Bændablaðið - 07.07.2011, Page 2

Bændablaðið | fimmtudagur 7. júlí 20112
Fréttir
Á Reykhólum eru heimamenn
búnir að opna endurnýjaða
bátaverndar- og hlunninda-
sýningu í sama húsnæði og
Upplýsingamiðstöð ferðafólks er
til húsa.
Á sýningunni má m.a. sjá gamla
muni sem tengjast hlunnindanýtingu,
s.s. verkunaraðstöðu æðardúns og
sviðsett æðarvarp. Þá er fjöldi báta
á sýningunni og muna sem tengj-
ast viðhaldi og endurgerð þeirra.
Breiðfirðingar eru m.a. þekktir fyrir
gamalgróna hefð í smíði trébáta
en á Reykhólum hafa verið haldin
námskeið í endurbótum á gömlum
súðbyrðingum.
Aðstandendur sýningarinnar
eru Reykhólahreppur, æðarræktar-
félagið Æðarvé við Breiðafjörð og
Félag áhugamanna um bátasafn
Breiðafjarðar. Fjölmenni mætti við
opnun sýningarinnar og eru mynd-
irnar teknar við það tilefni. Fleiri
myndir frá opnun safnsins er að finna
á vef Bændablaðsins, bbl.is

/TB
Ný bátaverndar- og hlunnindasýning á Reykhólum
Beingreiðslur
í garðyrkju
Samkvæmt reglugerð um bein-
greiðslur í garðyrkju ber að endur-
skoða spár um framleiðslumagn
ársins fyrir 1. júlí og á grundvelli
þess gera tillögur til framkvæmda-
nefndar búvörusamninga um breyt-
ingar á fyrirframgreiðslu á selda
einingu. Framkvæmdanefndin hefur
samþykkt óbreytt einingaverð sbr.
eftirfarandi:
Kr./kg
Gúrkur 52,66
Paprika 146,67
Tómatar 64,89
Greidd eru 88% af samþykktu einin-
garverði frá og með 1. júlí að telja.
Það var vel mætt á opnun nýrrar bátaverndar- og hlunnindasýningar á Reykhólum í lok síðustu viku. Á myndunum má sjá gesti og aðstandendur en á efstu
mynd til vinstri eru þeir Ásgeir G. Jónsson dúnmatsmaður með meiru og bændurnir Eiríkur Snæbjörnsson og Gústaf Jökull Ólafsson. Vélaáhugamaðurinn
Skúli Aðalsteinsson er fyrir miðju og efst til hægri eru þau Karl Kristjánsson bóndi og Ingibjörg Birna Erlingsdóttir sveitarstjóri. Fjöldi forntraktora var til
sýnis í tilefni sýningarinnar en við vélina standa þeir Ágúst Magnússon, Unnsteinn Ólafsson, Stefán Magnússon og Hjalti Hafþórsson. Stúlkurnar eru þær
systur Borghildur og Sólveig Eiríksdætur. Myndir / TB
Laus pláss:
Sumarhús
BÍ á Hólum
Enn eru laus pláss í ágúst í
sumarhúsum Bændasamtaka
Íslands á Hólum. Þar hefur
öll aðstaða verið endurnýjuð
og er nú eins og best verður á
kosið. Góð sundlaug er einnig
á þessum frábæra stað. Þar á
fólk kost á að dveljast í kyrrð,
ró og rómaðri náttúrufegurð
Þeim félagsmönnum Bænda-
samtaka Íslands sem rétt eiga á að
nýta húsin er bent á að hafa sam-
band við Halldóru Ólafsdóttur
ritara hjá BÍ í síma 563-0360
eða senda tölvupóst á netfangið
ho@bondi.is.
Bændasamtök Íslands kynntu í
gær með formlegum hætti kröfur
sínar í yfirstandandi samninga-
viðræðum íslenskra stjórnvalda
við Evrópusambandið. Um er
að ræða svokallaðar varnar-
línur sem eru alls sjö talsins.
Þær eru gefnar út í viðauka
ritsins „Landbúnaðarlöggjöf
Evrópusambandsins og
Evrópska efnahagssvæðisins“
sem kom út sama dag á vegum
Bændasamtakanna en í því hefur
Stefán Már Stefánsson lagapró-
fessor við Háskóla Íslands tekið
saman helstu atriði sem felast
í hinni evrópsku landbúnaðar-
stefnu.
Eiga uppruna sinn hjá íslenskum
bændum
Að sögn Haraldar Benediktssonar,
formanns Bændasamtaka Íslands,
eru varnarlínurnar
félagsleg ákvörðun
íslensku bændastéttar-
innar. „Varnarlínurnar
eiga uppruna sinn í mál-
efnalegri vinnu sem hefur
farið fram síðustu ár en
síðustu tvö búnaðarþing
hafa m.a. haft þær til
umfjöllunar. Við höfum
líka rætt efni þeirra á
fjölsóttum bændafundum
um allt land síðustu miss-
erin,“ segir Haraldur. Varnarlínurnar
voru fyrst kynntar í kjölfar síðasta
búnaðarþings en síðan þá hafa þær
verið unnar ítarlegar, m.a. með rök-
stuðningi og tilvísunum í regluverk
ESB.
„Í þeim kemur fram að mikilvægt
sé að meta hagsmuni íslenskra bænda
og landbúnaðar í heild og með hlið-
sjón af byggðasjónarmiðum, neyt-
endamálum og fæðuöryggi,“ segir
Haraldur. Í framhaldi af ályktun
búnaðarþings 2011 voru varnarlínur
BÍ kynntar sjávarútvegs- og land-
búnaðarráðherra sem hefur lýst
fullum stuðningi við afstöðu bænda.
Á ekki að ræða samningsafstöðu
Íslands með opnum hætti?
Aðspurður um það hvað sé framund-
an í ESB-vinnu Bændasamtakanna
segir Haraldur að nú taki við kynning
og að málinu verði fylgt hart eftir
af hendi bænda. „Það er ástæða til
að hafa verulegar áhyggjur af þróun
mála og hagsmunagæslu
fyrir Íslands hönd í kom-
andi viðræðum. Svo virð-
ist sem samningsafstöðu
Íslands eigi ekki að ræða
með opnum hætti, heldur
innan þröngra veggja
samninganefndar emb-
ættismanna. Við þurfum
öfluga málsvörn, enda
hafa Bændasamtökin í
langan tíma bent á að
ekkert sé í „aðildarpakk-
anum“ nema reglur ESB,“ segir
Haraldur.
Bókin er innlegg í faglega
umræðu
Haraldur segir að það sé mikilvægt
að málefnaleg umræða fari fram um
sérstöðu og kröfur Íslands nú þegar
samningaviðræðurnar eru formlega
hafnar. „Bókinni sem nú kemur út
eftir Stefán Má Stefánsson lagapró-
fessor er ætlað að varpa skýru ljósi á
það hvað landbúnaðarstefna ESB og
Evrópska efnahagssvæðisins felur í
sér. Bændasamtökin gefa bókina út
en hún er aðeins hluti af viðamiklum
upplýsingum og rannsóknum sem
samtökin hafa unnið að um árabil,“
segir Haraldur.
Bókin Landbúnaðarlöggjöf
Evrópusambandsins og Evrópska
efnahagssvæðisins er fáanleg í bóka-
verslunum en einnig hjá útgefanda,
Bændasamtökum Íslands, þar sem
hún er á tilboðsverði til félagsmanna
samtakanna. Varnarlínur BÍ ásamt
ítarlegum rökstuðningi er jafnframt
að finna á vef Bændasamtakanna,
bondi.is. /TB
Bændasamtökin kynna lágmarkskröfur í viðræðunum við ESB:
Meta þarf hagsmuni bænda
- með hliðsjón af byggðasjónarmiðum, neytendamálum og fæðuöryggi segir formaður BÍ
Varnarlínur BÍ
1. Réttur Íslands til að
vernda heilsu manna, dýra
og plantna.
2. Frelsi til að styrkja
landbúnað og innlendan
úrvinnsluiðnað.

3. Heimild til að leggja
tolla á búvörur frá löndum
ESB.
4. Réttur til að tryggja
félagslega stöðu og
afkomu bænda.
5. Að Ísland verði skil-
greint sem eitt svæði með
hliðsjón af landbúnaði.
6. Réttur til sjálfbærrar
nýtingar hlunninda og
eðlilegra varna gegn rán-
dýrum og meindýrum.
7. Eignarréttarlegri stöðu
bænda og landeigenda
verði ekki raskað og
aðgengi að góðu ræktunar-
landi tryggt.
Haraldur Benediktsson, Eiríkur Blöndal og Erna Bjarnadóttir kynntu varnar-
línur BÍ í viðræðunum við ESB á bænum Elliðahvammi á Vatnsenda. Við sama
tilefni var kynnt útgáfa bókarinnar „Landbúnaðarlöggjöf Evrópusambandsins
og Evrópska efnahagssvæðisins" sem Stefán Már Stefánsson lagaprófessor
tók saman fyrir Bændasamtökin. Mynd / TB