Bændablaðið - 25.01.2005, Page 19

Þriðjudagur 25. janúar 2005 19
Aðalfundur
Félags kúabænda
á Suðurlandi
verður haldinn í Árhúsum, Hellu, mánudaginn
31. janúar nk. kl. 12.00.
Dagskrá:
1. Skýrsla stjórnar og reikningar félagsins.
2. Erindi. Torfi Jóhannesson, Landbúnaðarháskóla
Íslands.
3. Kosningar:
• 9 aðalmenn í félagsráð og 3 til vara.
• 2 skoðunarmenn reikninga og 2 til vara.
• 8 fulltrúar á aðalfund Landssambands kúabænda
og 8 til vara.
• 5 fulltrúar á aðalfund Búnaðarsambands
Suðurlands og 5 til vara.
4. Önnur mál.
Á fundi sínum 4. janúar sl. gerði félagsráð tillögu um
skipun uppstillinganefndar vegna kosninga á aðalfundi
og gert er ráð fyrir að hún starfi fram að fundi. Er þetta
gert með fyrirvara um samþykki aðalfundar eins og lög
félagsins kveða á um. Þeim, sem vilja koma á framfæri
ábendingum vegna þessarar uppstillingar, er bent á að
hafa samband við nefndarmenn en þeir eru: Grétar
Einarsson, Þórisholti, formaður, sími: 487 1197, netfang:
griva@mi.is, Þórir Jónsson, Selalæk, sími: 487 5204,
netfang: thsb@simnet.is, Anna María Flygenring, Hlíð,
sími: 486 6034, netfang: hlidgnup@hotmail.com.
Á árinu 2005 eru liðin 20 ár frá stofnun Félags
kúabænda á Suðurlandi. Af því tilefni er nú unnið að
útgáfu afmælisrits og hefur Tjörvi Bjarnason tekið að sér
ritstjórn þess. Auk þess mun félagið taka á móti
aðalfundi Landssambands kúabænda 8. og 9. apríl og
jafnframt standa fyrir árshátíð kúabænda sem haldin
verður laugardagskvöldið 9. apríl á Hótel Selfossi. Viljum
við hvetja alla sunnlenska kúabændur sem möguleika
hafa á að mæta á aðalfund félagsins svo og að taka þátt
í öðrum uppákomum afmælisársins.
Stjórn Félags kúabænda á Suðurlandi
Um líkt leyti og Bændablaðið
var að fara í prentun lágu fyrir
niðurstöður úr skýrsluhaldi
nautgriparæktarfélaganna í
landinu fyrir árið 2004. Þær nið-
urstöður sýna að þetta var nýtt
metár í framleiðslu hjá íslensku
kúnum. Meðalafurðir eru 5.229
kg af mjólk eftir hverja árskú en
árið 2003 voru þær 5.063 kg og
höfðu þá aldrei verið meiri.
Þátttaka í skýrsluhaldi eykst
Þrátt fyrir að búum í mjólkurfram-
leiðslu hafi fækkað mikið er fjölg-
un í skýrslufærðum kúm en margir
nýir skýrsluhaldarar komu til
starfsins á árinu 2004.
Hæstu meðalafurðir í
Austur-Skaftafellssýslu
Afurðaþróun er talsvert breytileg
eftir landsvæðum og afurðir sunn-
lenskra kúa áberandi meiri en á
öðrum landsvæðum. Hæstu meðal-
afurðir í einstöku héraði eru í
Austur-Skaftafellssýslu þar sem
þær eru 5.595 kg af mjólk eftir
kúna.
Gláma 913 í Stóru-Hildisey II
afurðahæst
Með auknum afurðum fjölgar mik-
ið þeim kúm sem eru að skila
feikilega miklu mjólkurmagni. Ár-
ið 2004 eru 24 kýr sem skila yfir
10 þúsund kg af mjólk yfir árið,
sem er miklu fleiri gripir en dæmi
eru um áður. Afurðahæsta kýrin
var Gláma 913 í Stóru-Hildisey II í
Austur-Landeyjum en hún mjólk-
aði 12.762 kg af mjólk árið 2004.
Þessi afrekskýr er dóttir Krossa
91032 og er hún fædd að Teigi í
Fljótshlíð. Þetta eru mestu ársaf-
urðir sem þekktar eru hjá íslenskri
mjólkurkú.
Búið í Stóru-Hildisey II hjá
þeim Jóhanni og Hildi var eins og
árið áður með mestar meðalafurðir
allra búa í landinu og voru þær
7.376 kg af mjólk eftir hverja kú.
Þetta er glæsilegur árangur þó að
afurðir séu örlitlu lægri en árið áð-
ur. Tvö önnur bú á Suðurlandi ná
7.000 kg markinu að þessu sinni.
Í næsta blaði verður gerð frek-
ari grein fyrir niðurstöðum. Einnig
skal bent á að ýmsar niðurstöður
munu birtast bráðlega á vef BÍ,
bondi.is.
/JVJ
Þeir sem kynda hús sín með raf-
magni eiga von á óvæntri gjald-
skrárhækkun frá raforkufyrir-
tækjum, þar sem allar líkur eru
á því að húshitunarkostnaður
íbúðarhúsa í dreifbýli hækki um
75% og húshitunarkostnaður
íbúðarhúsa í þéttbýli um 35%.
Forsvarsmenn raforkufyrirtækj-
anna sem eru í eigu hins opin-
bera kenna nýjum raforkulögum
um hækkunina. Framsóknar-
flokkurinn með Valgerði Sverr-
isdóttur stolta í broddi fylkingar
barðist fyrir nýjum raforkulög-
um sem valda þessari hækkun.
Til að gæta allrar sanngirni þá
mun rafmagn til almennrar
notkunar lækka eitthvað en engu
að síður þá mun þessi aðgerð
Framsóknarflokksins koma
mjög illa niður á dreifbýlinu.
Hvernig kemur þessi hækkun
vegna nýrra raforkulaga Fram-
sóknarflokksins við íbúa dreifbýl-
isins? Til að átta sig á því er rétt að
reikna út raunveruleg dæmi.
Dæmi 1 er af fjölskyldu á Borðeyri
sem greiðir núna 115.000 krónur á
ári í húshitunarkostnað. Hætt er við
því að stjórnvöld sendi þessari fjöl-
skyldu aukalega 86.000 króna
reikning.
Dæmi 2. Í góðu einbýlishúsi í þétt-
býli á Snæfellsnesi greiðir fjöl-
skyldan nú sem býr þar tæpar
200.000 krónur fyrir húshitunina.
Hækkunin á húshitunarkostnaði
fjölskyldunnar mun nemam, ef af
verður, um 70.000 krónum.
Sérkennileg samkeppni opinberra
fyrirtækja
Margt er sérstakt við alla umræð-
una um samkeppni á raforkumark-
aði. Í fyrsta lagi er rétt að benda á
að öll helstu fyrirtækin eru í eigu
hins opinbera og því er hjákátlegt
að fylgjast með ríkisforstjórum
ræða um virka samkeppni.
Í öðru lagi verða um 90% af
allri raforku landsmanna seld í
föstum samningum til stóriðju sem
leiðir til þess að nýju lögin ná að-
eins til um 10% af raforkumark-
aðnum.
Hvers vegna þarf að hækka raf-
magnið?
Hvers vegna þarf að hækka verð á
rafmagni til húshitunar ef ekki á að
lækka rafmagnsverð annars staðar í
kerfinu um samsvarandi upphæð?
Það er óskiljanlegt í ljósi marg-
tugginnar fullyrðingar iðnaðarráð-
herra um að ekki verði til neinn nýr
kostnaður við skipulagsbreyting-
una. Ef frá er talinn nýr óverulegur
eftirlitskostnaður með raforkufyrir-
tækjunum er það líklegast rétt hjá
ráðherranum. Spurningin stendur
því óhögguð: Hvers vegna þarf að
hækka verð á rafmagni?
Rafmagnið ætti að lækka
Almenn skynsemi segir að raf-
magn ætti að lækka en ekki hækka.
Landsmenn eru að eignast nýjar og
öflugar virkjanir og að sama skapi
er allt raforkukerfið að eflast og
styrkjast. Þá ættu landsmenn að
njóta ávinningsins af tækninýjung-
um og hagkvæmni af fyrirhugaðri
samkeppni á raforkumarkaði.
Hvernig? Jú, í lækkuðu rafmagns-
verði!
Enginn opinberu raforkufor-
stjóranna sér neina lækkun á raf-
magnsverði fyrir sér og þess vegna
verður almenningur að spyrja
spurningarinnar: Hvers vegna
ekki?
Opinberu rafmagnsforstjórarnir
boðuðu í fyrstu að hækka ætti raf-
magnið í Reykjavík um dágóða
prósentu en þingmenn stjórnar- og
stjórnarandstöðuflokkanna ásamt
borgarfulltrúum Reykjavíkur höfn-
uðu því. Núna virðist sem raf-
magnsforstjórarnir ætli að koma
hækkuninni út á land og í þokkabót
til þeirra sem greiða nú þegar
hæstu rafmagnsreikningana, þ.e.
þeirra sem kynda hús sín með raf-
orku. Einu fulltrúar almennings
sem mótmæla hækkuninni virðast
vera þingmenn stjórnarandstöðu-
flokkanna í Reykjavík en ekkert
heyrist í stjórnarþingmönnum og
lítið í sveitarstjórnarmönnum.
Landsbyggðin á að afþakka
þessa hækkun og fara fram á lækk-
un frekar en hækkun.
Sigurjón Þórðarson
alþingismaður
Mjólkursamsalan og Bændablaðið efndu til litasamkeppni
fyrir jólin á meðal lesenda Bændablaðsins af yngri kyn-
slóðinni. Þátttakan var góð en dómnefnd verðlaunaði
þrjár bestu myndirnar. Verðlaunahafarnir eru:
Fyrstu verðlaun
Sylvía Rún Rúnarsdóttir, Neðra-Vatnshorni, Hvammstanga
Önnur verðlaun
Sandra Haraldsdóttir, Grund, Svínadal, Blönduósi
Þriðju verðlaun
Hjálmar Birgir Jóhannsson, Spónsgerði, Arnarneshreppi, Ak-
ureyri
Til gamans má geta að Sandra Haraldsdóttir sem er í öðru sæti
lenti í fyrsta sæti í fyrra þegar Stúfur litli var fulltrúi jólasvein-
anna í litasamkeppni MS og Bændablaðsins. Sigurvegarinn
fær í verðlaun Úrvalsævintýri H.C. Andersens og heilan kassa
af kókómjólk. Í önnur og þriðju verðlaun var kassi af kók-
ómjólk.
Bændablaðið og Mjólkursamsalan þakka öllum upprennandi
listamönnum kærlega fyrir þátttökuna.
Því var skellt á landsbyggðina
sem var hafnað í Reykjavík
Árið 2004 var metár í fram-
leiðslu hjá íslensku kúnum
Skyrgámur í fullum skrúða
Sylvía Rún Rúnarsdóttir frá Neðra -
Vatnshorni litaði Skyrgám til sigurs. Hún
fær Úrvalsævintýri H.C. Anderssens í
verðlaun og kassa af kókómjólk.