Fréttablaðið - 19.03.2012, Side 12

12 19. mars 2012 MÁNUDAGUR
FRÁ DEGI TIL DAGS
greinar@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
HALLDÓR
Ólafur Þ.
Stephensen
olafur@frettabladid.is
SKOÐUN
-15 kr.
af lítranum í 10. hvert skipti sem þú
dælir 25 lítrum eða meira
með ÓB-lyklinum!
Sæktu um ÓB-lykil núna
á ob.is.
Matthías Bjarnason, fyrrum ráðherra Sjálfstæðisflokksins, ritar öðru sinni
grein í Fréttablaðið síðastliðinn föstudag
þar sem hann sakar ríkisstjórn mína um
að „skattpína börn“ með því að leggja fjár-
magnstekjuskatt á sparnað þeirra. Í fyrri
grein sinni býsnaðist hann yfir þessu en
studdi mál sitt lítt með gögnum. Í síðari
greininni birtir hann yfirlit yfir þrjár inn-
stæður, reiknaða vexti og skatt á upphæð-
irnar. Hvergi kemur fram hvaða ár skattur
var lagður á innstæðurnar. Ekki heldur eru
verðbætur á innstæðurnar tilgreindar, en
Matthías fullyrðir að ríkið „hirði“ stóran
hluta þeirra.
En sjálfsagt er að ítreka það sem ég nefndi
í svargrein minni 1. mars síðastliðinn. Í
fyrsta lagi innleiddi núverandi ríkisstjórn
frítekjumark þegar skattur á fjármagns-
tekjur var hækkaður í 20 prósent. Frítekju-
markið nemur 100 þúsund krónum fyrir
hvern einstakling. Ekki verður ráðið af
tölum Matthíasar hvort þær séu frá því fyrir
eða eftir að frítekjumarkið var innleitt.
Í öðru lagi voru greiðendur fjármagns-
tekjuskatts um 180 þúsund árin 2009 og
2010. Aðeins um 47 þúsund einstaklingar
greiddu fjármagnstekjuskatt 2011 og hafði
þeim fækkað um 136 þúsund. Vonandi
getur Matthías glaðst með einhverjum úr
þeim stóra hópi. Þessi umbreyting verður
vart skýrð án frítekjumarksins en með
þeim er öllum minniháttar sparnaði hlíft
við skatti, þar á meðal sparnaði barna.
Það er orðhengilsháttur að fólk taki við
þessar aðstæður út sparnað sinn og geymi
hann undir koddanum vegna skattaáþján-
ar. Sparnaður barna líkt og annarra hefur
minnkað eftir bankahrunið. Frítekju-
markið, helmings lækkun vaxtatekna
barna og fullorðinna og loks stórfelld
fækkun greiðenda fjármagnstekjuskatts
bendir til þess að æ fleiri séu með öllu
lausir við fjármagnstekjuskatt og hann
leggist því fremur á efnafólk eins og nú
háttar til.
Matthías segir mig illa þokkaða vegna
skattpíningar. Ekki elti ég ólar við slíkar
fullyrðingar en bendi honum á að opin-
ber gögn sýna að minna er nú innheimt
af þjóðarkökunni í ríkissjóð en árin fyrir
bankahrun. Jafnframt greiða nú 60 pró-
sent einstaklinga lægri tekjuskatta en
þeir gerðu á valdatíma Sjálfstæðisflokks-
ins og Framsóknarflokksins. Góðærið,
sem þeir gumuðu þá af, reyndist einn
mesti blekkingarvefur sem sögur fara af
eins og Matthías veit eins vel og við hin.
Þráhyggja sjálfstæðismanna
Skattamál
Jóhanna
Sigurðardóttir
forsætisráðherra
Snjóhengjur og uppskurðir
Líkingamál er vinsælt í umræðunni
um gjaldmiðilsmál. Krónan er ýmist
kölluð korktappi í hafi fjármálamark-
aða eða hitamælir á hita hagkerfisins.
Gjaldeyrishöftin eru sögð vera stífla
sem hamlar því að flóðbylgja fjár-
magns streymi úr landinu. Þá hefur
enn ekki verið minnst á snjóhengj-
una sem er það nafn sem gefið hefur
verið stabba aflandskróna
sem vilja yfirgefa hagkerfið.
Jóhanna Sigurðardóttir kom
með nýja líkingu í grein sem
hún birti í Fréttablaðinu á
laugardag: „Gjaldeyrishöft
eru eins og lyfjameðferð við
erfiðum sjúkdómseinkenn-
um. Hvort sem mönnum líkar betur
eða verr er raunveruleg lækning
fólgin í róttækum uppskurði.”

Kristján Þór varaformaður
Á flokksráðsfundi Sjálfstæðisflokksins
á laugardag var kosið í hið nýja emb-
ætti annars varaformanns flokksins.
Í embættið var valinn Kristján Þór
Júlíusson þingmaður sem hlaut
um 45 prósent atkvæða í
fyrri umferð og 57 prósent í
þeirri seinni. Næstur kom
Geir Jón Þórisson, fyrrum
yfirlögregluþjónn, sem fékk
fyrst 23 prósent og
svo um 40
prósent.
Þingmannsefni?
Fékk Geir Jón fleiri atkvæði en
þau Jens Garðar Helgason, for-
maður bæjarráðs Fjarðabyggðar, og
Aldís Hafsteinsdóttir, bæjarstjóri í
Hveragerði, og getur því væntanlega
vel við unað enda að stíga sín fyrstu
skref í pólitík. Forvitnilegt verður
að sjá hvort Geir Jón býður sig
fram í prófkjöri flokksins fyrir
þingkosningarnar á næsta ári
en niðurstaða varaformann-
skjörsins bendir til þess að
hann gæti náð ágætum árangri
láti hann slag standa.
magnusl@frettabladid.isF
yrir rétt rúmu ári gagnrýndi Niels Jacobsen, hinn danski
stjórnarformaður Össurar hf., stefnu íslenzkra stjórnvalda
í málefnum atvinnulífsins harðlega í viðtali hér í blaðinu.
Jacobsen talaði þá um hringlandahátt og flumbrugang í
lagasetningu, gjaldeyrishöft og fleira sem gerði erfitt að
reka fyrirtæki á Íslandi.
Sama dag og viðtalið birtist ákvað aðalfundur Össurar 2011 að
afskrá fyrirtækið úr Kauphöll Íslands. „Við getum ekki verið skráð
á hlutabréfamarkað sem notar
gjaldmiðil sem er ekki nothæfur,“
sagði Jacobsen þá. Kauphöllin
ákvað síðar einhliða að að skrá
bréf félagsins að nýju, í óþökk
stjórnenda Össurar.
Á aðalfundi Össurar síðastlið-
inn föstudag endurtók Jacobsen
gagnrýni sína og bætti heldur í;
sagði rekstrar- og lagaumhverfi
fyrirtækja hafa hrakað undanfarin ár. Fljótfærnisleg, tíð og ófagleg
lagasetning og vilji til að búa til séríslenzkar lausnir, sem ekki hefðu
verið reyndar annars staðar, græfu undan þeim fyrirsjáanleika sem
væri nauðsynlegur í alþjóðlegum viðskiptum.
„Við þurfum að sætta okkur við þvingaða skráningu á hlutabréfa-
markað hér, minnkandi seljanleika og tvöfalt hlutabréfaverð. Við
þurfum að þreifa okkur áfram í umhverfi alls kyns óvenjulegra
reglugerða sem keppinautar okkar þurfa ekki að taka tillit til,“ sagði
Jacobsen í ræðu sinni.
Jacobsen er út af fyrir sig ekki að segja neitt sem forsvarsmenn
íslenzkra fyrirtækja og samtaka þeirra hafa ekki margsagt. En
kannski verður frekar hlustað á hann en talsmenn íslenzks atvinnu-
lífs. Málflutning þeirra, sem verið hefur á sama veg, hefur forsætis-
ráðherrann kallað „svartagallsraus“ og gefið í skyn að fólkið sem á
og rekur fyrirtækin átti sig bara alls ekki á því hvað það sé frábært
að reka fyrirtæki á Íslandi og gangi í rauninni ljómandi vel.
Jacobsen hefur hins vegar samanburðinn. Hann er alþjóðlegur
fjárfestir sem hefur reynslu af rekstri á Íslandi.
Hann þekkir líka vel til í dönsku og evrópsku atvinnulífi (sem
sumir telja búa við þungt og viðamikið regluverk). Hann dregur
þá ályktun að rekstrarumhverfi fyrirtækja á Íslandi sé verra en á
meginlandinu og fari versnandi. Ef ríkisstjórnin meinar það sem
hún segir um að hún vilji auka erlenda fjárfestingu í atvinnulífinu,
að ekki sé talað um að bæta skilyrði þeirra fyrirtækja sem fyrir eru,
hlýtur hún að hlusta.
Suma ágalla Íslands eins og smæðina og fjarlægð frá öðrum
mörkuðum getum við ekki lagað. Við þurfum hins vegar að vega þá
upp með því að fyrirtæki búi við betra rekstrarumhverfi hér en í
nágrannaríkjunum eða að minnsta kosti sambærilegt. Gjaldmiðilinn
sitjum við uppi með í einhver ár enn, en þurfum trúverðuga stefnu
um hvernig við ætlum að skipta honum út.
Stjórnvöld þurfa að hafa stefnu sem mark er tekið á í þessum
efnum, eigi að takast að laða hingað erlenda fjárfesta og halda í þá
fáu sem fyrir eru. Gagnrýni þeirra er ekki hægt að afgreiða sem
svartagallsraus.
Stjórnarformaður Össurar gagnrýnir stjórnvöld:
Útlent
svartagallsraus