blaðið - 30.06.2007, Side 14

14
LAUGARDAGUR 30. JÚNÍ 2007
blaðió
Tréstigar
Sumarhúsastigar á lager
Fura - Beyki - Eik
Breiddir 55-65-70-82-90cm
Handlistar - trépíralar
Premium með handriði 28.900-.
Cottage með beygju 82.000-
TradiEco lokuð þrep 107.800-
STIBALABERINN
www.stigalagerinn.is - Dalbrekku 26 - s 5641890
blaði
Útgáfufélag:
Ritstjóri:
Fréttastjórar:
Ritstjórnarfulltrúi:
Ár og dagurehf.
Ólafur Þ. Stephensen
Gunnhildur Arna Gunnarsdóttir
Þröstur Emilsson
Elin Albertsdóttir
Lóð á vogarskálar
umburðarlyndis
Félag múslíma á Islandi hefur beðið eftir lóð undir mosku í Reykjavík
í nærri átta ár. Blaðið greindi frá því í fyrradag að biðlund félagsmanna,
sem eru nú hátt á fjórða hundrað og hefur fjölgað hratt, væri á þrotum.
Eftir átta ára ferli hjá borgaryfirvöldum er málið enn á byrjunarreit.
Salmann Tamimi, formaður Félags múslíma, segir að um mismunun
sé að ræða gagnvart þeim, enda hafi gengið betur fyrir önnur trúfélög að
fá vilyrði fyrir lóðum í borginni. Núverandi húsnæði við Ármúla sé löngu
sprungið utan af starfseminni. „Við höfum ekki einu sinni aðstöðu til gift-
inga eða jarðarfara. Þetta þarf ekki að vera svona,“ segir Salmann.
Jón Kristinn Snæhólm, aðstoðarmaður borgarstjóra, segir hins vegar
í frétt Blaðsins að múslímum sé ekki mismunað; málið sé í vinnslu í
,rólegheitum“.
Engin ástæða er til að ætla að borgaryfirvöld þvælist vísvitandi fyrir
umsókn múslíma um lóð undir mosku. En það er engu að síður óheppi-
legt, hversu lengi það hefur dregizt að afgreiða hana. Isamfélagi þar sem
trúfrelsi ríkir og trúfélögum fjölgar, ekki sízt trúfélögum sem ekki til-
heyra kristindóminum, skiptir máli að þau sitji öll við sama borð. Það
má ekki líta út fyrir að minnihlutahópar séu aftar í forgangsröðinni en
meirihlutinn.
Kristnar kirkjur standa velflestar á glæsilegum lóðum í Reykjavík. Kaþ-
ólska dómkirkjan stendur til dæmis á einum allra bezta stað í borginni,
á Landakotshæð, og sést víða að. Það hafa margir litið á sem ánægjulegt
tákn um góða sambúð ólíkra kristinna kirkjudeilda í borginni. Auðvitað á
moska múslíma líka að fá glæsilega lóð á góðum stað.
Víða í nágrannalöndunum standa moskur á eftirsóttum lóðum. Aðal-
moskan í London í Regent’s Park er sjálfsagt þekktasta og nærtækasta
dæmið. Þar fékk guðshús og menningarmiðstöð minnihlutahóps inni í
vinsælum almenningsgarði í hjarta borgarinnar.
Friðsamleg sambúð trúarbragða hefur sjaldan verið mikilvægari en
nú á tímum. Víða er reynt að ala á hatri milli trúarhópa og það hefur
stundum tekizt vel, með dapurlegum afleiðingum. Við eigum ekki að láta
slíkt henda okkur hér á landi, heldur læra af reynslu annarra og reyna eins
og við getum að stuðla að vinsamlegum samskiptum og umburðarlyndi í
garð ólíkra trúarbragða.
Bygging mosku í Reykjavík er liður í því. Borgaryfirvöld í Reykjavík
eiga að útvega múslímum - og öðrum trúfélögum sem þess óska - góðan
stað fyrir starfsemi sína. Það væri lóð á vogarskálar umburðarlyndis í sam-
félagi, sem verður æ fjölbreytilegra.
Ólafur Þ. Stephensen
Auglýsingastjóri: Steinn Kári Ragnarsson Ritstjórn & auglýsingan Hádegismóum 2,110 Reykjavík
Aöalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
JINTIK,
Skattaafslátt á landsbyggðina
Ibúi á Langanesi nyrðra nýtur
margháttaðrar þjónustu ríkisvalds-
ins í gegnum menntakerfi, heil-
brigðisþjónustu, löggæslu og svo
mætti áfram telja. Ibúi í Laugarnesi
í Reykjavík nýtur alls hins sama en
hefur auk þess greiðan og daglegan
aðgang að allri stjórnsýslu og margs
konar þjónustu sem Langnesingur-
inn getur í engu notið nema leggja
á sig ferðalag fyrir tugi þúsunda.
Báðir eru þegnar íslenska ríkisins.
Það er umhugsunarefni hvort
samband allra við ríkisvaldið sé
sambærilegt. Skattar eru vitaskuld
lagðir á okkur eftir efnahag og um
þá grundvallarreglu er ekki ágrein-
ingur. En getur verið að skattar
eigi hreinlega að vera mismunandi
eftir búsetu?
Ríkisvaldið togar okkur suður
Tveir þriðju hlutar þjóðarinnar
búa á höfuðborgarsvæðinu en þar
eru um eða yfir 90% af öllum um-
svifum ríkisvaldsins þannig að
ekki þarf raunar að efast um að
ríkið með athöfnum sínum stuðlar
að því að draga byggðina að einum
stað við Faxaflóa. Góður helm-
ingur af launatekjum einstaklinga
rennur í ríkissjóð í gegnum tekju-
skatt og óbeina skatta. Þessum pen-
ingum er varið til verkefna sem
eru að langstærstum hluta bundin
suðvesturhorninu og koma sér vel
fyrir þá sem þar dvelja. Það hlýtur
að orka tvímælis að allir greiði
jafnt í sjóði sem einkanlega eru not-
aðír í einu byggðarlagi.
Nú eru margar hendur á lofti
meðal lesenda sem muna margir
að jafnt fer nú í landbúnaðinn og
feðraorlof, að dýrir vegir eru lagðir
út um landsins byggðir fyrir rík-
isfé, að varðskip siglir kringum
landið o.s.frv. o.s.frv. En þó allt
þetta sé talið dugar það ekki til
að jöfnuður ríki. Vegir eru lagðir
fyrir alla landsmenn og jafnt þarf
veg um Öræfin eða Dalina þó að
það takist að eyða byggðinni þar
Bjarni Harðarson
enda vegir einkanlega gerðir fyrir
þá sem eru á ferðinni og eru þeir
kallaðir ferðamenn. Landbúnaður
er stundaður um allt land og stór
hluti af afleiddum störfum vegna
hans er á höfuðborgarsvæðinu.
Eftir stendur að ríkisvaldið byggir
sína starfsemi einkanlega upp á höf-
uðborgarsvæðinu og síðan fáeinum
öðrum vaxtarsvæðum á landinu,
s.s. Selfossi og Akureyri.
Ódýrara en fyrirtækjasósíalisminn
Undirritaður hefur um nokk-
urt skeið haldið fram gildi þess
að íslendingar fari svipaða leið og
Norðmenn í því að lækka skatta og
álögur á fólk sem sest að í hinum
dreifðari og afskekktari byggðum.
Málinu hefur verið hreyft á flokks-
þingum Framsóknarflokksins
og nú í vikunni var frá því sagt í
fréttum RÚV að Kristinn H. Gunn-
arsson alþingismaður (nú fyrir
Frjálslynda) héldi sömu skoðunum
á íofti. Því ber að fagna og það er
mikilvægt að um málið skapist
virk umræða þannig að nái megi
sátt í stað þess að það lendi í flokks-
pólitískum átökum.
Islendingar hafa í áratugi reynt
að rétta við hag landsbyggðar-
innar með fjölbreytilegum fyr-
irtækjasósíalisma. Styrkjum og
niðurgreiddu lánsfé hefur þá verið
beint til vaxtarsprota á landsbyggð-
inni og þess eru dæmi að það hafi
skilað árangri en langmest af því fé
hefur farið forgörðum. Og til verk-
efna af þessu tagi hafa farið stórar
fjárhæðir. Ef til vill má ná mun
meiri árangri fyrir minna fé með
almennum gegnsæjum aðgerðum í
gegnum skattkerfið sem allir íbúar
á tilteknum jaðarsvæðum hafa
jafnan aðgang að.
Þó að það gangi þvert á pólit-
ískan rétttrúnað bind ég miklar
vonir við byggðaráðherra nýrrar
ríkisstjórnar, Ossur Skarphéðins-
son. Ég hefi þegar skorað á hann úr
ræðustól Alþingis að skoða þessa
leið til jöfnunar í byggð landsins og
endurtek þá áskorun - og nú með
bessaleyfi frá okkur báðum, mér
og Kristni H. Gunnarssyni!
Höfundur er alþingismaður
KLIPPT 0G SK0RIÐ
Olíkt hafast mennirnir að. Á
meðan Jóhanna Sigurðar-
dóttir, ráðherra félagsmála,
sætir gagnrýni vegna ráðningar
Hrannars Árnarssonar, fyrrum
kosningastjóra síns, í embætti
aðstoðarmanns þá spilar sam-
flokksmaður hennar, Björgvin
G. Sigurðsson
viðskiptaráð-
herra upp á
örugga slemmu.
Björgvin hefur
tekið sér góðan
tíma í leit að
aðstoðarmanni
og hefur nú fundið þann rétta. Sá
heitir Jón Þór Sturluson, dósent
og forstöðumaður meistaranáms
í viðskiptafræði við Háskólann
í Reykjavík, og situr að auki í
bankaráði Seðlabankans. Jón Þór
er með doktorspróf í hagfræði frá
Stokkhólmsháskóla og hefur ekki,
eftir því sem næst verður komist,
stýrt kosningabaráttu Björgvins
eða annarra Samfylkingarmanna.
ennirnir hafa marga lesti
skrifuðu pennar Vefþjóð-
viljans fyrir nokkru og
vildu þar með minna á að það er
himinn og haf milli lasta og glæpa.
Frjálslynt fólk lítur svo á, að lesti
sína eigi menn við sjálfa sig en
þurfi ekki að standa öðru fólki
skil á þeim. Þetta er rifjað upp
um leið og réttað er yfir Geira á
Godfinger vegna brota á lögreglu-
samþykktum Kópavogs. Það voru
nefnilega lestir mannanna sem
urðu til þess að Geiri var ákærður,
þörfin fyrir að horfa á hálfnakið
kvenfólk skaka sér. Geiri og
lögmaður hans gera allt hvað
þeir geta til að sannfæra dóminn
um að umræddur löstur sé ekki
glæpur og veifuðu í réttarsalnum
samnefndri
bók eftir banda-
ríska ævintýra-
manninn og
.hugsuðinn Lys-
ander Spooner.
I bókinni má
lesaum leiftr-
andi snarpa málsvörn þeirra sem
stunda lesti sína án þess að valda
öðrum skaða, og undir það falla
nektardansarar og viðskiptavinir
þeirra, að mati Geira og lögmanns
hans.
the@bladid.net