Bændablaðið - 10.09.2009, Side 21

21 Bændablaðið | fimmtudagur 10. september 2009
„Þetta lítur bara þokkalega út
hér á Eyjafjarðarsvæðinu, mér
sýnist sem uppskera muni verða
í meðallagi góð,“ segir Bergvin
Jóhannsson kartöflubóndi á
Ás hóli og formaður Félags kart-
öflubænda. Hið sama gildir um
Hornafjörð, þar er uppskera nú
með besta móti og kemur án efa í
góðar þarfir. Áfall sem kartöflu-
bændur í Þykkvabæ urðu fyrir í
sumar mun þó hafa afar slæmar
afleiðingar í för með sér og útlit
fyrir að íslenskar kartöflur verði
búnar fljótlega upp úr áramót-
um. Um 70% af landsframleiðslu
á íslenskum kartöflum hafa kom-
ið úr Þykkvabæ.
Bergvin segir að kartöfluspretta
hafi farið hægt af stað og verið
lítil í rigningarlausum júlímánuði.
Væta og sæmilega hlýtt veður í
byrjun ágúst kom sprettunni af stað,
„Þá tók þetta vel við sér og það er
mikil spretta ennþá,“ segir Bergvin.
Hann er þessa dagana að byrja að
taka upp af fullum krafti og er að
fram í myrkur, en þrír menn starfa
við kartöfluupptöku á Félagsbúinu
Áshóli þetta haustið.
„Horfurnar hér hjá okkur eru
góðar og eins í Hornafirði, en verra
aftur á móti á Suðurlandinu, þar er
uppskerubrestur vegna næturfrosts
í sumar. Það lítur því ekki út fyrir
að íslenskar kartöflur verði á boð-
stólum hér innanlands nema fram
í febrúar spái ég,“ segir Bergvin. Í
ár þurfti ekki að flytja inn kartöflur
fyrr en í júní, „en uppskeran nú í ár
verður örugglega helmingi minni.“
Fljótandi áburður
það sem koma skal
Bergvin ásamt Helga Örlygssyni á
Þórustöðum notaði fljótandi áburð
á liðnu vori og segir hann koma
mjög vel út, „mér sýnist varan vera
betri, þetta mun örugglega skila
sér,“ segir hann. Áburður er settur
niður með kartöflunum að vori og
síðan hefur Bergvin vökvað garða
sína þrívegis í sumar. Þeir félagar
fjárfestu í notuðum tækjum frá
Hollandi til að taka þessa nýbreytni
upp og fengu hagstæð kjör. Hann
telur að tækin muni margborga
sig innan skamms tíma, einkum ef
fleiri nýta sér tæknina með fljótandi
áburð og hann verði í framtíðinni
blandaður innanlands. „Fljótandi
áburðurinn kemur mun betur út en
sá kornaði. Sérstaklega á það við
um jarðveg þar sem uppskeran var
með lakara móti áður. Okkur finnst
hann skila áberandi betri vöru og
þá höfum við líka tekið eftir að arf-
inn er mun minni á þeim svæðum
þar sem fljótandi áburður er not-
aður,“ segir Bergvin.
Hann segir að framvegis muni
hann snúa sér í auknum mæli
að slíkum áburði og bendir á að
áhugasamir aðilar hafi hug á að
setja upp verksmiðju hér á landi þar
sem áburðurinn er blandaður, en í
vor fór blöndunin fram í Hollandi.
„Það standa yfir viðræður um slíka
verksmiðju og að líkindum verður
hún á Suðurlandi,“ segir Bergvin.
Einhverjir kartöflubændur í þeim
landshluta notuðu fljótandi áburð
í litlum mæli á liðnu vori, en settu
ekki upp tilraunareiti líkt og þeir
eyfirsku. Bergvin sér áburðinn sér-
blandaðan og blandan sé miðuð við
jarðveg sem sett er niður í hverju
sinni. Hann segir kostnað við fljót-
andi áburð hafa verið örlítið hærri
en ef einungis kornaður áburð-
ur hefði verið notaður, en á móti
komi að varan sé betri. Þá megi
búast við lækkandi kostnaði verði
blöndunin flutt heim til Íslands og
fleiri taki fljótandi áburð í notkun í
görðum sínum.
MÞÞ
Bændablaðið
Smáauglýsingar.
5630300
Hér sést munurinn glöggt, vinstra megin er kornaður áburður, hægra megin var notast við þann fljótandi.
Hér að ofan sjást grösin í þeim hluta sem fékk fljótandi áburð en á neðri
myndinni eru grös sem eingöngu fengu hefðbundinn kornaðan áburð.
\ #
#
&
 #

]]

''^ ##
]]#

` 

{


Fljótandi áburður skilar betri vöru
Frá Endurmenntun Lbhí
AÐ LOKNU góðu sumri tekur haustið við, stútfullt af
áhugaverðum námskeiðum hjá Endurmenntun LbhÍ.
Vorið var einstaklega gott hjá Endurmenntun LbhÍ,
þar sem boðið var upp á um 90 námskeið á ýmsum
fræðasviðum, vítt og breitt um landið, með yfir 1000
þátttakendum af öllu landinu.
Um mitt sumar var tekin ákvörðun um að bjóða
upp á hið geysivinsæla tveggja ára nám okkar
Reiðmanninn á tveimur nýjum stöðum núna í haust.
Það er skemmst frá því að segja að aðsókn fór langt
fram úr okkar björtustu vonum og byrjar annar hóp-
urinn á Hellu núna 11. september og hinn viku síðar
á Dallandi í Mosfellsdal.
Þá er nýjung hjá okkur að bjóða upp á endur-
menntunarkúrsa á meistarastigi sem jafnframt gefa
einingar. Í haust verður boðið upp á tvo kúrsa á
sviði skipulagsfræða, annan í Skipulagskenningum
(8 ECTS einingar) og hinn í Skipulagslögfræði (6
ECTS einingar).
Í vor fór svo af stað hin sívinsæla námskeiðsröð
Grænni skógar, að þessu sinni á Vesturlandi. Mikill
þrýstingur hefur verið á að fá framhald á Grænni
skógum I og munum við verða við því, þar sem
boðið verður upp á Grænni skóga II í fyrsta sinn á
Suðurlandi núna í haust.
Við munum einnig bjóða áfram upp á styttri
námskeið hvers konar vítt og breitt um landið. Eitt
slíkt var haldið á Hvanneyri núna í lok ágústmán-
aðar í samvinnu við Hestabúgarðinn á Þingeyrum.
Leiðbeinandi námskeiðsins var Susan Harris, sem
er alþjóðlegur reiðkennari og hefur hlotið æðstu við-
urkenningu samtaka reiðkennara í Bandaríkjunum.
Susan kynnti aðferð sem kölluð er Centered Riding
(www.centeredriding.org). Þar er lögð áhersla á það
hvernig hugur og hugsun knapans hefur áhrif á lík-
amsbeitingu hans á hestbaki og þar með á þjálfun og
mótun hestsins.
Þrátt fyrir næg verkefni og fjöldann allan af
góðum hugmyndum, sem nú er verið að vinna í fyrir
komandi vetur, þá þiggjum við ávallt með þökkum
hugmyndir frá ykkur, lesendur góðir, hvort sem um
er að ræða haustið, næsta vor eða sumar. Við sem
vinnum hjá Endurmenntun LbhÍ erum því ávallt til
taks ef þið hafið hugmyndir að endurmenntunarnám-
skeiðum sem gætu hentað ykkur, ykkar vinnustað
eða ykkar samfélagi.
Guðrún Lárusdóttir
gurra@lbhi.is
www.lbhi.is/namskeid
Bílaleigujepparnir komnir í sölu
Höfum fengið í almenna sölu jeppa frá bílaleigunni Sixt.
Um er að ræða góð eintök af Rexton, Kyron og Chevrolet Captiva.
Rexton nýskr. 01/09
Ekinn 15 þús.
Dísel, sjálfskiptur
Með leðurinnréttingu.
Rexton nýskr. 07/09
Ekinn 7 þús.
Dísel, sjálfskiptur
Með leðurinnréttingu.
Kyron nýskr. 05/08
Ekinn 59 þús.
Dísel, sjálfskiptur
Hátt og lágt drif.
Captiva nýskr. 02/08
Ekinn 37 þús.
2000 cc, sjálfskiptur
Með leðurinnréttingu.
Captiva nýskr. 10/08
Ekinn 20 þús.
Dísel, 6 gíra
Með tauinnréttingu.
Kyron nýskr. 07/06
Ekinn 65 þús.
Dísel, sjálfskiptur
Hátt og lágt drif.
5.650.000 5.490.000 3.980.000 4.350.000 4.150.000 2.290.000