blaðið - 30.06.2007, Side 36

ÍÞRÓTTIR
ihrottir@bladid.net
LAUGARDAGUR 30. JÚNÍ 2007
Ég held að Oden eigi ekki eftir
að standa undir væntingum sem
einhver ofurstjarna en hann á eftir
að verða traustur miðvörður
blaöiö
SKEYTIN INN
Tottenham
hefurtryggt
sér enska
landsliðsframherj-
ann Darren Bent
fráCharltonfyrir
17 milljónir punda.
Aldrei áður hefur Tottenham greitt
jafnháa upphæð fyrir leikmann.
Bent skrifaði undir sex ára samning
hjá félaginu. Tilkoma Bents eykur
enn á óvissu með framtíð Jermain
Defoe hjá félaginu, þar sem hann
færist aftar í goggunarröðina.
England á
enga framtíð
fyrir sér í
knattspyrnu ef
ekki verður tekið
í taumana. Þetta
er álit Enska knatt-
spyrnusambandsins sem sett hefur
á laggirnar langtímaverkefni til
að byggja upp boltatækni yngstu
aldurshópanna. Alls koma 66 þjálf-
arar að verkefninu. Um ein milljón
barna á aldrinum 5 til 11 ára nýtur
góðs af verkefninu næstu þijú árin.
David Moyes,
knatt-
spyrnustjóri
Everton, er í
skýjunum þessa
dagana.Tveiraf
máttarstólpum liðs-
ins, Tim Cahill og Mikel Arteta,
hafa báðir samþykkt að undirrita
fimm ára samning hjá félaginu.
Arteta átti frábært tímabil í vetur
og var valinn leikmaður ársins hjá
félaginu. Var hann meðal annars
orðaður við nokkur stórhð á Spáni.
T\ afael Benítez,
1-^ knattspyrnu-
XVstjóri Liverpo-
ol, er stórhuga
í undirbúningi
sínum fyrir næsta
leiktímabil. Hann
er sagður vera við það að klófesta
einn eftirsóttasta leikmann Evrópu,
spánska framherjann Fernando
Torres. Hann er þó ekki ókeypis
þvf Liverpool þarf að punga út 27
milljónum punda fyrir kappann.
Svo gæti farið að miðjumaðurinn
Luís Garcia fari í hina áttina.
Eiður Smári
Guðjohnsen
er mikið á
milli tannanna
á fjölmiðlum í
Bretlandi um þessar
mundir. Þrátt fyrir
að hafa haldið því fram að hann vilji
vera áfram í herbúðum Barcelona,
hefur hann ítrekað verið orðaður við
Manchester United. Nú er Newcastle
komið inn i myndina og er Sam
AUardyce sagður vera í Barcelona
að ganga frá samningum um kaup
á stráknum okkar. Allardyce hyggst
taka tvo fyrir einn-tilboðinu, því
hann hefur þegar fengið samþykkt
tilboð í Brasilíumanninn Edmilson.
rautaganga
Djibrill Cissé
hjá Liverpool
er líkast til á enda
því ffanska félagið
Marseillevillkaupa
hann á fjórar millj-
ónir punda. Liverpool keypti Cissé á
14 milljónir punda frá Auxerre árið
2004 og afskriftirnar því verulegar.
Forráðamenn Chelsea hafa gefið
það út að Arjen Robben fari
hvergi. Hollendingurinn knái
hefur verið orðaður við stórlið í
Evrópu og Real Madrid er eitt þeirra.
Eftir frábært tímabil í hittifyrra hef-
ur Robben verið þjakaður af meiðsl-
um og ekki náð að sýna sitt besta.
Fátt um f ína
drætti í NBA
Greg Oden valinn fyrstur í nýliðavali NBA Seattle skipti á
Ray Allen fyrir 5. valrétt ■ Enginn slagur um leikmennina
Eftir Magnús Geir Eyjólfsson
magnus@bladid.net
Nýliðaval NBA-deildarinnar fór
fram í fyrrinótt. Sérfræðingar vest-
anhafs eru almennt á þeirri skoðun
að fáir feitir bitar hafi verið í boði,
alla vega eru ekki stórstjörnur á
borð við Shaquille O’Neal, LeBron
James og Kobe Bryant í kortunum
þetta árið.
Benedikt Guðmundsson, þjálf-
ari íslandsmeistara KR og sérlegur
áhugamaður um NBA, tekur undir
þetta að mörgu leyti. „Það er eng-
inn sem vitað er að verði frábær og
það var ekki slagur um neinn ákveð-
inn leikmann. En það eru alltaf ein-
hverjir sem koma á óvart. Það bjóst
til dæmis enginn við að Dwyane
Wade yrði þessi súperstjarna sem
hann er.“
Portland Trailblazers átti fyrsta
valrétt í ár og varð miðherji að nafni
Greg Oden fyrir valinu. Sjálfur segir
Benedikt að hann hefði frekar valið
Kevin Durant sem þykir betri al-
hliða leikmaður. Er þá spurning
NÝLIÐAVAL NBA
Nýliðavalið fer fram á hverju
sumri og þar geta liðin valið
úr leikmönnum sem náð
hafa 19 ára aldri.
í flestum tilfellum koma
leikmenn úr bandarískum
háskólum. Undanfarin ár
hefur það færst í vöxt að
leikmenn úrframhaldsskól-
um séu valdir.
>
Sífellt fleiri erlendir leik-
menn taka þátt í nýliðaval-
inu. Þeir voru 10 talsins í ár.
hvort Portland gangi í sömu gildru
og árið 1984 þegar liðið tók Sam
Bowie fram yfir Michael Jordan,
ákvörðun sem forráðamenn liðsins
naga sig enn í handarbökin fyrir.
„Eg held að Oden eigi ekki eftir að
standa undir væntingum sem ein-
hver ofurstjarna en hann á eftir að
verða traustur miðvörður. Hann er
ekki búinn að sannfæra mig ennþá.
Hann fór langt á því í háskólabolt-
anum að vera fullþroskaður karl-
maður að spila við unglinga. Svo
fer hann að mæta jafnvel hærri og
sterkari mönnum, þá fer að reyna
á tæknilegu hliðina á honum sem
mér sýnist vera takmörkuð. En
hann er ungur og á eftir að læra hell-
ing,“ segir Benedikt. „Durant hefur
meiri möguleika á að verða stjarna
ef hann springur út. Hann er ungur,
með mikið vopnabúr og góður al-
hliða leikmaður."
Benedikt segir fátt hafa komið sér
á óvart í valinu. Einna helst hafi það
verið skiptin sem Boston Celtics og
Seattle Supersonics viðhöfðu eftir
dráttinn. Þá fór Ray Allen til Boston
í skiptum fyrir Jeff Green, sem val-
inn var fimmti í fyrstu umferð í ár,
ásamt fleiri leikmönnum. „Það er
greinilegt að Seattle er að byggja
upp frá grunni á meðan Boston
hefur meiri áhyggjur af morgundeg-
inum. Svo er líka athyglisvert að
Chicago velur varnarsinnaðan leik-
mann enn eitt árið. Þar á greinilega
að byggja á varnarleiknum.“
e 1. val
GREG ODEN
Portland Trailblazers
19 ára
Miðherji
2,13 metrar
114 kíló
Skoraði 15,7 stig og tók
9,5 fráköst að meðaltali í leik með Ohio-
ríkisháskólanum.
Styrkleikar/veikleikar: Góður alhliða
miðherji sem hefur ágætis möguleika
á að verða einn af þeim betri í deildinni.
Þykir góður varnarmaður. Ekki góð skytta
og gæti tekið hann tíma í að aðlagast
NBA-deildinni.
Fróðleikur: Oden tók ekki eitt einasta 3
stiga skot allt tímabilið í fyrra.
• 3. val
Atlanta Hawks
21 árs ^
Framherji/miðherji
2,08 metrar
111 kíló
Skoraði 13,2 stig og tók
9,5 fráköst að meðaltali í leik á síðasta ári
sínu með Flórída-framhaldsskólanum.
Styrkleikar/veikleikar: Nokkurs konar
buff, kemst langt áfram á styrk og bar-
áttu. Sendir boltann vel af stórum manni
að vera. Stirður og ekki góð skytta.
Fróðleikur: Horfort talar reiprennandi
spænsku, enda fæddur í Dóminíska
lýðveldinu. Faðir hans, Tito, lék í NBA á 9.
og 10. áratugnum.
• 5. val
Boston Celtics
(fór í skiptum
til Seattle)
21 árs
Framherji
107 kíló
JEFFGREEN
Skoraði 14,3 stig og tók 18 fráköst að
meðaltali í leik með Georgetown-fram-
haldsskólanum.
Styrkleikar/veikleikar: Óeigingjarn og
spilar mikið upp á samherja sína. Ágætis
3 stiga skytta.
Fróðleikur: Ætlaði að læra sálfræði áður
en hann var valinn í NBA.
• 2. val
KEVIN DURANT
Seattle Supersonics,
18 ára
Framherji
2,05 metrar
102 kíló
Skoraði 25,8 stig og tók
11,1 frákast að meðaltali á iokaári sínu
með Texas-háskólanum.
Styrkleikar/veikleikar: Kraftmikill og góð-
ur alhliða íþróttamaður. Hefur meiri burði
en Oden til að slá í gegn. Skorar mikið og
tekur mörg fráköst.
Fróðleikur: Spilar alltaf í búningi númer
35, en faðir hans lést er hann var 35 ára.
iMæmaisi
Memphis Grizzlies fí|§.
20 ára ihjSms
Bakvörður
1,85 metrar
82 kíló
Skoraði 11,8 stig og gaf
6,1 stoðsendingu að meðaltali í leik á síð-
asta ári sínu með Ohio-ríkisháskólanum.
Styrkleikar/veikleikar: Einstaklega
snöggur og lipur í hreyfingum. Gott auga
fyrir sendingum. Skortir styrk.
Fróðleikur: Faðir hans, Mike Conley sr.,
varð ólympíumeistari í þrístökki 1992 og
vann silfurverðlaun á Ólympíuleikunum í
Los Angeles 1984.
• 6. val
JIANLIANYI
Milwaukee Bucks
20 ára
Framherji
2,11 metrar
108 kíló
Skoraði 24,9 stig og
tók 11,5 fráköst að meðaltali í leik með
Guandon Sothern Tigers í kínversku
deildinni.
Styrkleikar/veikleikar: Skemmtilegur leik-
maður sem er mikið fyrir háloftafimleika.
Ágætis skotmaður af stuttu færi. Er ekki
sterkur og hefur þótt skorta baráttuvilja.
Fróðleikur: Einn af tveimur Kínverjum
sem valdir voru í nýliðavalinu i ár.
Erfiður róður
Valsmenn hafa lagt land undir
fót og eru nú staddir á írlandi.
Þar leika þeir við Cork City
í annarri umferð Intertoto-
keppninnar. Það verður á
brattann að sækja fyrir Val
því írska liðið vann fyrri
leikinn á Laugardalsvelli með
tveimur mörkum gegn engu.
FH til Færeyja
íslandsmeistarar FH mæta fær-
eyska liðinu HB í fyrstu um-
ferð undankeppni Meistara-
deildar Evrópu, en dregið var í
gær. Liðin mættust í NATA-
bikarnum, sem er leikur milli
íslensku og færeysku meistar-
anna, fyrir tveimur árum og
þá höfðu Hafnfirðingar betur,
4:1. Fari FH-ingar með sigur af
hólmi mæta þeir annað hvort
Apoel frá Kýpur eða Bate frá
Hvíta-Rússlandi.
KR og Keflavík
til Skandinavíu
KR mætir sænska liðinu
Hacken í fyrstu umferð
Evrópukeppni félagsliða.
Einn íslendingur leikur
með Hacken, Valsmaðurinn
Ari Freyr Gíslason. Bikar-
meistarar Keflavíkur halda
hins vegar til Danmerkur
þar sem liðið leikur á móti
Midtjylland. Evrópukeppni
félagsliða er svæðaskipt og
gátu því liðin einungis mætt
félögum frá Norðurlöndum og
Eystrasaltsríkjum.
Konurnar í
fremstu röö
íslensk knattspyrnufélög eru í
fremstu röð ef marka má lista
sem Knattspyrnusamband Evr-
ópu, UEFA, gaf út í gær. Breiða-
blik og Valur eru í 12.-13. sæti
listans með 17 þúsund stig sem
gefin eru eftir árangri liðanna
í Evrópukeppnum, sem og
árangri íslenska kvennalands-
liðsins. Turbine Potsdam
frá Þýskalandi er í efsta sæti
listans með 64 þúsund stig og
Evrópumeistarar Arsenal eru
í öðru sæti með 52.500 stig.
Góður árangur hjá íslensku
konunum.