Bændablaðið - 07.07.2011, Page 32

32 Bændablaðið | fimmtudagur 7. júlí 2011
Tól og tækni
Peugeot 207 SW:
Með hreint út sagt
frábæra aksturseiginleika
Í síðustu umfjöllun hjá mér var ég
að skoða VW Golf sem var einn af
þremur bílum sem náði að vera með
eyðslu undir þrem lítrum af dísilolíu
í sparaksturskeppni Atlantsolíu á
dögunum. Toyota Yaris sigraði en í
öðru til þriðja sæti voru VW Golf
og Peugeot 207.
Ég hef tekið Yaris og VW Golf í
prufuakstur og það skal tekið fram að
ég er ekkert að breyta mínu aksturslagi
þó að ég sé að prófa þessa sparibauka
(á Yaris var ég að eyða 5,6 l. á hundr-
aðið og Golf 5.3).
5 lítrar á hundraðið
Hjá Bernhard ætlaði ég að fá eins bíl
og tók þátt í umræddri sparakstur-
skeppni Atlantsolíu, en því miður
var hann ekki til í augnablikinu (
uppseldur), en ég fékk Peugeot 207
SW sem er aðeins stærri bíll og um
70 kg. þyngri en bíllinn sem keppt
var á. Ég ók svipaðan hring á honum
og hinum tveim bílunum með mínu
aksturslagi og útkoman varð eftir 79
km akstur á meðalhraðanum 55, var
ég að eyða sléttum 5 lítrum af dísilolíu
á hundraðið.
Eins og límdur við götuna
Ég byrjaði á innanbæjarakstri í hring-
torgum, hraðahindrunum og þröngum
beygjum. Peugeot 207 SW er með
hreint frábæra aksturseiginleika
á bundnu slitlagi og í beygjum er
bíllinn hreinlega eins og límdur við
götuna (í beygjum kom upp í hugann
bíómyndaröðin Taxi 1, 2 og 3 þar
sem Peugeot var í aðalhlutverkinu).
Hraðahindranir tekur hann ósköp
venjulega, en á þessum litlu hvössu
sem og eru í innkeyrslum heggur bíll-
inn örlítið að aftan. Á möl fannst mér
bíllinn vera laus að aftan, en skrið-
vörnin í bílnum tekur strax völdin ef
bíllinn fer að „skrensa” of mikið til.
Eftir malarvegaaksturinn á þurrum
veginum stoppaði ég og gekk aftur
fyrir bílinn og fannst mér bíllinn vera
full mikill sóði á afturendann (töluvert
ryk hafði sest á bílinn að aftan).
Finnur ekkert fyrir hraða
Næst var að skoða hvernig bíllinn væri
í langkeyrslu (90 km. vegi). Á jafnri
keyrslu er Peugeot 207 SW varasamur
að því leyti að maður finnur ekkert
fyrir hraðanum og á þessum stutta
spotta sem ég ætlaði að keyra á 90
stóð ég sjálfan mig að því margsinnis
að vera kominn upp undir 120 án þess
að mér fyndist ég vera að keyra hratt
yfir mörkum. Þegar ég var komin aftur
í bæinn til að skila bílnum leit ég varla
af hraðamælinum og á löglegum hraða
innan bæjar fannst mér bíllinn varla
hreyfast (sennilegast hef ég verið á
kolólöglegum hraða þegar ég var á
leið út úr bænum án þess að taka neitt
eftir því).
Bílbeltaljós fyrir hvert sæti
Í mælaborðinu er ljós eins og í
öllum bílum hvort öryggisbeltin
séu spennt eða ekki, en í Peugeot
207 SW er ljós fyrir hvert sæti. Hef
ekki séð þetta svona vel útfært áður
og er eitthvað sem aðrir bílafram-
leiðendur mættu hafa í sínum bílum.
Jákvætt:
Sparneytinn, ágætis kraftur, hljóð-
látur, lítið malarvegahljóð inn í bíl-
inn, rúmgóður, þakgluggi, fjöðrun
á slitlagi.
Neikvætt:
Laus að aftan á malarvegum (hugs-
anlegt að of mikill loftþrýstingur
hafi verið í afturdekkjum), hraða-
blinda (maður er alltaf á meiri ferð
en maður heldur sig vera á), sóði á
afturendann á sjálfum sér (safnast
mikið ryk ofan á afturstuðara og á
afturgafl).
Ef valið væri á milli þessara
þriggja bíla sem voru að eyða
minstu í sparaksturskeppninni hjá
Atlandsolíu mundi ég sennilega taka
Peugeot 207 að öðrum ólöstuðum.
Vélaprófanir
hlj@bondi.is
Hjörtur L. Jónsson
Verð: 3.295.000 kr.
Lengd: 4.164 mm
Breidd: 1.972 mm
Hæð 1.527 mm
Hestöfl: 92
Vél: 1.560cc. disel
Þyngd 1.374 kg
Helstu mál Peugeot 207 SW:
Peugeot 207 SW.
Það kemst enginn upp með að spenna ekki beltin í þessum bíl.
Bændasamtök Íslands hafa gert
samkomulag við alla áburðar-
sala (Búvís, Fóðurblöndunnar,
Skeljung og Sláturfélag
Suðurlands) um að þeir greiði
árgjald bænda af JÖRÐ.IS,
skýrsluhaldsforriti í jarðrækt,
fyrsta árið (tímabilið 1. júlí 2011
til 30. júní 2012). Þetta þýðir
að allir bændur fá áfram frían
aðgang að JÖRÐ.IS. Með þessu
vilja áburðarsalar styðja við og
hvetja bændur til að nýta sér
markvissa og faglega ráðgjöf við
gerð áburðaráætlana. Bændur
eru hvattir til að nýta þennan
tíma til að kynna sér mögu-
leika forritsins í þaula. Í haust
eru fyrirhuguð námskeið fyrir
bændur um forritið. Ástæða
er til að fagna þessu framtaki
áburðarsala.
Reikningar vegna árgjalda fyrir
HUPPU, skýrsluhaldsforrit í naut-
griparækt, og FJARVIS, skýrslu-
haldsforrit í sauðfjárrækt, verða
sendir til notenda í ágúst/septem-
ber. Landssamband hestamanna-
félaga greiðir áskrift (árgjald)
að WorldFeng, upprunaættbók
íslenska hestsins, fyrir alla félags-
menn hestamannafélaga samkvæmt
samningi milli Bændasamtakanna
og FEIF, Alþjóðasamtaka
Íslandshestafélaga.
Samningur endurnýjaður
við Stefnu
Bændasamtök Íslands og hugbún-
aðarfyrirtækið Stefna á Akureyri
hafa endurnýjað samstarfs-
samning um hugbúnaðargerð til
áramóta. Matthías Rögnvaldsson,
framkvæmdastjóri Stefnu, og
Jón Baldur Lorange, sviðs-
stjóri upplýsingatæknisviðs
Bændasamtakanna, skrifuðu undir
samstarfssamninginn á Akureyri
þann 27. júní sl. Fyrsti samstarfs-
samningurinn var gerður haustið
2007 og hefur samstarfið verið
mjög árangursríkt og farsælt á
þessu tímabili. Hugbúnaður sem
hefur verið þróaður í samstarfi
Bændasamtakanna og Stefnu er
HUPPA, skýrsluhaldsforrit í naut-
griparækt, Bændatorgið, upplýs-
ingagátt bænda og Afurð, tölvu-
kerfi fyrir félagssvið samtakanna.

HEILSA, nýtt tölvukerfi MAST,
opnað
Heilsa, www.bufjarheilsa.is, er
nýtt tölvukerfi Matvælastofnunar
(MAST) sem var opnað þann
5. júní sl. Heilsa er vefforrit og
miðlægur gagnagrunnur um
sjúkdóma, lyfjameðhöndlanir og
bólusetningar á búfé. Allar skrán-
ingar verða með rafrænum hætti í
miðlæga gagnagrunna MAST og
Bændasamtakanna. MAST gerði
samning við upplýsingatæknisvið
Bændasamtakanna undir lok árs
2009 um hugbúnaðarsmíði og
þróun kerfisins. Jafnframt hljóðaði
samningurinn upp á áframhaldandi
þróun á MARK, einstaklings-
merkingakerfi fyrir búfé, þ.e.a.s.
smíði á eftirlitsskýrslum vegna
einstaklingsmerkinga o.fl. Auður
Lilja Arnþórsdóttir hefur stýrt
verkefninu af hálfu MAST, Jón
Baldur Lorange af hálfu upplýs-
ingatæknisviðs Bændasamtakanna
og forritari er Þorberg Þ.
Þorbergsson. Heilsa er með teng-
ingu við miðlæga skýrsluhalds-
gagnagrunna Bændasamtakanna
í nautgripa- og hrossarækt til að
tryggja áreiðanleika upplýsinga
um einstaklingsmerkta gripi og
hraðvirka skráningu. Dýralæknar
eru þegar farnir að skrá sjúkdóma
og lyfjameðhöndlun fyrir naut-
gripi og hross í Heilsu. Sláturhús
fá upplýsingar um sláturbann
gripa með sjálfvirkum hætti en
þau hafa einnig veflægan aðgang
að upplýsingum um alla einstak-
lingsmerkta nautgripi og hross.
Mikilvægt er að sláturhús gæti vel
að hvaða gripir eru með sláturbann
vegna lyfjameðhöndlunar. Í haust
verður opnað fyrir heilsuskrán-
ingar bænda beint í HUPPU og
WorldFeng í samræmi við kröfur
MAST þar um.
Acta Veterinaria Scandinavica
birtir grein um WorldFeng
Í nýjasta tölublaði Norræna dýra-
læknatímaritsins, Acta Veterinaria
Scandinavica, er birt ritrýnd grein
eftir undirritaðan um WorldFeng
undir fyrirsögninni: „WorldFengur
Icelandic horse“. Greinin byggist á
fyrirlestri á NKVet (Nordisk kom-
mitte för veterinarvetenskapligt
samarbete) ráðstefnu um gagna-
grunna fyrir sjúkdóma í búfé í
2010. Í erindinu var m.a. fjallað
um sjúkdómaskráningar hrossa í
WorldFeng í tengslum við nýjan
miðlægan sjúkdómagagnagrunn
MAST fyrir búfé. Íslendingar
komust ekki á ráðstefnuna vegna
eldgossins í Eyjafjallajökli.
Hans Houe, prófessor við
Kaupmannahafnarháskóla flutti
þess í stað erindið fyrir hönd undir-
ritaðs.
Að sögn Þorsteins Ólafssonar,
sem er í stjórn NKVet og dýra-
læknir hjá MAST, eru NKVet
samtök fimm dýralæknafélaga á
Norðurlöndum. Þau voru stofnuð
1977 sem vísindasamtök nor-
rænna dýralækna og tilgangurinn
er að halda ráðstefnur árlega um
dýralæknisfræðileg málefni sem
varða Norðurlöndin. NKVet ráð-
stefna var síðast haldin á Íslandi
2007 og var um fósturlát og fóstur-
dauða í búfé. Næsta NKVet ráð-
stefna verður haldin í Finnlandi
um umhverfismengun og dýraheil-
brigði 6.-7. október 2011.
Áburðarsalar greiða
árgjald bænda af JÖRÐ.IS
Jón Baldur Lorange
sviðsstjóri upplýsingatæknisviðs
Bændasamtaka Íslands
jbl@bondi.is
Upplýsingatækni
Upplýsingatækni og fjarskipti