags komu að gerð
garðsins og var mönnum mikið
í mun að hafa hann sem glæsileg-
astan. Tekist hefur að halda garð-
inum nánast í sínu upprunalega
horfi og er garðurinn einn af glæsi-
legustu görðum landsins.
Árið 1893 samþykkti Alþingi að
verja 1500 krónum sem safnast
höfðu í húsbyggingasjóð til skipu-
lags lóðar og garðyrkju við húsið.
Benedikt Sveinsson var forseti sam-
einaðs Alþingis og fól hann Tryggva
Gunnarssyni, alþingismanni
og bankastjóra, að sjá um fram-
kvæmdir í garðinum.
Ekkert var til sparað við gerð
garðsins og fór kostnaður langt
fram úr upphaflegri áætlun.
Tryggvi borgaði það sem upp á
vantaði, en að lokum var samþykkt
að veita meira fé til þess að garður-
inn yrði sem glæsilegastur. Kostn-
aður við gerð garðsins var því 3700
krónur.
Tryggvi lét skipta um jarðveg í
garðinum áður en hann hófst handa
við að gróðursetja, plönturnar sem
hann pantaði innanlands og utan.
Hann fékk birki úr Fnjóskadal, ilm-
reyr úr Hörgárdal, reynivið úr Naut-
húsagili undir Vestur-Eyjafjöllum,
mjaðjurt úr Gufunesi og birki úr
Hafnarfjarðarhrauni. Tryggvi
flutti víðitegund inn til landsins og
dregur hún íslenskt heiti sitt af garð-
inum og er kölluð þingvíðir.
Margir lögðu hönd á plóginn við
gerð garðsins. Árni Thorsteinsson
og Schierbeck landlæknir hjálpuðu
til við að panta fræ og plöntur fyrir
garðinn. Einungis eitt gráreynitré
stendur nú í garðinum af uppruna-
legu trjánum.
Garðurinn var girtur af með
hlöðnum steinveggjum og var Ól-
afur Sigurðsson steinhöggvari feng-
inn til verksins. Veggurinn sem snýr
að Dómkirkjunni er vandaður og
prýða hann steinsúlur. Aðrir veggir
voru ekki eins vandaðir, enda sneru
þeir ekki að opnum svæðum eins
og nú. Einn af hlöðnu veggjunum
hefur verið opnaður með léttu
grindverki svo hægt sé að ganga í
gegnum garðinn. Gert hefur verið
við aðra veggi og þeim haldið í upp-
runalegri mynd. Ekki hefur verið
hróflað við steinveggnum sem snýr
að Templarasundi.
Tryggvi Gunnarsson eyddi
miklum tíma í garðinn og hélt
honum við þangað til hann lést.
Tryggvi er jarðsettur í garðinum að
eigin ósk og var garðurinn vígður
sem heimagrafreitur til að verða við
ósk hans. Tryggvi hvílir undir stein-
hæð syðst í garðinum. Leiðið hans er
prýtt íslenskum blómum og grösum.
Ríkharður Jónsson myndhöggvari
gerði brjóstmynd af Tryggva og
stendur hún yfir leiðinu hans.
Fyrstu tillöguuppdrættir að garð-
inum voru unnir af Árna Thorsten-
sen og þær tillögur eru varðveittar
í Þjóðskjalasafninu. Teikningarnar
og tillögurnar sem unnið var eftir
eru taldar hafa verið hannaðar af
Tryggva sjálfum og má sjá rithönd
hans á skjölunum sem eru varðveitt
í skjalasafni Seðlabankans.