Fréttablaðið - 27.09.2012, Blaðsíða 58

27. september 2012 FIMMTUDAGUR46
Dario Argento, hinn goð-
sagnakenndi ítalski kvik-
myndaleikstjóri og einn
áhrifamesti hrollvekjuleik-
stjóri allra tíma, er heið-
ursgestur kvikmyndahá-
tíðarinnar Reykjavík
International Film Festival
sem sett verður með pompi
og prakt í dag. Ferill Arg-
ento spannar rúm fjöru-
tíu ár og hann er hvergi
nærri hættur, en í ár sendi
hann frá sér kvikmyndina
Dracula 3D. Haukur Viðar
Alfreðsson tók Argento
tali og óhætt er að segja að
hann sé töluvert geðþekk-
ari en yrkisefnin gefa til
kynna. Eftir örstutt spjall
um veðrið hófst alvaran.
Hvaða þýðingu hefur það fyrir þig
sem listamann að vera heiðurs-
gestur RIFF? Mér finnst það mikill
heiður. Ég er mjög spenntur fyrir
Íslandsförinni og hlakka mikið til.
Ég hef séð íslenskar kvikmyndir á
kvikmyndahátíðum og einnig hef
ég hlustað á íslenska tónlist, en um
landið sjálft veit ég ekki mikið. En
mér skilst að það sé stórt og fal-
legt.
Nú sendir þú nýlega frá þér kvik-
myndina Dracula 3D. Hver mynd-
irðu segja að væri helsti munurinn
á því að gera kvikmynd í dag og
fyrir fjörutíu árum? Tilfinningin á
tökustað er sú sama en markaðs-
yfirráð bandarískra stórmynda
hafa gert minni myndum erfið-
ara fyrir. Með tilkomu stafrænn-
ar kvikmyndatöku er orðið nær
ómögulegt að taka mynd á gam-
aldags filmu. Til dæmis er hvergi
hægt að framkalla filmu á Ítalíu í
dag, þannig að kvikmyndagerðar-
menn verða að aðlagast breyttum
tímum.
Hvernig leggjast þessar breyt-
ingar í þig? Þetta er hræðilegt
(hlær). En það var virkilega gaman
að prófa sig áfram með þrívíddina
og ég leit á þetta sem spennandi til-
raun. Þarna næ ég dýpt sem ég hef
aldrei náð áður.
Það er óhjákvæmilegt að spyrja
einn áhrifamesta hrollvekjuleik-
stjóra allra tíma hvernig honum
líki við hryllingsmyndir nútímans.
Sérðu eitthvað sem er þér að skapi?
Það er ekkert að gerast í Amer-
íku, en mér líkar mjög vel við það
sem er að gerast í Frakklandi og á
Spáni. Þaðan koma margar góðar
myndir, sem og frá Japan, Taívan
og Suður-Kóreu. Ætli það sé ekki
hinn nýi heimavöllur hryllingsins?
Myndir þínar eru fullar af fal-
legum sjónarhornum og þú hefur
óvenjulega nálgun á liti og ljós.
Sækir þú innblástur í myndlist?
Ég sæki mikið í myndlist og arki-
tektúr og myndirnar mínar eru
uppfullar af vísunum í málverk og
skúlptúra. Til dæmis í kvikmynd-
inni Deep Red, þar endurskapa ég
sjónarhorn úr málverkinu
Nighthawks eftir Edward
Hopper. Þetta er bara eitt
dæmi af mörgum. Mynd-
list og kvikmyndagerð
eru náskyldar listgreinar.
Hrollvekjan Suspiria
er vafalaust sú þekkt-
asta af þínum verkum.
Nú er unnið að endurgerð
myndarinnar fyrir banda-
rískan markað. Hvernig
leggst verkefnið í þig og
ertu viðriðinn það að ein-
hverju leyti? Ég hef ekki
hugmynd um hver stend-
ur á bak við þetta verk-
efni og kem eiginlega alveg af fjöll-
um. Ég hef þó heyrt af því að þetta
standi til og undra mig á því hvers
vegna enginn hefur haft samband.
Mér finnst það bæði ófagmannlegt
og dónalegt.
Nú hefur þú bæði skrifað fyrir
sjálfan þig og aðra, meðal annars
sjálfan Sergio Leone. Hvort veit-
ir þér meiri ánægju,
að sitja við ritvélina
eða að standa á bak
við tökuvélina? Hvort
tveggja finnst mér fal-
legt og veitir mér gleði.
Þegar ég skrifa er ég
að setja drauma mína
á blað en þegar ég fer
í tökur finnst mér ég
vera að uppfylla þá.
Þetta er nátengt og ég
get ómögulega gert upp
á milli.
Má eiga von á því að
sjá þig í bíó á RIFF-
hátíðinni? Engin spurn-
ing. Ég ætla að horfa á myndirnar
mínar með áhorfendum og hafa
gaman af.
ÁHRIFAMIKILL Nýjasta mynd heiðursgests RIFF í ár, Dario Argento, verður sýnd á hátíðinni auk tveggja annarra mynda eftir leikstjórann, hinnar víðfrægu hrollvekju Suspiria frá
1977 og Inferno frá 1980. NORDICPHOTOS/AFP
Fyrir byrjendur í Argento-fræðum hefur Fréttablaðið tekið saman þrjár af
helstu kvikmyndum leikstjórans.
The Bird with the Crystal Plumage
(„L‘uccello dalle piume di cristallo“) - 1970
Aðalhlutverk: Tony Musande, Suzy Kendall
Bandarískur rithöfundur flækist í morðgátu í Róm. Feiknasterk frumraun
frá þrítugum Dario. Eldist vel og tíðarandinn gerir þetta allt saman bara
skemmtilegra.
Deep Red
(„Profondo rosso“) - 1975
Aðalhlutverk: David Hemmings,
Daria Nicolodi
Tónlistarkennari verður vitni að
hrottalegu morði og fer í spæjara-
leik. Ungir menn í þannig leikjum
hafa reyndar lengi verið leikstjórans
ær og kýr. David Hemmings er
sérstaklega glæsilegur í aðalhlut-
verkinu.
Suspiria - 1977
Aðalhlutverk: Jessica Harper, Stefania
Casini, Udo Kier
Meistaraverkið sem hrollvekjuunnendur
um allan heim kunna utan að. Ung stúlka
hefur nám við ballettskóla í Freiburg.
Fljótlega byrjar ballerínunum að fækka,
enda virðist sem geðsjúkur morðingi gangi
laus á heimavistinni. Suspiria er veisla fyrir
augu og eyru, og tónlistin úr myndinni
(eftir Argento sjálfan og proggrokk-sveitina
Goblin) er fyrir löngu orðin sígild.
ARGENTO FYRIR BYRJENDUR
Mér skilst að Ísland sé stórt og fallegt
Ég sæki mikið
í myndlist og
arkitektúr og
myndirnar mínar
eru uppfullar
af vísunum í
málverk og
skúlptúra.