Bændablaðið - 07.07.2011, Page 22

22 Bændablaðið | fimmtudagur 7. júlí 2011
Glæsilegt Landsmót á Vindheimamelum
Nauðgun setti svartan blett á mótið sem að öðru leyti fór afar vel fram. Mótshaldarar
fordæma ofbeldið og munu gera allt til að fyrirbyggja slíkt í framtíðinni.
Landsmóti hestamanna lauk á
Vindheimamelum í Skagafirði
sunnudaginn síðasta. Aldrei hefur
viðlíka fjöldi hrossa tekið þátt í
landsmóti en 473 hross tóku þátt
í gæðingahlutanum og 249 hross
sem komu til leiks í kynbótahlut-
anum auk hrossa í skeiði og tölti.
Var mál manna að hestakosturinn
á mótinu hefði verið hreint út sagt
frábær.
Mestu tíðindi mótsins voru
dómar Spuna frá Vesturkoti en
Spuni hlaut í aðaleinkunn hvorki
meira né minna en 8,92, þar af 9,25
fyrir hæfileika. Það gerir Spuna að
hæst dæmda stóðhesti í heimi en
hann fékk meðal annars 10 fyrir
skeið, vilja og geðslag. Þórður
Þorgeirsson sýndi hestinn en Þórður
hlaut einmitt reiðmennskuverðlaun
Félags tamningamanna. Hann sýndi
26 hross í kynbótasýningu, auk þess
að taka þátt í afkvæmasýningum og
í ræktunarbússýningu.
Nýr verðlaunagripur í minningu
Þorkels Bjarnasonar
Nýr verðlaunagripur var kynnt-
ur á mótinu, Þorkelsskjöldurinn
sem gefin er í minningu Þorkels
Bjarnasonar, fyrrum hrossaræktar-
ráðunauts. Skjöldurinn er farand-
bikar veittur þeirri hryssu sem
hæstan dóm hlýtur á landsmóti
hverju sinni. Að þessu sinni var
það hryssan Þóra frá Prestbæ í eigu
Ingu og Ingars Jenssen en Þórarinn
Eymundsson sýndi Þóru.
Gári hlaut Sleipnisbikarinn
Sleipnisbikarinn, heiðursverðlaun
stóðhesta fyrir afkvæmi hlaut Gári
frá Auðsholtshjáleigu og Arður frá
Brautarholti hlaut Eyfirðingsbikarinn
fyrir 1. verðlaun stóðhesta með
afkvæmum. Þá voru Syðri-
Gegnishólar valdir ræktunarbú
mótsins.
Í A-flokki gæðinga sigraði Ómur
frá Kvistum með einkunnina 8,98,
sýndur af Hinriki Bragasyni. Í
A-úrslitum í tölti sigraði Sigursteinn
Sumarliðason á glæsihryssunni Ölfu
frá Blesastöðum 1A en þau hlutu ein-
kunnina 8,94.
Kvennavígi í yngri flokkum
Í unglingaflokki sigraði Jóhanna
Margrét Snorradóttir á Bruna frá
Hafsteinsstöðum. Í ungmennaflokki