Bændablaðið - 25.01.2005, Side 6

6 Þriðjudagur 25. janúar 2005
Bændablaðið
Málgagn bænda og landsbyggðar
Landbúnaðarháskóli Íslands
Námsbrautarstjórar
Skipaðir hafa verið námsbraut-
arstjórar við Landbúnaðarhá-
skóla Íslands og er hlutverk
þeirra að annast faglega umsjón
námsbrautanna, stuðla að þróun
þeirra og annast gæðastarf í
samstarfi við deildarstjóra og
aðstoðarrektor kennslumála.
Námsbrautarstjórar eru eftirfar-
andi:
Háskólanám
Búvísindabraut - Ríkharð Brynj-
ólfsson. Landnýtingarbraut -
Anna Guðrún Þórhallsdóttir.
Umhverfisskipulagsbraut - Auð-
ur Sveinsdóttir. Diplomanám
(30 einingar) á háskólastigi - Ól-
afur Melsted.
Starfsmenntanám
Blómaskreytingabraut - Júlíana
Sveinsdóttir. Búfræðibraut -
Sverrir Heiðar Júlíusson.
Garð- og skógarplöntubraut -
Guðríður Helgadóttir.
Skrúðgarðyrkjubraut - Bald-
ur Gunnlaugsson. Ylræktar-
braut - Björn Gunnlaugsson.
Í skógfræði á háskólastigi
verður ekki skipaður brautar-
stjóri að sinni en umsjón þeirrar
brautar verður í höndum
kennslustjóra og aðstoðarrektors
kennslumála. Sama gildir um
starfsmenntabrautir í skógrækt
og umhverfisfræði.
Kaupir Kári Stefánsson
hrossabúgarðinn á Ármóti?
Sú saga gengur nú í Rangárþingi
að Kári Stefánsson hjá Íslenskri
erfðagreiningu ætli sér að kaupa
jörðina Ármót en þar er einn
allra glæsilegasti hestabúgarður
landsins. Kári er mikill áhuga-
maður um hesta og hefur fjárfest
í nokkrum af þekktustu hrossum
landsins undanfarna mánuði og
misseri. Reiknað er með að Ár-
mót fari a.m.k. á 300 milljónir
króna.
Búfjáreftirlitsgjald sett á í
Rangárþingi eystra?
Hjá Rangárþingi eystra er nú til
skoðunar er að taka upp búfjár-
eftirlitsgjald fyrir haustheim-
sóknir til bænda sem ekki skila
skýrslum um ásetning og fóður
á réttum tíma. Jafnframt verður
sett á gjald fyrir sérstakar auka-
heimsóknir ef um vanhöld á bú-
fé er að ræða. Reiknað er með
að þetta geti orðið samræmt
gjald í allri Rangárvallasýslu og
jafnvel V-Skaftafellsýslu líka.
Skíðaparadís í Tindfjöllum?
Sveitarstjórn Rangárþings ytra
ætlar að kanna það hvort hægt
sé að koma upp skíðaparadís á
Tindfjöllum en fjöllin þykja
mjög ákjósanleg undir slíka
starfsemi. Í því skyni hefur ver-
ið ákveðið að koma upp sjálf-
virkri veðurathugunarstöð í
fjöllunum áður en frekari
ákvarðanir um skíðaparadísina
verða teknar.
Félagsmálaráðuneytið stað-
festir sameiningu fjögurra
sveitarfélaga
Hinn 7. janúar sl. staðfesti fé-
lagsmálaráðuneytið sameiningu
fjögurra sveitarfélaga í umdæmi
sýslumannsins á Blönduósi.
Sveitarfélögin sem sameinuðust
eru Bólstaðarhlíðarhreppur,
Sveinsstaðahreppur, Svína-
vatnshreppur og Torfalækjar-
hreppur en íbúar allra sveitarfé-
laganna samþykktu sameining-
una í atkvæðagreiðslu sem fram
fór 20. nóvember sl.
Bændur þurfa að vera vakandi gagnvart
því að kynna sig og sín verk gagnvart
almenningi og þá ekki síst börnum og
unglingum. Þetta helgast meðal annars
af þeirri staðreynd að liðin er sú tíð að
þéttbýlisbörn hópist út í sveit á sumrin.
Tæknin í sveitum landins er orðin slík
að það er ekki lengur sama þörf á vinnu-
fólki á sumrin.
Bændasamtök Íslands hafa um árabil
leitt fræðslustarf meðal barna og ung-
linga, en á þeirra vegum heimsækja
bændur tugi grunnskóla hvern vetur og
bóndi í Húnavatnssýslu tekur árlega á
móti um tvö þúsund krökkum sem
dvelja í skólabúðunum á Reykjum.
Þá eru ótaldir þeir bændur sem bjóða
leik- og grunnskólum til sín á vorin.
Alls eru fjórir bæir sem taka á móti leik-
skólabörnum og krökkum úr yngstu
bekkjum grunnskóla, þrír fyrir sunnan
og einn norðan heiða. Þeir eru Miðdalur
og Grjóteyri í Kjós og Bjarteyjarsandur
í Hvalfirði og Stóri-Dunhagi í Hörgár-
dal.
Alls heimsóttu sveitina 17.500 ein-
staklingar á höfuðborgarsvæðinu og
tæplega 800 í Eyjafirði. Í heildina er því
um að ræða um 18.300 manns sem er
mjög mikil aukning frá fyrra ári þegar
14.700 manns heimsóttu sveitina. Fyrir-
tæki bænda og fyrirtæki nátengd þeim
vinna einnig gott starf á þessum vett-
vangi, m.a. með kynningu á starfsemi
sinni.
Það getur skipt sköpum fyrir íslensk-
an landbúnað að hann sé vel kynntur
meðal þeirra kynslóða sem erfa munu
landið. Í skólastofum landsins sitja leið-
togar og neytendur framtíðarinnar.
Verkefnið „Dagur með bónda“ hófst
árið 1999 og nú þegar hafa nokkrir skól-
ar sett heimsókn bónda í 7. bekk sem
fastan lið í skólanámsskrá og þar með
sýnt mikinn áhuga og traust. Sem dæmi
má nefna að frá hausti 2003 til vors
2004 hittu bændur um 1.900 nemendur í
tæplega 100 bekkjardeildum.
Miðað við þær undirtekir sem bænd-
urnir hafa fengið má ætla að það sé
raunhæft að bjóða skólum enn frekara
samstarf, t.d. nemendur í 10. bekk.
Verkefni af þessu tagi útheimtir raunar
víðtækt samstarf aðila innan landbúnað-
arins og er þá ekki síst horft til landbún-
aðarskólanna.
„Dagur með bónda“, sem Berglind
Hilmarsdóttir, bóndi á Núpi III undir
Eyjafjöllum, stýrir fyrir hönd BÍ er ákaf-
lega lifandi og skemmtileg aðferð til að
kynna landbúnað fyrir þeim sem litla
eða enga þekkingu hafa á þessu sviði.
Það er samdóma álit þeirra bænda sem
að heimsóknum standa að bestur árang-
ur í kynningu af þessu tagi náist með
traustu sambandi við neytendur, í þessu
tilfelli nemenda og kennara.
Bændasamtökin fá reglulega umsagn-
ir kennara sem hafa farið með nemendur
sína á Tannstaðabakka, sem er skammt
frá skólabúðunum að Reykjum. Þar hefur
bóndanum og tónlistarmanninum Skúla
Einarssyni tekist að kveikja áhuga fjöl-
margra nemenda á landbúnaði.
Íslenskir bændur hafa með ýmsu móti
ræktað almenningsálitið og þar eru skóla-
bændur mikilvægur hlekkur. Því þarf að
halda áfram lifandi og persónulegum
tengslum við grunnskólana og í fram-
haldi af því kanna möguleika á einstök-
um eða reglulegum kynningum af svip-
uðu tagi á efri skólastigum, að háskólum
meðtöldum. En miðað við hraða og
breytingar í nútímasamfélagi er áríðandi
að bændur séu fulltrúar þess sem er stöð-
ugt og áreiðanlegt og í nánum tengslum
við náttúru landsins og fólkið sem þar
býr.
Búnaðarþing hefur fjallað um sam-
starf bænda og skóla og ljóst að það er
vilji þingsins að haldið verið áfram á
þeirri braut sem búið er að marka. Undir
þetta hefur t.d. Framleiðnisjóður tekið og
aðstoðað við að kynna landbúnaðinn í
skólum landsins. Félög og fyrirtæki
bænda, hvar sem þau er að finna, þurfa
að taka höndum saman við í fræðslumál-
unum. Það er hagsmunamál bænda að
landbúnaðurinn sem heild vinni saman í
þessum málaflokki. /ÁÞ.
Leiðarinn
Smátt
og stórt
Bændur og kynning á landbúnaði
meðal barna og unglinga
Talið er afar ólíklegt að Evrópu-
sambandsaðild verði tekin á
dagskrá í Noregi á næstu árum.
Ástæðan er ekki síst stjórnmála-
landslagið í landinu en þrátt fyr-
ir að tveir stærstu stjórnmála-
flokkar Noregs, Verkamanna-
flokkurinn og Hægri flokkurinn,
séu fylgjandi aðild þá eiga þeir
ekki samleið í neinum öðrum
stórum málaflokki. Því er talið
útilokað að þeir myndi ríkis-
stjórn saman og fyrir vikið ekki í
kortunum að mynduð verði rík-
isstjórn í Noregi að óbreyttu sem
sett gæti aðild að Evrópusam-
bandinu á dagskrá enda allir
hinir flokkarnir meira eða
minna andsnúnir aðild.
Þingkosningar verða í Noregi
nú í ár en flestir virðast þó sam-
mála um að Evrópumálin verði
ekki eitt af aðalmálunum í kosn-
ingabaráttunni, þ.á.m. Kjell Magne
Bondevik, forsætisráðherra lands-
ins. Norskir Evrópusambandssinn-
ar hafa raunar lýst því yfir að þeir
muni ekki mæla með því að Norð-
menn sæki um aðild að Evrópu-
sambandinu í þriðja skiptið nema
það sé nokkuð öruggt að hún verði
samþykkt. Það yrði ekki gott fyrir
þeirra málstað að þurfa að fara
með þriðja nei-ið til Brussel, en
eins og kunnugt er hafa Norðmenn
tvisvar hafnað aðild að Evrópu-
sambandinu í þjóðaratkvæði, 1972
og 1994. Raunar virðist það vera
nokkuð almenn skoðun í Noregi að
ekkert vit sé í að sækja um aðild að
sambandinu að nýju nema það
endi örugglega með aðild.
Stuðningsmenn aðildar að Evr-
ópusambandinu hafa yfirleitt verið
í meirihluta í skoðanakönnunum
upp á nokkur prósentustig í gegn-
um tíðina. Sjálfstæðissinnar hafa
þó alltaf komist með reglulegu
millibili í meirihluta inn á milli,
síðast í ágúst sl. Hafa stjórnmála-
skýrendur sagt í því sambandi að
fylgi við aðild sé hvorki nógu mik-
ið í Noregi nú né nógu stöðugt til
þess að hægt sé að hugleiða nýjar
aðildarviðræður af einhverri al-
vöru. Oft áður hafi verið mun
meiri og stöðugari stuðningur við
aðild en nú. Aðrir hafa bent á að í
raun sé spurning hversu mikið
skoðanakannanir, sem gerðar eru
þegar engin sérstök barátta er í
gangi á milli stuðningsmanna og
andstæðinga Evrópusambandsað-
ildar, segi til um niðurstöðu hugs-
anlegrar þjóðaratkvæðagreiðslu
um málið komi einhvern tímann til
hennar.
Í því sambandi hefur t.a.m.
verið bent á það hvernig leikar
fóru í Svíþjóð á síðasta ári þegar
kosið var um það hvort taka ætti
upp evruna þar í landi eða ekki.
Þegar sænska ríkisstjórnin ákvað
að setja málið í þjóðaratkvæði
höfðu skoðanakannanir ítrekað
sýnt að mikill meirihluti Svía
styddi upptöku evrunnar. Síðan
hófst barátta andstæðra fylkinga
og niðurstaðan varð, eins og kunn-
ugt er, að sænskir kjósendur höfn-
uðu evrunni með afgerandi hætti.
Fleiri dæmi eru um slíka þróun
mála. Það er því full ástæða til að
fara varlega í það að draga of mikl-
ar ályktanir af skoðanakönnunum
sem gerðar eru þegar ekki er virki-
lega verið að takast á um málið.
Hjörtur J. Guðmundsson,
stjórnarmaður í Heimssýn,
hreyfingu sjálfstæðissinna
í Evrópumálum
Norðmenn eru
ekki á leið í ESB
Upplag: 13.000 eintök
Íslandspóstur annast dreifingu blaðsins að mestu leyti.
ISSN 1025-5621
Bændablaðið kemur út hálfsmánaðarlega. Því er dreift til allra bænda landsins og fjölmargra
annarra er tengjast landbúnaði. Bændablaðinu er dreift ókeypis til þeirra er stunda búskap en
þéttbýlisbúar geta gerst áskrifendur að blaðinu.
Árgangurinn kostar kr. 5.200 en sjötugir og eldri greiða kr. 2.250.
Bændablaðið, Bændahöll við Hagatorg, 107 Reykjavík.
Sími: 563 0300 - Fax: 552 3855 - Kt: 631294-2279 Ritstjóri: Áskell Þórisson (ábm.)
Auglýsingastjóri: Eiríkur Helgason, blaðamaður: Sigurdór Sigurdórsson
Netfang blaðsins (fréttir og annað efni) er bbl@bondi.is Netfang auglýsinga er augl@bondi.is
Prentun: Prentsmiðja Morgunblaðsins
Næsta blað
Næsta blað
kemur út
8. febrúar
Frestur til að panta stærri auglýsingar er
á hádegi miðvikudag fyrir útkomu. Smá-
auglýsingar þurfa að að berast í síðasta
lagi fyrir fimmtudag fyrir útkomu.